An Chomhairle um Thalmhaíocht agus um Iascach, 11/05/2017, 11 Bealtaine 2017

Na príomhthorthaí

“Go dtí seo bhí ar iascairí na hEorpa níos mó ná 30 rialachán éagsúla a urramú, rud arb ionann agus creat dlíthiúil thar a bheith casta agus trom dóibh. Ba mhaith linn an saol a éascú dóibh, cinnteacht dhlíthiúil a ráthú agus go ndíreofar ar an nuáil. Le rialacha níos soiléire agus níos fearr, cabhrófar le cosaint ár bhfarraigí agus inbhuanaitheacht ár n-acmhainní iascaigh. Thar aon rud eile, tugann an seasamh ón gComhairle an chumhacht do phobal na hiascaireachta trí ról láithreach a thabhairt dó i bpróiseas na cinnteoireachta.”

Roderick Galdes, Rúnaí Parlaiminte Mhálta don Talmhaíocht agus uachtarán na Comhairle

Bearta teicniúla

Tháinig an Chomhairle ar chomhaontú faoina seasamh maidir le togra le haghaidh rialacha nua i ndáil le hacmhainní iascaigh a chaomhnú agus le héiceachórais mhuirí a chosaint, rialacha a thagraítear go minic dóibh mar “bhearta teicniúla”.

Iarrtar le seasamh seo na Comhairle na rialacha reatha a nuachóiriú maidir le conas, cá háit agus cathain is féidir le hiascairí iascaireacht a dhéanamh. Cumhdaítear leis seo acmhainní iascaigh a ghabháil agus a thabhairt i dtír, sonraíochtaí agus oibriú an trealaimh iascaireachta, chomh maith le bearta chun maolú a dhéanamh ar an tionchar a bheidh acu ar speicis nó limistéir íogaire.

• Caomhnú an iascaigh trí bhearta teicniúla: socrú maidir le seasamh caibidlíochta na Comhairle
• Text of the Council general approach on the proposal for the conservation of fishery resources and the protection of marine ecosystems through technical measures

Fiabhras Afracach na muc i dtríú tíortha

Tugadh an Chomhairle cothrom le dáta leis an ábhar seo agus bhí deis aici plé a dhéanamh ar dhíothú fhiabhras Afracach na muc, go háirithe i ndáil le ról an Aontais i dtíortha comharsanachta amhail an Úcráin, an Bhealarúis agus an Mholdáiv. Chuir na toscaireachtaí béim ar a thábhachtaí atá sé go mbeadh cur chuige ildisciplíneach agus comhordaithe ag an leibhéal idirnáisiúnta chun dul i ngleic leis an ngalar, agus dhearbhaigh an Coimisiún tacaíocht a thabhairt do na Ballstáit sin lena mbaineann.

Ábhair eile ar an gclár oibre

Cuireadh na hAirí ar an eolas faoi dhearbhhú MedFish4Ever a glacadh ag an gcomhdháil aireachta maidir le hiascaigh Mheánmhara a tionóladh i Málta an 29-30 Márta, agus faoi Chomhdháil na Náisiún Aontaithe maidir leis na hAigéin, atá beartaithe don 5-9 Meitheamh i Nua Eabhrac.