"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An limistéar euro a mhéadú: nuashonrú ar athrú airgid thirim in euro sa Chróit
Chuir an Grúpa Euro fáilte roimh an gCróit mar an 20ú Ballstát dá cuid
Rinne an Grúpa Euro ceiliúradh ar an ócáid ar leith d’aontachas na Cróite leis an euro. Chuir Aire na Cróite, an Coimisiún agus an Banc Ceannais Eorpach na hairí ar an eolas faoi staid na himeartha i ndáil le tabhairt isteach an Euro.
Is teaghlach Euro muid anois a bhfuil 20 ball teaghlaigh againn, ar comhartha é ní hamháin ar athléimneacht agus neart leanúnach an euro — anois agus sna blianta atá le teacht — ach is aitheantas é freisin ar an obair eisceachtúil atá déanta ag údaráis na Cróite agus ag rialtas na Cróite chun an t-aistriú an-chasta seo a chur chun feidhme go rathúil.
Bhí lúcháir orainn freisin fáilte a chur roimh Marko Primorac mar bhall iomlán dár ngrúpa agus táimid ag tnúth le bheith ag obair go dlúth leis.
Paschal Donohoe, Uachtarán an Ghrúpa Euro
An euro digiteach — athbhreithniú ar chur chun cinn an tionscadail
Rinne an Grúpa Euro a marana ar an dul chun cinn atá déanta i ndáil le tionscadal digiteach an euro agus phléigh siad an bealach chun cinn. Ghlac na hairí ráiteas ón nGrúpa Euro ina ndéantar achoimre ar na tuairimí a cuireadh in iúl i ndáil leis na hábhair bheartais a pléadh go dtí seo agus ina leagtar amach leanúint de rannpháirtíocht an Ghrúpa Euro sa tionscadal seo.
Tar éis 18 mí de phlé an-mhionsonraithe maidir le snáitheanna éagsúla den tionscadal seo, thógamar roinnt ama chun machnamh a dhéanamh ar an obair a tharla, ar an áit ina bhfuilimid anois, agus ar thuairimí an Ghrúpa Euro maidir le príomhréimsí an tionscadail seo. Tá sé beartaithe againn leanúint ar aghaidh lenár rannpháirtíocht pholaitiúil le BCE agus leis an gCoimisiún de réir mar a théann siad ar aghaidh ina bpróisis, toisc gur aithin an Grúpa Euro go bhfuil a lán cinntí atá ag fanacht go bunúsach polaitiúil.
Paschal Donohoe, Uachtarán an Ghrúpa Euro
An staid eacnamaíoch agus athbhreithniú Airteagal IV ón gCoiste Airgeadaíochta Idirnáisiúnta ar bheartais an limistéir euro — cuairt eatramhach foirne
Thíolaic an Ciste Airgeadaíochta Idirnáisiúnta toradh a chuairte eatramhaí foirne faoi Airteagal IV chuig an limistéar euro. Táthar ag súil go dtabharfar athbhreithniú an Chiste Airgeadaíochta Idirnáisiúnta chun críche faoi lár-2023. D’éist na hairí ó na hinstitiúidí freisin faoin measúnú a dhéanfaidh siad ar na forbairtí agus an t-ionchas maicreacnamaíoch is déanaí.
Cleachtadh rialta is ea é an t-athbhreithniú faoi Airteagal IV ar an limistéar euro ina ndéanann CAI athbhreithniú ar fhorbairtí eacnamaíocha, ina dtéann sé i gcomhairle le lucht ceaptha beartais an limistéir euro agus ina dtugann sé comhairle spriocdhírithe faoi bheartas. Luachmhar an deis í tuairimí a mhalartú i bpléití an Ghrúpa Euro, tuairimí ar a bhfuil ag titim amach i láthair na huaire agus ar na dúshláin atá i ndán dúinn.
Comhordú an bheartais fhioscaigh sa limistéar euro — tacaíocht fuinnimh do theaghlaigh agus do ghnólachtaí — cás-staidéir
Lean na hairí dá gcleachtadh comhordúcháin i ndáil leis an mbeartas fioscach lena ndírítear ar na bearta tacaíochta fuinnimh, le cur i láthair cás-staidéir. Chuir Airí na Fraince agus na hÍsiltíre a dtaithí náisiúnta i láthair agus tugadh an bonn don Ghrúpa Euro chun plé a dhéanamh ar na dúshláin a bhaineann le bearta a cheapadh agus a chur chun feidhme chun tionchar an ardaithe as cuimse ar phraghas an fhuinnimh ar theaghlaigh agus ar ghnólachtaí a mhaolú.
Ós feasach di, de réir mar a théimid isteach sa dara ráithe den bhliain seo, go mbeidh na hairí airgeadais agus na rialtais ag déanamh cinntí maidir le síneadh a chur le bearta agus le dearadh na mbeart sin. Táimid buíoch d’airí na hÍsiltíre agus na Fraince as an obair a chuir siad i láthair dúinn maidir lena gcuid smaointeoireachta ar an gcaoi a mbeidh siad chun an t-aistriú seo a stiúradh i rith na bliana seo. Táimid chun leanúint ar aghaidh leis an obair seo agus táimid ag súil agus muid ag druidim leis an gcruinniú a bheidh againn i mí an Mhárta, go mbeimid in ann treoir fhioscach do 2024 a phlé, agus go bhfeicfidh muid freisin na deiseanna atá ann chun comhordú níos fearr a dhéanamh ar na cinntí a dhéanfar agus muid ag druidim leis an samhradh.
Paschal Donohoe, Uachtarán an Ghrúpa Euro
Gnéithe den athbhreithniú ar an rialachas eacnamaíoch a bhaineann leis an limistéar euro
Phléigh na hairí gnéithe an limistéir euro den athbhreithniú ar an rialachas eacnamaíoch, mar shampla, cleachtadh na ndréachtphleananna buiséadacha, seasamh fioscach an limistéir euro agus cobhsú maicreacnamaíoch, chomh maith le próiseas an fhaireachais iarchláir agus cur i bhfeidhm an Nós Imeachta um Míchothromaíochtaí Maicreacnamaíocha do Bhallstáit an limistéir euro.
D’aontaíomar le roinnt tograí i dtreoshuímh an Choimisiúin a bhaineann go sonrach leis an limistéar euro, go háirithe i réimse na ndréachtphleananna buiséadacha agus an chreata faireachais iarchláir. Leanfar den phlé ar na saincheisteanna eile sa chreat rialachais eacnamaíoch, ach den chuid is mó i gComhairle ECOFIN.
Paschal Donohoe, Uachtarán an Ghrúpa Euro
Phléigh na hairí na dréachtmholtaí maidir le beartas eacnamaíoch an limistéir euro do 2023, sula bhformheasfar iad ag an gComhairle Gnóthaí Eacnamaíocha agus Airgeadais. Bunaithe ar thograí ón gCoimisiún, tugann an Chomhairle aghaidh ar mholtaí bliantúla maidir le beartas eacnamaíoch don limistéar euro ina iomláine laistigh den Seimeastar Eorpach. Pléitear na moltaí den chéad uair sa Ghrúpa Euro agus glacann an Chomhairle go foirmiúil iad tar éis a bhformhuinithe ag an gComhairle Eorpach ag an gcruinniú a bhíonn aici i mí an Mhárta.
Chuir aire na Laitvia na tosaíochtaí beartais rialtas nua na Laitvia i láthair. Gnáthchleachtas den Ghrúpa Euro é sin nuair a thagann rialtais nua i mbun oifige.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Tar éis 18 mí de phlé an-mhionsonraithe maidir le snáitheanna éagsúla den tionscadal seo, thógamar roinnt ama chun machnamh a dhéanamh ar an obair a tharla, ar an áit ina bhfuilimid anois, agus ar thuairimí an Ghrúpa Euro maidir le príomhréimsí an tionscadail seo. Tá sé beartaithe againn leanúint ar aghaidh lenár rannpháirtíocht pholaitiúil le BCE agus leis an gCoimisiún de réir mar a théann siad ar aghaidh ina bpróisis, toisc gur aithin an Grúpa Euro go bhfuil a lán cinntí atá ag fanacht go bunúsach polaitiúil.
