An Chomhairle um Oideachas, An Óige, Cultúr agus Spórt, 12/12/2014, 12 Nollaig 2014

Aghaidh á tabhairt ag an gComhairle ar an bhfiontraíocht san oideachas agus san oiliúint

Ag an gcruinniú a bhí acu an 12 Nollaig 2014, ghlac na hAirí conclúidí maidir le fiontraíocht san oideachas agus san oiliúint. 

Sonraítear sna conclúidí sin go n-éilítear leis an bhfiontraíocht go bhforbraítear sraith inniúlachtaí, ar cheart aghaidh a thabhairt orthu ar gach leibhéal oideachais agus oiliúna. Tugann siad dá n-aire freisin a thábhachtaí atá sé na naisc idir an córas oideachais agus saol an ghnó a neartú.

Iarrtar sna conclúidí ar na Ballstáit agus ar an gCoimisiún leas iomlán a bhaint as an acmhainneacht atá ag gabháil le Erasmus + maidir le tacú le hoideachas fiontraíochta agus an úsáid is fearr a bhaint as acmhainní Eorpacha eile, amhail Ciste Sóisialta na hEorpa.

• Fiontraíocht san oideachas (An Coimisiún Eorpach)

Ítimí eile ar an gclár oibre

Bhí díospóireacht ag an gComhairle maidir leis an bpríomhról atá ag an oideachas agus ag an oiliúint maidir leis an bhfás eacnamaíoch. Is éard atá sa díospóireacht sin an méid a rinne earnáil an oideachais chun cuidiú leis an athbhreithniú lár-théarma ar straitéis Eoraip 2020.

Ina theannta sin, rinne na hAirí plé ar chur chuige earnála maidir le beartais don ógra, mar uirlis chun dul i ngleic le dúshláin shocheacnamaíocha ar bhealach níos fearr. Sa chomhthéacs sin, ghlac an Chomhairle conclúidí freisin maidir le rochtain daoine óga ar chearta a chur chun cinn chun a neamhspleáchas agus a rannpháirtíocht sa tsochaí shibhialta a chothú.

Conclúidí ón gComhairle maidir le rochtain daoine óga ar chearta a chur chun cinn chun a neamhspleáchas agus a rannpháirtíocht sa tsochaí shibhialta a chothú.

Ag cruinniú neamhfhoirmiúil le linn an lóin, bhí díospóireacht ag na hAirí maidir leis an gcaoi a bhféadfaí cur leis an mbreisluach atá ar chláir shoghluaisteachta san ardoideachas.