"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza informali tal-ministri għall-affarijiet barranin, 16 ta' April 2024
Riżultati prinċipali
Il-ministri għall-affarijiet barranin tal-UE kellhom vidjokonferenza informali biex jiddiskutu l-aħħar żviluppi fil-Lvant Nofsani fid-dawl tal-attakk reċenti bi droni u missili mill-Iran kontra Iżrael.
Nixtieq nuża l-istess kliem li uża s-Segretarju Ġenerali tan-Nazzjonijiet Uniti: "Ir-reġjun jinsab f'xifer abbiss, u rridu nitbiegħdu minnu". [...]
Illum il-ministri ħadu pożizzjoni soda fejn talbu lill-atturi kollha fir-reġjun biex jitbiegħdu mill-abbiss, sabiex ma jaqgħux fih.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Wara l-vidjokonferenza, ir-Rappreżentant Għoli tal-UE għall-Affarijiet Barranin u l-Politika ta' Sigurtà Josep Borrell enfasizza li d-diskussjoni ministerjali informali wriet l-unità tal-UE fil-kundanna qawwija tagħha tal-attakk mill-Iran, l-impenn tagħha għas-sigurtà ta' Iżrael, ir-rieda tagħha li tevita aktar eskalazzjoni, u fl-appell lin-naħat kollha biex jeżerċitaw trażżin.
Ir-Rappreżentant Għoli kkonferma li l-ħidma fil-ġimgħat li ġejjin ser tiffoka fuq iż-żieda tas-sensibilizzazzjoni tal-UE mas-sħab ewlenin kollha fir-reġjun u lil hinn minnu, u fuq miżuri restrittivi. Din tista' tinvolvi l-espansjoni tal-ambitu tar-reġim eżistenti mmirat lejn l-appoġġ militari tal-Iran għall-gwerra ta' aggressjoni tar-Russja kontra l-Ukrajna permezz ta' droni, biex tiġi inkluża l-possibbiltà li jiġu ssanzjonati missili Iranjani kif ukoll kunsinni ta' droni lil forzi bi prokura Iranjani fil-Lvant Nofsani.
Ir-Rappreżentant Għoli enfasizza bil-qawwa l-ħtieġa li Gaża ma tintesiex, u fakkar li ma hemm l-ebda possibbiltà li tinbena paċi dejjiema fir-reġjun jekk ma jissolviex il-kunflitt bejn Iżrael u l-Palestina. Għal din ir-raġuni jeħtieġ li l-UE tkompli taħdem lejn waqfien mill-ġlied immedjat u sostenibbli, il-ħelsien ta' ostaġġi tal-Ħamas, u l-indirizzar tas-sitwazzjoni umanitarja katastrofika f'Gaża.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
