"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Straordinarju Trasport, Telekomunikazzjoni u Enerġija (Enerġija), 9 ta' Settembru 2022
Riżultati ewlenin
Il-ministri għall-enerġija tal-UE kellhom żewġ skambji ta' fehmiet dwar is-sitwazzjoni tal-enerġija fl-UE.
Miżuri biex jittaffew il-prezzijiet għoljin tal-enerġija
Matul l-ewwel diskussjoni l-ministri esprimew il-preferenzi tagħhom dwar għażliet ta' politika differenti biex jittaffa l-piż tal-prezzijiet għoljin tal-enerġija fuq iċ-ċittadini, is-servizzi pubbliċi, in-negozji u l-industrija, li jistgħu jiġu implimentati fil-livell tal-UE fi żmien qasir.
Illum, irnexxielna naqblu dwar direzzjoni komuni għal miżuri ta' emerġenza temporanji u biex nagħtu kompitu ċar lill-Kummissjoni biex tressaq proposta robusta u tanġibbli fi ftit jiem. Ser nagħmlu wkoll kull m'hemm bżonn biex ngħinu liċ-ċittadini u lill-kumpaniji tagħna li qed jiffaċċjaw prezzijiet għoljin tal-enerġija.
Jozef Síkela, ministru Ċek għall-industrija u l-kummerċ
Id-diskussjoni kienet ibbażata fuq nota tal-presidenza li tenfasizza diversi għażliet għal azzjonijiet fuq perjodu qasir li jistgħu jtaffu s-sitwazzjoni tal-enerġija. Il-Kummissjoni ppreżentat ukoll dokumenti informali lid-delegazzjonijiet li jipprovdu valutazzjoni preliminari tal-għażliet għal miżuri ta' emerġenza biex jitrażżnu l-prezzijiet tal-elettriku u tal-gass li qed jogħlew.
Id-diskussjoni wasslet għal erba' oqsma prinċipali li l-istati membri jistennew li l-Kummissjoni taġixxi dwarhom. Dawn jinkludu l-iffissar ta' limitu massimu fuq id-dħul tal-produtturi tal-elettriku li jiffaċċjaw kostijiet baxxi tal-produzzjoni; il-possibbiltà ta' ffissar ta' limitu massimu fuq il-prezz tal-gass; miżuri għal tnaqqis ikkoordinat tad-domanda għall-elettriku mal-UE kollha; miżuri li jgħinu biex tissolva l-kwistjoni ta' tnaqqis fil-likwidità.
Il-ministri appellaw għal azzjoni rapida u l-presidenza esprimiet id-determinazzjoni tagħha li tittratta malajr il-proposti li ser tressaq daqt il-Kummissjoni.
Tħejjija għax-xitwa
Il-ministri mbagħad ippreżentaw is-sitwazzjoni attwali tal-istat ta' tħejjija ta' pajjiżhom għal din ix-xitwa. L-Istati membri tal-UE wettqu diversi azzjonijiet kemm fil-livell nazzjonali kif ukoll f'dak tal-UE. B'mod partikolari adottaw regolament biex jimtlew il-ħażniet tal-gass u biex jinqasmu fi spirtu ta' solidarjetà, sorsi ta' provvista diversifikati u impenjaw ruħhom biex din ix-xitwa jnaqqsu d-domanda għall-gass bi 15%. Minkejja l-iżviluppi reċenti, u b'mod partikolari l-qtugħ tal-flussi tal-gass Russu minn Nordstream I, l-Ewropa hija ppreparata għal din ix-xitwa. Ir-riżervi tal-gass ta' taħt l-art tal-UE mtlew bi 82.5% tal-kapaċità tagħhom, ħafna qabel l-iskadenza tal-1 ta' Novembru stabbilita fir-regolament dwar il-ħżin tal-gass.
Il-Kunsill adotta mingħajr dibattitu l-lista ta' ''punti A" elenkati hawn taħt, inkluż proposta għal deċiżjoni biex jiġi sospiż il-ftehim għall-faċilitazzjoni tal-viża mar-Russja.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum, irnexxielna naqblu dwar direzzjoni komuni għal miżuri ta' emerġenza temporanji u biex nagħtu kompitu ċar lill-Kummissjoni biex tressaq proposta robusta u tanġibbli fi ftit jiem. Ser nagħmlu wkoll kull m'hemm bżonn biex ngħinu liċ-ċittadini u lill-kumpaniji tagħna li qed jiffaċċjaw prezzijiet għoljin tal-enerġija.
