"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-Kunsill beda billi ddiskuta l-abbozz ta' konklużjonijiet għall-Kunsill Ewropew li jmiss. Fil-kuntest tas-Semestru Ewropew 2025, il-Kunsill approva nota orizzontali dwar ir-rakkomandazzjonijiet integrati speċifiċi għall-pajjiżi u qabel li jgħaddiha lill-Kunsill Ewropew għall-approvazzjoni. Fl-aħħar, fil-qafas tad-djalogu annwali dwar l-istat tad-dritt, il-Kunsill kellu diskussjoni speċifika għall-pajjiż li kkonċentrat fuq is-sitwazzjoni tal-istat tad-dritt fil-Finlandja.
Dwar il-kompetittività, l-omnibuses huma l-ewwel passi t-tajba. Irridu mmexxu rivoluzzjoni reali ta' simplifikazzjoni – li ssir parti minn kull stadju tat-tfassil tal-liġijiet tal-UE. Inqas burokrazija tfisser investiment aktar faċli u kompetittività aktar b'saħħitha għall-kumpaniji tagħna.
Ignacy Niemczycki, Viċi Ministru għall-Unjoni Ewropea tal-Polonja
Tħejjija għall-Kunsill Ewropew ta' Ġunju
Il-Kunsill kompla t-tħejjijiet għal-laqgħa tal-Kunsill Ewropew tas-26 u s-27 ta' Ġunju 2025 billi ddiskuta l-abbozz ta' konklużjonijiet. Il-mexxejja tal-UE mistennija jiddiskutu:
il-gwerra ta' aggressjoni tar-Russja kontra l-Ukrajna
l-aħħar żviluppi fil-Lvant Nofsani
id-difiża u s-sigurtà Ewropej
l-UE fid-dinja
il-kompetittività
il-migrazzjoni,
is-Summit li jmiss bejn l-UE u l-Moldova fl-4 ta' Lulju 2025
Fil-qafas tas-Semestru Ewropew 2025, il-Kunsill approva nota orizzontali dwar ir-rakkomandazzjonijiet integrati speċifiċi għall-pajjiżi u qabel li jgħaddiha lill-Kunsill Ewropew għall-approvazzjoni.
Il-ministri kellhom diskussjoni speċifika għall-pajjiż fil-qafas tad-djalogu annwali dwar l-istat tad-dritt, b'enfasi fuq is-sitwazzjoni tal-istat tad-dritt fil-Finlandja.
Din kienet kontinwazzjoni tat-tnax-il sensiela ta' diskussjonijiet speċifiċi għall-pajjiż tas-27 ta' Mejju 2025, li ma setgħux jiġu konklużi minħabba restrizzjonijiet ta' żmien. Il-Kummissjoni ppreżentat is-sejbiet ewlenin tal-kapitolu Finlandiż fir-rapport tagħha tal-2024 dwar l-istat tad-dritt. Id-delegazzjoni Finlandiża mbagħad ippreżentat żviluppi nazzjonali ewlenin u aspetti partikolari tal-qafas nazzjonali tal-istat tad-dritt tagħha. Dan kien segwit minn sensiela ta' kummenti u mistoqsijiet li fihom delegazzjonijiet oħra qasmu l-esperjenzi u l-aħjar prattiki tagħhom fir-rigward tal-iżviluppi msemmija.
Taħt affarijiet oħra, il-Kunsill sema' preżentazzjonijiet mill-Portugall dwar l-Istitut Universitarju Ewropew (EUI), mill-Belġju u l-Lussemburgu dwar ir-rekwiżiti bażi Ewropej biex tissaħħaħ ir-reżiljenza madwar l-UE, u mid-Danimarka dwar il-prijoritajiet tal-presidenza Daniża li jmiss għat-tieni nofs tal-2025.
Fl-aħħar nett, taħt punti mingħajr diskussjoni, il-Kunsill adotta direttiva dwar il-faċilitazzjoni tad-dritt tal-vot u tal-kandidatura fl-elezzjonijiet għall-Parlament Ewropew (PE) għaċ-ċittadini tal-UE residenti fi stat membru li tiegħu mhumiex ċittadini u ħa nota ta' rapport ta' progress fuq l-abbozz ta' direttiva dwar it-trasparenza tar-rappreżentanza tal-interessi f'isem pajjiżi terzi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
