"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
An Chomhairle Iomaíochais (an margadh inmheánach agus an tionsclaíocht), 29 Meán Fómhair 2021
Na príomhthorthaí
Tháinig airí margaidh inmheánaigh agus tionsclaíochta an Aontais le chéile sa Bhruiséil chun an straitéis tionsclaíochta nua nuashonraithe agus an clár maidir le rialáil níos fearr a phlé.
An pacáiste oiriúnaithe don sprioc 55% ó thaobh na tionsclaíochta de
Rinne an Chomhairle plé ar an tionchar a bheidh ag an bpacáiste nua aeráide agus fuinnimh ar an ngeilleagar agus ar an tionsclaíocht.
Chomhaontaigh na hairí i gcoitinne gurb é ceann de na réamhchoinníollacha chun go mbeidh rath ar oiriúnú don sprioc 55% fuinneamh dícharbónaithe inacmhainne a bheith ar fáil. Chuir na hairí chun suntais a thábhachtaí atá an sásra coigeartaithe carbóin ar theorainneacha (CBAM) a bheartaítear lenar cheart an baol go sceithfí carbón a chosc. Tharraing roinnt toscaireachtaí anuas na dúshláin a bhaineann leis an bpacáiste do thionscal na ngluaisteán agus d’aontaigh siad nár cheart go méadófaí an t-ualach ar FBManna leis an aistriú glas.
‘Is cúis áthais dom go raibh na Ballstáit ar aon fhocal gur cheart tuairimí na Comhairle Iomaíochais a chur san áireamh sa chaibidlíocht maidir leis an bpacáiste ‘Pacáiste Oiriúnaithe don Sprioc 55’. Maidir leis an aistriú glas agus an díospóireacht i gcomhthéacs an phacáiste agus an tionchair a bheidh aige ar gheilleagar an Aontais agus ar thionscal an Aontais, ba cheart di dlúthfhaireachán a dhéanamh orthu agus aghaidh a thabhairt orthu go rialta. Tá sé sin tábhachtach chun a chinntiú go mbeidh na bearta a chomhaontófar comhréireach agus nach ndéanfar dochar leo d’iomaíochas agus d’fhás an Aontais.
Zdravko Počivalšek, Aire Forbartha Eacnamaíche agus Teicneolaíochta na Slóivéine
Phléigh na hairí na dúshláin agus na deiseanna is mó do ghnólachtaí, a eascraíonn as an bpacáiste aeráide oiriúnaithe don sprioc 55% agus as an aistriú i dtreo na haeráidneodrachta. D’fhéach na hairí freisin ar na bealaí a d’fhéadfadh a bheith ann chun a chinntiú go mbeidh aistriú gheilleagar an Aontais cothrom, iomaíoch agus glas suas go dtí 2030 agus ina dhiaidh sin.
Bhí díospóireacht bheartais phoiblí ag na hairí maidir le ceapadh beartas a sheasfaidh an aimsir chun iomaíochas an Aontais a fheabhsú agus chun an margadh aonair a chothú a thuilleadh, rud atá mar chuid den chlár oibre maidir le rialáil níos fearr.
Tá tosaíocht pholaitiúil de chuid an Aontais le roinnt blianta anuas í rialáil níos fearr agus is tosaíocht í d’uachtaránacht na Slóivéine agus is díol sásaimh dom, dá bhrí sin, go raibh an t-ábhar seo ar chlár oibre an lae inniu. Teastaíonn creat rialála uainn atá bunaithe ar fhianaise, atá fabhrach don nuálaíocht agus a sheasfaidh an aimsir chun iomaíochas agus fás a chothú. Cuirfidh an méid sin le téarnamh na hEorpa ar deireadh.
Boštjan Koritnik, Aire Riaracháin Phoiblí na Slóivéine
Le linn na díospóireachta, chuir na hairí chun suntais a thábhachtaí atá sé go mbeidh creat reachtach ann a bheidh soiléir, comhleanúnach agus a sheasfaidh an aimsir, ar creat é a mheasann siad a bheith ríthábhachtach in aimsir seo na paindéime agus an téarnaimh eacnamaíoch. Chuir na hairí in iúl go bhfuil gá le reachtaíocht ar ardchaighdeán, agus phléigh siad an cur chuige ‘ceann amháin isteach, ceann amháin amach’, cur chuige a mhol an Coimisiún.
Thug an Coimisiún tuairisc ar ghníomhaíochtaí Thascfhórsa um Fhorfheidhmiú an Mhargaidh Aonair (SMET). Tá SMET ar cheann de phríomhghnéithe an phlean gníomhaíochta chun rialacha an mhargaidh aonair, a glacadh i mí an Mhárta 2020, a chur chun feidhme agus a fhorfheidhmiú ar bhealach níos fearr mar chuid den Straitéis Eorpach maidir le tionsclaíocht.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir toscaireacht na Gréige na hairí ar an eolas faoin dearbhú comhpháirteach aireachta maidir le soláthar nuálaíochta san Aontas. Tacaíonn toscaireachtaí na hIodáile, na Cipire agus Lucsamburg leis an dearbhú.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Paitinn Aonadach agus Cúirt Aontaithe na bPaitinní
Chuir Uachtaránacht na Slóivéine an Chomhairle ar an eolas faoi staid na himeartha a mhéid a bhaineann leis an gComhaontú maidir le Cúirt Aontaithe Paitinní (CCAP) agus an prótacal maidir le cur i bhfeidhm sealadach CCAP a bheith á ndaingniú go náisiúnta.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
‘Is cúis áthais dom go raibh na Ballstáit ar aon fhocal gur cheart tuairimí na Comhairle Iomaíochais a chur san áireamh sa chaibidlíocht maidir leis an bpacáiste ‘Pacáiste Oiriúnaithe don Sprioc 55’. Maidir leis an aistriú glas agus an díospóireacht i gcomhthéacs an phacáiste agus an tionchair a bheidh aige ar gheilleagar an Aontais agus ar thionscal an Aontais, ba cheart di dlúthfhaireachán a dhéanamh orthu agus aghaidh a thabhairt orthu go rialta. Tá sé sin tábhachtach chun a chinntiú go mbeidh na bearta a chomhaontófar comhréireach agus nach ndéanfar dochar leo d’iomaíochas agus d’fhás an Aontais.
Tá tosaíocht pholaitiúil de chuid an Aontais le roinnt blianta anuas í rialáil níos fearr agus is tosaíocht í d’uachtaránacht na Slóivéine agus is díol sásaimh dom, dá bhrí sin, go raibh an t-ábhar seo ar chlár oibre an lae inniu. Teastaíonn creat rialála uainn atá bunaithe ar fhianaise, atá fabhrach don nuálaíocht agus a sheasfaidh an aimsir chun iomaíochas agus fás a chothú. Cuirfidh an méid sin le téarnamh na hEorpa ar deireadh.