Kunsill Trasport, Telekomunikazzjoni u Enerġija

Kunsill Straordinarju Trasport, Telekomunikazzjoni u Enerġija (Enerġija), 26 ta' Lulju 2022

Riżultati ewlenin

Il-ministri għall-enerġija tal-UE laħqu qbil politiku dwar tnaqqis volontarju tad-domanda għall-gass naturali bi 15% għal din ix-xitwa. L-għan ta' dan ir-regolament tal-Kunsill huwa li jiġi ffrankat il-gass sabiex issir tħejjija għal interruzzjonijiet possibbli fil-provvisti tal-gass mir-Russja li qiegħda kontinwament tuża l-provvisti tal-enerġija bħala arma. Ir-regolament jipprevedi l-possibbiltà għall-Kunsill li jiskatta "Allert tal-Unjoni" dwar is-sigurtà tal-provvista, f'liema każ it-tnaqqis fid-domanda għall-gass isir obbligatorju.

L-UE hija magħquda u solidali. Id-deċiżjoni tal-lum uriet b'mod ċar li l-istati membri ser jibqgħu sodi kontra kwalunkwe tentattiv Russu li jaqsam l-UE billi jintużaw il-provvisti tal-enerġija bħala arma. L-adozzjoni tal-proposta għat-tnaqqis tal-gass fi żmien rekord bla dubju saħħet is-sigurtà tal-enerġija komuni tagħna. L-iffrankar tal-gass issa ser itejjeb it-tħejjija. Ix-xitwa ser tkun ħafna orħos u aktar faċli għaċ-ċittadini u l-industrija tal-UE. Jozef Síkela, ministru Ċek għall-industrija u l-kummerċ

L-Istati membri jimpenjaw ruħhom li jnaqqsu d-domanda għall-gass bi 15 % fix-xitwa li ġejja (stqarrija għall-istampa, 26 ta' Lulju 2022)

Il-ministri kellhom skambju ta' fehmiet dwar is-sitwazzjoni tal-enerġija fl-Ewropa fil-kuntest tal-gwerra ta' aggressjoni tar-Russja kontra l-Ukrajna.

Il-ministri kellhom ukoll skambju ta' fehmiet dwar il-miżuri nazzjonali u l-pjanijiet ta' kontinġenza tagħhom, kif ukoll dwar aktar azzjonijiet fuq terminu qasir biex tissaħħaħ is-sigurtà tal-provvista tal-enerġija tal-UE.

Il-ministri ddiskutew kif jista' jiġi stimulat tnaqqis fid-domanda minn klijenti protetti (bħal unitajiet domestiċi u entitajiet kritiċi) qabel ix-xitwa sabiex jitnaqqas ir-riskju ta' skarsezza ta' gass għal klijenti kritiċi li mhumiex protetti. Kellhom skambju ta' fehmiet dwar liema miżuri, flimkien mal-kondiviżjoni tal-aħjar prattiki tal-iffrankar tal-enerġija, għandhom jingħataw prijorità biex tissaħħaħ is-sigurtà tal-enerġija qabel ix-xitwa li jmiss filwaqt li tiġi żgurata provvista stabbli tal-enerġija għall-industrija u ċ-ċittadini.

Il-ministri ddiskutew ukoll l-inizjattivi tal-pakkett "Niffrankaw il-gass għal xitwa sikura" ppreżentati mill-Kummissjoni fl-20 ta' Lulju, b'mod partikolari kif beħsiebhom jagħmlu użu mill-miżuri, biex jiżguraw li r-riżorsi tal-gass disponibbli jiġu kondiviżi fost l-istati membri.

Taħt affarijiet oħra, il-Greċja qasmet informazzjoni dwar il-pjan għas-suq tal-enerġija biex il-prezzijiet tal-elettriku jiġu diżakkoppjati mill-prezzijiet tal-gass naturali li dejjem jogħlew.

Wara l-laqgħa, il-ministri kellhom ikla informali mal-ministru għall-enerġija tal-Ukrajna German Galushchenko biex jiddiskutu l-kooperazzjoni tal-UE mal-Ukrajna fil-qasam tal-enerġija.

Fil-laqgħa, il-Kunsill adotta mingħajr diskussjoni l-"punti A" elenkati hawn taħt.

Siltiet ewlenin mill-Kunsill Enerġija straordinarju li sar fi Brussell fis-26 ta' Lulju 2022

Dokumenti tal-laqgħat

Dokumenti ta' tħejjija

Dokumenti ta' eżitu

Stqarrijiet għall-istampa

Tagħrif għall-istampa

Kuntatti għall-istampa

Peristera Dimopoulou Press officer
+32 471 33 53 26
+32 2 281 61 56
@eri_dimopoulou

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.