"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-laqgħa tal-Kunsill bdiet billi fakkret ir-raba' anniversarju ta' niket tal-invażjoni fuq skala sħiħa u l-gwerra ta' aggressjoni tar-Russja kontra l-Ukrajna, b'minuta ta' silenzju simboliku.
Il-ministri responsabbli għall-affarijiet Ewropej bdew it-tħejjijiet għal-laqgħa tal-Kunsill Ewropew ta' Marzu billi ddiskutew abbozz ta' aġenda annotata, u kellhom skambju ta' fehmiet biex jimmarkaw it-tnedija taċ-Ċentru Ewropew għar-Reżiljenza Demokratika.
Wara l-irtir informali tal-mexxejja, qed inżidu l-ħidma tagħna biex navvanzaw il-kompetittività tal-UE u napprofondixxu s-suq uniku tagħna. Il-Presidenza Ċiprijotta ser tmexxi l-ħidma ‘l quddiem u tibqa' ffukata fuq l-għan għal Ewropa aktar b'saħħitha u aktar awtonoma li tkun miftuħa għad-dinja.
Marilena Raouna, Viċi Ministru għall-Affarijiet Ewropej tar-Repubblika ta' Ċipru
Tħejjija tal-EUCO
Il-Kunsill beda t-tħejjijiet għal-laqgħa tal-Kunsill Ewropew ta' Marzu b'diskussjoni dwar abbozz ta' aġenda annotata. Il-mexxejja mistennija jiddiskutu:
il-gwerra ta' aggressjoni tar-Russja kontra l-Ukrajna
l-aħħar żviluppi fil-Lvant Nofsani
il-kompetittività u s-suq intern
il-Qafas Finanzjarju Pluriennali (QFP) 2028-2034 li jmiss
Waqt ikla informali, il-ministri kellhom skambju ta' fehmiet biex jimmarkaw it-tnedija taċ-Ċentru Ewropew għar-Reżiljenza Demokratika, bħala parti mit-Tarka Ewropea għad-Demokrazija, li ġiet ippreżentata mill-Kummissjoni fit-12 ta' Novembru 2025.
Il-ministri ddiskutew oqsma ta' prijorità fl-2026 għaċ-Ċentru Ewropew għar-Reżiljenza Demokratika, li huwa maħsub bħala hub għall-kooperazzjoni fost l-istati membri, bl-appoġġ tal-istituzzjonijiet u l-korpi tal-UE, permezz tal-kondiviżjoni tal-għarfien espert u l-esperjenza fl-iżvilupp ta' risponsi effettivi għat-theddid għad-demokraziji u fit-tisħiħ tar-reżiljenza demokratika.
Id-delegazzjoni Awstrijaka u dik Ungeriża enfasizzaw l-importanza li tissaħħaħ il-kooperazzjoni Ewropea kontra l-estremiżmu mhux vjolenti, l-influwenza barranija u r-radikalizzazzjoni online.
Id-delegazzjoni Franċiża ssinjalat lill-Kunsill l-inizjattiva leġiżlattiva li ġejja tal-Kummissjoni dwar it-28 reġim fil-liġi tal-kumpaniji.
Fl-aħħarnett, il-Kunsill adotta mingħajr diskussjoni:
id-direttiva li tissimplifika r-rekwiżiti ta' rappurtar u ta' diliġenza dovuta korporattivi dwar is-sostenibbiltà (Omnibus I)
deċiżjoni li tawtorizza l-iffirmar ta' pakkett wiesa' ta' ftehimiet mal-Iżvizzera
regolament li jimplimenta kooperazzjoni msaħħa dwar l-istabbiliment tas-Self ta' Appoġġ għall-Ukrajna għall-2026 u l-2027
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
