Kunsill Affarijiet Ġenerali (Art. 50), 12/12/2017, 12 ta' Diċembru 2017

Riżultati ewlenin

Il-Kunsill, fil-format UE27, ġie infurmat mill-Kap Negozjatur tal-UE għall-Brexit, Michel Barnier, dwar l-istat attwali tan-negozjati mar-Renju Unit. Il-ministri ħadu nota tal-valutazzjoni mill-Kummissjoni tal-progress li sar fl-ewwel fażi tan-negozjati, kif rifless fil-komunikazzjoni mill-Kummissjoni u r-rapport konġunt min-negozjaturi tal-UE u tar-Renju Unit dwar il-ħruġ tar-Renju Unit mill-UE. Il-kapijiet ta' stat jew ta' gvern tal-UE issa ser jiddeċiedu jekk sarx biżżejjed progress biex jgħaddu għat-tieni fażi.

Il-ministri mbagħad iffinalizzaw it-tħejjijiet għall-Kunsill Ewropew (Artikolu 50) tal-15 ta' Diċembru 2017 b'diskussjoni dwar l-abbozz ta' linji gwida għal aktar negozjati mar-Renju Unit.

Il-ftehim tal-Ġimgħa li għaddiet huwa stadju essenzjali fin-negozjati dwar il-Brexit. Huwa jagħti ċertezza lil 4,5 miljun ċittadin, iħallina nsibu soluzzjonijiet għall-kwistjoni tal-fruntiera Irlandiża u jiċċara l-finanzjament tal-impenji komuni li ħadna mar-Renju Unit. Huwa fl-istess ħin importanti li jiġi nnutat li kull progress ieħor jitlob rispett sħiħ tal-impenji fl-ewwel fażi. Sven Mikser, Ministru Estonjan għall-Affarijiet Barranin

• Kunsill Ewropew (Art 50) tal-15 ta' Diċembru - paġna tal-laqgħa
• Komunikazzjoni tal-Kummissjoni dwar l-istat tal-progress fin-negozjati dwar il-Brexit
• Rapport konġunt min-negozjaturi tal-UE u tar-Renju Unit dwar il-ħruġ tar-Renju Unit mill-UE