An Chomhairle Gnóthaí Eacnamaíocha agus Airgeadais, 17/5/2019, 17 Bealtaine 2019

Na príomhthorthaí

An cánachas digiteach sa chomhthéacs idirnáisiúnta

D'fhonn ullmhúchán a dhéanamh do dhíospóireachtaí OECD agus G20 atá ar na bacáin, phléigh na hairí athchóirithe atá á ndéanamh ar an gcánach idirnáisiúnta faoi láthair.

Cuirfidh an Uachtaránacht na tuairimí a chuir na hairí in iúl san áireamh agus ullmhúchán á dhéanamh aici do chruinnithe mhí an Mheithimh a bheidh ar siúl in Fukuoka. Measfar go ndéanfaidh OECD tuairisc a thabhairt ann ar an dul chun cinn atá déanta chun athchóiriú a dhéanamh ar an gcánachas corparáideach idirnáisiúnta. Tá sé ar intinn ag Cathaoirleach ECOFIN an méid a d'eascair as plé ECOFIN a chur i láthair ag cruinniú G20.

Rinne na hairí na deiseanna a mheas caibidlíocht a ullmhú in OECD maidir leis an díospóireacht idirnáisiúnta atá ar bun faoi na réitigh chuimsitheacha fhadtéarmacha agus aghaidh á tabhairt ar na dúshláin a bhaineann leis an gcánachas sa gheilleagar digitithe agus ar na saincheisteanna níos leithne a bhaineann le leithdháileadh cearta chun cánachais agus le hiomaíocht cánach.

• Cánachas digiteach (eolas cúlra)

Dleacht mháil

Phléigh an Chomhairle bearta chun feabhas a chur ar an timpeallacht ghnó d'earraí a bhíonn faoi réir dleacht mháil, go háirithe alcól agus deochanna alcólacha, trí iomaíocht chóir a áirithiú agus an t-ualach riaracháin ar chuideachtaí a laghdú.

Bhí malartú tuairimí ag an gComhairle faoi na tograí seo a leanas:

• an treoir maidir le struchtúir na dleachta máil ar alcól agus ar dheochanna alcólacha.
• an treoir maidir le socruithe ginearálta do dhleacht mháil
• an treoir maidir le comhar riaracháin i ndáil le hábhar na gclár leictreonach

Ainneoin go bhfuil dul chun cinn nach beag déanta sa chaibidlíocht, níor tháinig na hairí ar chomhaontú críochnaitheach faoin bpacáiste beart. Leanfaidh an Chomhairle de bheith ag obair ar an leibhéal teicniúil d'fhonn teacht ar chomhréiteach a bheidh inghlactha ag na Ballstáit go léir, a luaithe is féidir.

Tá dleachtanna máil ina gcánacha indíreacha ar dhíol nó ar úsáid táirgí ar leith, amhail alcól, tobac agus fuinneamh. Is í an tír dá n-íoctar na cánacha sin a fhaigheann an t-ioncam iomlán uathu. Ó 1992 i leith, tá rialacha coiteanna i bhfeidhm ag tíortha an Aontais chun a áirithiú go gcuirtear dleachtanna máil i bhfeidhm ar an mbealach céanna agus ar na táirgí céanna ar fud an Aontais.

An Seimeastar Eorpach in 2019

Faoi chuimsiú an tseimeastair Eorpaigh don bhliain 2019, ghlac an Chomhairle conclúidí maidir le torthaí na ngrinn-athbhreithnithe agus le cur chun feidhme mholtaí tír-shonracha 2018.

• Conclúidí ón gComhairle maidir le grinn-athbhreithnithe agus le cur chun feidhme mholtaí tír-shonracha 2018
• Leathanach gréasáin an Choimisiúin ar thuarascála tíortha don seimeastar Eorpach 2019

Liosta an Aontais de dhlínsí neamhchomhoibríocha

Chinn an Chomhairle inniu, gan é a phlé, Arúba, Barbadós agus Beirmiúda a bhaint de liosta an Aontais de dhlínsí neamh-chomhoibríocha.

• Cánachas: Arúba, Barbadós agus Beirmiúda bainte de liosta an Aontais de dhlínsí neamh-chomhoibríocha, preaseisiúint an 17 Bealtaine 2019
• Leathanach gréasáin an Aontais de dhlínsí neamh-chomhoibríocha