"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
An Chomhairle Gnóthaí Eacnamaíocha agus Airgeadais
An Chomhairle Gnóthaí Eacnamaíocha agus Airgeadais, 21 Meitheamh 2024
Na príomhthorthaí
Fogha na Rúise faoin Úcráin
Bhí seisiún tuairimíochta ag an gComhairle maidir le staid imeartha thionchar eacnamaíoch agus airgeadais fhogha na Rúise faoin Úcráin.
Cuireadh na hairí ar an eolas faoin staid eacnamaíoch agus bhuiséadach san Úcráin agus faoi chur chun feidhme na Saoráide don Úcráin. Is í an tSaoráid don Úcráin, lena mbaineann acmhainneacht €50 billiún, an phríomhbhealach faoi láthair chun maoiniú a chur ar fáil don Úcráin. Ghlac Serhiy Marchenko, Aire Airgeadais na hÚcráine, páirt sa phlé trí ghlao físe.
Phléigh na hairí freisin an cinneadh is déanaí ó G7 tuairim is $50 billiún a chur ar fáil ó 2025 ar aghaidh tríd an ioncam urghnách a eascraíonn as blocáil sócmhainní ceannasacha na Rúise a ghiaráil.
Thug na hairí dá n-aire gur gá an cinneadh sin a chur i ngníomh d’fhonn eisíocaíochtaí a cheadú roimh dheireadh na bliana. Thug an Uachtaránacht sainordú don Choiste Eacnamaíoch agus Airgeadais an obair ar an gcoincheap a chur chun cinn, agus í ag feitheamh ar thograí ón gCoimisiún.
Seasann an tAontas leis an Úcráin i gcónaí. Tá cinneadh tábhachtach déanta ag ceannairí G7 an t-ioncam a eascraíonn as blocáil sócmhainní na Rúise a úsáid chun tacú leis an Úcráin. Bhí an chéad phlé againn an 21 Meitheamh faoin gcaoi a gcuirfidh an tAontas an cúram tábhachtach sin i ngníomh. Ina dhiaidh sin, beidh plé eile ar leibhéal na gceannairí ag an gComhairle Eorpach an tseachtain seo chugainn agus bunaithe ar an gcéad treoir sin, déanfar an obair theicniúil go pras ina dhiaidh sin. Tá an tAontas tiomanta go hiomlán don phróiseas sin.
Vincent Van Peteghem, Leas-Phríomh-Aire agus Aire Airgeadais na Beilge
Chuir an Coimisiún Pacáiste Earraigh Sheimeastar Eorpach 2024 faoi bhráid na Comhairle. Áirítear sa phacáiste moltaí tírshonracha, lena dtugtar treoir do na Ballstáit maidir lena mbeartais eacnamaíocha, shóisialta, fostaíochta, struchtúracha agus mhaicreacnamaíocha, agus measúnú ar mhíchothromaíochtaí maicreacnamaíocha na mBallstát.
Shainaithin an Coimisiún freisin na Ballstáit a raibh easnamh rialtais ghinearálta iomarcach acu in 2023. Thug na hairí dá n-aire gnéithe Phacáiste an Earraigh agus roinn siad a dtuairimí tosaigh; déanfar anailís níos mionsonraithe air ag Comhairle Ecofin i mí Iúil.
Bhí seisiún tuairimíochta ag an gComhairle, agus rinne sí dul chun cinn i dtreo comhaontú maidir leis an gcáin bhreisluacha (CBL) sa phacáiste don ré dhigiteach, arb é is aidhm dó dul i ngleic le calaois CBL, tacú le gnólachtaí agus an digiteáil a chur chun cinn.
D’fhormheas an Chomhairle dréacht-tuarascáil chuig an gComhairle Eorpach maidir le saincheisteanna cánach. Thug an tuarascáil forléargas ar an dul chun cinn a rinneadh sa Chomhairle le linn thréimhse Uachtaránacht na Beilge (mí Eanáir go dtí mí an Mheithimh 2024), chomh maith le forléargas ar staid na himeartha i ndáil leis na míreanna is tábhachtaí atá faoi chaibidil i réimse an chánachais.
Creat-Choinbhinsiún na Náisiún Aontaithe maidir leis an gComhar Cánach Idirnáisiúnta
Faoi mhíreanna eile, chuir an Uachtaránacht na hairí ar an eolas faoin obair a rinneadh sa choiste ad hoc chun téarmaí tagartha a dhréachtú do Chreat-Choinbhinsiún na Náisiún Aontaithe maidir leis an gComhar Cánach Idirnáisiúnta.
Bhunaigh Comhthionól Ginearálta na Náisiún Aontaithe, faoi rún 78/230 an 22 Nollaig 2023, coiste ad hoc chun na téarmaí tagartha a dhréachtú do Chreat-Choinbhinsiún na Náisiún Aontaithe maidir leis an gComhar Cánach Idirnáisiúnta faoi mhí Lúnasa 2024.
Thug an Chomhairle dá haire nóta faisnéise ón Uachtaránacht maidir le staid na himeartha sa phlé i ndáil leis an athchóiriú ar an aontas custaim agus gníomhaíochtaí reachtacha agus neamhreachtacha eile i réimse aontas custaim an Aontais.
Leis an athchóiriú custaim, leagtar amach fís nua-aimseartha do chustaim an Aontais ionas go mbeidh údaráis chustaim an Aontais feistithe i gceart chun earraí neamhchomhlíontacha a stopadh, tuilleadh dleachtanna custaim a bhailiú agus chun rialuithe a dhéanamh gan ualach iomarcach a chur ar údaráis agus ar thrádálaithe.
Chuir an Uachtaránacht staid na himeartha i láthair maidir leis na tograí reachtacha i réimse na seirbhísí airgeadais. Is mír í seo a luaitear arís agus arís eile ar chlár oibre Ecofin.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
D’fhormheas an Chomhairle freisin, gan aon phlé, seasaimh ghinearálta an Aontais, a bhfuil creataí caibidlíochta san áireamh orthu, don chaibidlíocht aontachais leis an Úcráin agus leis an Moldóiv.
Réitíonn sé sin an bealach do na chéad Chomhdhálacha Aontachais leis an dá thír is iarrthóirí sin an 25 Meitheamh 2024.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
