"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Barranin (Difiża), 12/11/2019, 12 ta' Novembru 2019
Riżultati ewlenin
Kwistjonijiet ta' sigurtà u ta' difiża
Ir-Rappreżentant Għoli u l-ministri għad-difiża kellhom diskussjoni strateġika dwar kwistjonijiet ta' sigurtà u ta' difiża. Huma analizzaw il-progress li sar u taw ħarsa lejn il-prijoritajiet futuri. Id-diskussjoni kienet opportunità biex issir riflessjoni fuq modi oħra għal-UE biex issaħħaħ il-kapaċità tagħha li taġixxi bħala garanti tas-sigurtà, l-awtonomija strateġika tagħha u l-kapaċità tagħha li tikkoopera mas-sħab.
Il-Kunsill iffoka b'mod partikolari fuq il-PESCO (Kooperazzjoni Strutturata Permanenti) u adotta deċiżjoni li tniedi tlettax-il proġett ġdid tal-PESCO. Il-ministri għad-difiża ddiskutew ukoll il-koerenza bejn il-PESCO u l-inizjattivi tad-difiża oħra tal-UE, inkluż ir-Rieżami Annwali Koordinat dwar id-Difiża (CARD) u l-Fond Ewropew għad-Difiża.
Il-kooperazzjoni u s-sħubija bejn l-UE u n-NATO qatt ma kienu daqshekk qawwija. Aħna t-tnejn qbilna bis-sħiħ li l-UE b'saħħitha fil-qasam tad-difiża tgħin lin-NATO biex tkun aktar b'saħħitha u huwa importanti wkoll li jkun hemm NATO aktar b'saħħitha għas-sigurtà tal-Ewropa.
Federica Mogherini, Rappreżentant Għoli għall-Affarijiet Barranin u l-Politika ta' Sigurtà
Il-ministri għad-difiża kellhom skambju ta' fehmiet dwar il-kooperazzjoni bejn l-UE u n-NATO mal-Viċi Segretarju Ġenerali tan-NATO Mircea Geoana. Huma ddiskutew b'mod partikolari d-djalogu politiku, l-eżerċizzji paralleli u koordinati u l-mobbiltà militari. Il-ministri għad-difiża affermaw mill-ġdid ir-rabta transatlantika b'saħħitha u l-impenn kontinwu taż-żewġ organizzazzjonijiet biex jaħdmu flimkien. Il-Viċi Segretarju Ġenerali Mircea Geoana informa wkoll lill-ministri għad-difiża tal-UE dwar is-sitwazzjoni attwali tat-tħejjijiet għal-Laqgħa li jmiss tal-Mexxejja tan-NATO li ser issir fit-3 u l-4 ta' Diċembru f'Londra.
Il-Kunsill iddiskuta s-sitwazzjoni attwali tal-iskjeramenti tal-PSDK, u rrifletta fuq il-kisbiet, l-isfidi u l-oqsma għal titjib ulterjuri. Ġiet enfasizzata l-importanza li jiġu żgurati riżorsi adegwati għall-missjonijiet u l-operazzjonijiet biex iwettqu l-mandat tagħhom.
Il-ministri għad-difiża enfasizzaw l-impenn tal-UE fis-Saħel u r-rilevanza tal-operazzjonijiet navali, b'mod partikolari EUNAFOR Operazzjoni Atalanta. Huma ħeġġew il-ħidma li għaddejja dwar il-preżenzi marittimi koordinati.
Bord ta' Tmexxija tal-Aġenzija Ewropea għad-Difiża
Il-bord ta' tmexxija tal-Aġenzija Ewropea għad-Difiża ltaqa' qabel il-laqgħa tal-Kunsill. Fil-marġini tal-Bord ta' Tmexxija, saret ċeremonja ta' ffirmar biex jitfakkar it-trasferiment tal-proġett tal-PESCO dwar is-Sorveljanza kimika, bijoloġika, radjoloġika u nukleari (CBRN) bħala Servizz (CBRN SaaS) fil-qafas tal-Aġenzija.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-kooperazzjoni u s-sħubija bejn l-UE u n-NATO qatt ma kienu daqshekk qawwija. Aħna t-tnejn qbilna bis-sħiħ li l-UE b'saħħitha fil-qasam tad-difiża tgħin lin-NATO biex tkun aktar b'saħħitha u huwa importanti wkoll li jkun hemm NATO aktar b'saħħitha għas-sigurtà tal-Ewropa.
