Kriminalità ambjentali

X'inhi l-kriminalità ambjentali?

Il-kriminalità ambjentali tinkludi:

• ġbir, trasport, irkupru jew rimi mhux xieraq tal-iskart
• emissjoni jew skariku illegali ta' sustanzi fl-atmosfera, fl-ilma jew fil-ħamrija
• il-qtil, qerda, pussess ta' speċijiet protetti ta' annimali jew pjanti selvaġġi jew il-kummerċ tagħhom
• kummerċ illegali f'sustanzi li jnaqqsu l-ożonu

X'azzjoni qed tieħu l-UE biex trażżan il-kriminalità ambjentali?

L-UE ħadet azzjoni biex tiġġieled in-networks kriminali involuti fil-forom kollha ta' kriminalità ambjentali, inkluż bl-introduzzjoni ta' regoli dwar il-ġestjoni tal-iskart u dwar il-kummerċ fl-organiżmi selvaġġi u l-pjanti. L-UE qed issaħħaħ ukoll ir-regoli eżistenti dwar il-protezzjoni tal-ambjent permezz tad-dritt kriminali.

Il-pajjiżi tal-UE biħsiebhom jagħmlu aktar, b'mod partikolari billi jolqtu l-gruppi kriminali b'kapaċità li jinfiltraw strutturi kummerċjali legali jew li jistabbilixxu l-kumpaniji tagħhom stess biex jiffaċilitaw ir-reati kriminali tagħhom.

Fis-16 ta' Novembru 2023, il-Kunsill u l-Parlament Ewropew laħqu ftehim proviżorju dwar il-liġi l-ġdida tal-UE.

Fis-26 ta' Marzu 2024, il-Kunsill adotta din il-liġi riveduta tal-UE b'sanzjonijiet aktar stretti u lista estiża ta' reati.

• Kriminalità ambjentali: il-Kunsill japprova liġi ġdida tal-UE b'sanzjonijiet aktar ħorox u lista estiża ta' reati (stqarrija għall-istampa, 26 ta' Marzu 2024)
• Kriminalità ambjentali: il-Kunsill u l-Parlament Ewropew jilħqu ftehim proviżorju dwar liġi ġdida tal-UE (stqarrija għall-istampa, 16 ta' Novembru 2023)
• Il-Kunsill jaqbel dwar il-mandat ta' negozjar tiegħu dwar id-direttiva dwar il-kriminalità ambjentali (stqarrija għall-istampa, 9 ta' Diċembru 2022)
• Kriminalità ambjentali (Europol)