An Chomhairle Comhshaoil, 20/06/2016, 20 Meitheamh 2016

Na príomhthorthaí

An t-athrú aeráide

Ghlac an Chomhairle ráiteas maidir le daingniú Chomhaontú Pháras. I mí na Nollag 2015, glacadh an comhaontú domhanda maidir leis an athrú aeráide i bPáras agus tá an comhaontú sin atá ina cheangal dlí. Tiocfaidh sé i bhfeidhm ach a mbeidh sé daingnithe ag 55 thír, ar tíortha iad a ghineann 55% ar a laghad d’astaíochtaí gás ceaptha teasa ar fud an domhain.

Leis an ráiteas seo is mian linn teachtaireacht láidir pholaitiúil a sheoladh faoi dhiongbháilteacht an Aontais Eorpaigh i ndáil leis an athrú aeráide. Táimid meáite ar Chomhaontú Pháras a dhaingniú a luaithe is féidir agus gach dícheall a dhéanamh chun é a chur chun feidhme ar bhealach éifeachtach.” A dúirt Sharon Dijksma, Aire Comhshaoil na hÍsiltíre

Is mar seo leanas a labhair Sharon Dijksma, Aire Comhshaoil na hÍsiltíre agus Uachtarán na Comhairle: “Leis an ráiteas seo is mian linn teachtaireacht láidir pholaitiúil a sheoladh faoi dhiongbháilteacht an Aontais Eorpaigh i ndáil leis an athrú aeráide. Táimid meáite ar Chomhaontú Pháras a dhaingniú a luaithe is féidir agus gach dícheall a dhéanamh chun é a chur chun feidhme ar bhealach éifeachtach”.

• Ráiteas ón gComhairle maidir le Comhaontú Pháras a dhaingniú
• Amlíne - Comhaontú Pháras

Chuir na hairí san áireamh chomh maith an cur i láthair a rinne an Coimisiún ar an togra maidir le comhlánú Chomhaontú Phárasag an Aontas Eorpach.

Fairis sin, bhí díspóireacht bheartais acu maidir leis an athbhreithniú ar cheann de phríomhuirlisí an Aontais chun astaíochtaí gás ceaptha teasa a laghdú agus chun an t-athrú aeráide a fhriotháil .i. an córas trádála astaíochtaí (ETS).

• Athchóiriú ar scéim AE maidir le trádáil astaíochtaí

Cáilíocht an aeir

Bhreithnigh na hairí an plé a rinneadh faoi rialacha agus teorainneacha nua le haghaidh truailleáin aeir, ar a dtugtar an Treoir um Uasteorainneacha Astaíochtaí Náisiúnta. Thug an Uachtaránacht faisnéis do na hairí faoin dul chun cinn atá déanta sa chaibidlíocht le Parlaimint na hEorpa.

• Na huasteorainneacha athbhreithnithe maidir le hastaíochtaí náisiúnta (an Treoir um Uasteorainneacha Astaíochtaí Náisiúnta)

An geilleagar ciorclach

Ghlac an Chomhairle conclúidí maidir leis an bplean gníomhaíochta don gheilleagar ciorclach. Is é is aidhm don phlean sin an dramhaíl a laghdú agus luach táirgí, ábhar agus acmhainní a choinneáil sa gheilleagar a fhad agus is féidir. Tacaítear leis an aidhm sin sna conclúidí agus cuirtear lántiomantas in iúl faoin aistriú sin i dtreo samhail a bheidh níos inbhuanaithe, mar shampla, trí úsáid acmhainní a laghdú, trí athchúrsáil a spreagadh tuilleadh agus tríd an dramhaíl a bhainistiú ar bhealach níos fearr.

• Conclúidí ón gComhairle maidir le plean gníomhaíochta an Aontais i ndáil leis an ngeilleagar ciorclach

Gáinneáil i bhfiadhúlra

Ghlac an Chomhairle conclúidí i dtacaíocht le plean gníomhaíochta an Aontais i gcoinne na gáinneála i bhfiadhúlra. Is cúis mhór imní don Chomhairle a bhfuil de mhéadú tagtha ar gháinneáil neamhdhleathach i bhfiadhúlra agus an díobháil a dhéantar don bhithéagsúlacht agus don fhorbairt inbhuanaithe dá deasca. Iarrtar sna concúidí ar gach gníomhaí luí amach orthu féin chun an choir seo a choscairt.