An Chomhairle Comhshaoil, 16/12/2015, 16 Nollaig 2015

Na príomhthorthaí

Cáilíocht an aeir

Tháinig an Chomhairle ar chomhaontú faoi chur chuige ginearálta maidir le treoir chun astaíochtaí náisiúnta a laghdú i gcás truailleáin áirithe. Bainfear gaisneas as an gcomhaontú sin chun tús a chur leis an gcaibidlíocht le Parlaimint na hEorpa.

Is chuige an togra reachtach sin, lena ndéantar uasteorainneacha náisiúnta astaíochtaí faoi mar atá faoi láthair a athbhreithniú, díriú ar na priacail sláinte agus an tionchar comhshaoil a ghabhann le truailliú an aeir.

D'éist na hAirí le gach saoránach a labhair amach ar son beartais uaillmhianacha bithéagsúlachta. Maímid go neamhbhalbh: féadann an bhithéagsúlacht a lán comhthairbhí a thál ar an tsochaí. Níor cheart na Treoracha Fiadhúlra atá anois ann a athoscailt, óir tá ag éirí leo agus tá toradh orthu Is mar sin a labhair Carole Dieschbourg, Aire Comhshaoil Lucsamburg

An bhithéagsúlacht

Ghlac an Chomhairle Conclúidí maidir leis an athbhreithniú meántéarma ar Straitéis Bithéagsúlachta an Aontais. Tharraing na hAirí aird ar na réimsí sin inar gá tuilleadh oibre a dhéanamh chun na spriocanna a bhaint amach. Is é an sprioc le haghaidh 2020 stad a chur le cailliúint na bithéagsúlachta agus le díghrádú na seirbhísí éiceachoráis agus iad a athshlánú, a mhéid is féidir.