An Chomhairle Gnóthaí Eacnamaíocha agus Airgeadais, 12 Aibreán 2024

Na príomhthorthaí

An tSaoráid Téarnaimh agus Athléimneachta

Bhí seisiún tuairimíochta ag na hairí agus ghlac siad conclúidí maidir le cur chun feidhme na Saoráide Téarnaimh agus Athléimneachta (STA).

Leis na conclúidí, tugtar forléargas ar an dul chun cinn atá déanta maidir le STA a chur chun feidhme agus fónann siad mar threoir pholaitiúil don Choimisiún agus do na Ballstáit i gcomhthéacs na meastóireachta meán-téarma ar STA a chuir an Coimisiún faoi bhráid na Comhairle an 21 Feabhra 2024.

• An ciste téarnaimh: conclúidí maidir leis an meastóireacht mheán-téarma formheasta ag an gComhairle (preaseisiúint an 11 Aibreán 2024)
• Meastóireacht mheán-téarma an Choimisiúin ar STA
• Plean téarnaimh don Eoraip (eolas cúlra)

Fogha na Rúise faoin Úcráin

Thug an Chomhairle aird ar staid na himeartha maidir leis na hiarmhairtí eacnamaíocha agus airgeadais atá ag fogha na Rúise faoin Úcráin. Fuair na hairí an t-eolas is déanaí ón gCoimisiún maidir leis an staid eacnamaíoch agus bhuiséadach san Úcráin, a bhfuil cur chun feidhme na Saoráide don Úcráin san áireamh air.

• Dlúthpháirtíocht idir an tAontas agus an Úcráin (eolas cúlra)
• Freagairt an Aontais ar ionradh na Rúise ar an Úcráin (eolas cúlra)
• An tSaoráid don Úcráin (eolas cúlra)

G20

D’fhormheas an Chomhairle sainordú an Aontais do chruinniú airí airgeadais agus ghobharnóirí Bainc Ceannais G20 an 17-18 Aibreán 2024. D’fhormheas an Chomhairle ráiteas ón Aontas don Choiste Idirnáisiúnta Airgeadaíochta agus Airgeadais freisin.

• Suíomh gréasáin G20

Gnó eile

Faoi aon ghnó eile, chuir an Príomh-Ionchúisitheoir Eorpach obair Oifig an Ionchúisitheora Phoiblí Eorpaigh (OIPE) i láthair, go háirithe maidir le líonraí coiriúla ar mórscála – a rinne calaois náisiúnta agus trasteorann CBL – a bhrath agus a thabhairt faoi réim an cheartais. Ghabh an Príomh-Ionchúisitheoir buíochas le húdaráis chánachais agus chustaim na mBallstát as an gcabhair mhór a thug siad chun amhras faoi chalaois a thuairisciú. Mar thoradh air sin, rinneadh na líonraí coiriúla trasteorann, a raibh dochar dar luach €11 bhilliún déanta acu do bhuiséad an Aontais agus do bhuiséid náisiúnta, a nochtadh agus a dhíchur.

Is í OIPE an chéad oifig ionchúisimh neamhspleách dhíláraithe de chuid an Aontais. Tá sé de chumhacht aici coireanna i gcoinne bhuiséad an Aontais, ar nós calaoise, éillithe nó calaois thromchúiseach trasteorann CBL a imscrúdú, a ionchúiseamh agus breithiúnas a thabhairt orthu.

• Oifig ionchúisimh phoiblí neamhspleách de chuid an Aontais

Míreanna gan phlé

Faoi mhíreanna gan phlé, ghlac an Chomhairle cinneadh maidir le cúnamh macrairgeadais gearrthéarmach práinneach dar luach foriomlán €1 bhilliún d’iasachtaí a thabhairt don Éigipt chun cabhrú léi geilleagar na tíre a chobhsú.

Ghlac an Chomhairle cinneadh lena méadaítear scaireanna an Aontais i gcaipiteal an Bhainc Eorpaigh Athfhoirgníochta agus Forbartha (BEAF). Leis an méadú caipitil sin, ba cheart go gcinnteofar go dtacóidh an Banc leis an athléimneacht agus leis an atógáil san Úcráin tar éis 2023 agus go leanfar den tacaíocht i ngach ceann de na tíortha ina bhfuil oibríochtaí ar bun aige.

Anuas air sin, ghlac an Chomhairle na gníomhartha reachtacha agus neamhreachtacha eile ar liosta na míreanna A thíos.