Il-Ftehim ta' Pariġi: it-triq tal-UE lejn in-newtralità klimatika
Infografika - Il-Ftehim ta' Pariġi: it-triq tal-UE lejn in-newtralità klimatika
F'Diċembru 2015, għall-ewwel darba l-pajjiżi kollha madwar id-dinja qablu dwar sforz kollettiv biex:
- iżommu t-tisħin globali sew taħt iż-2˚C u jippruvaw jillimitawh għal 1.5˚C
- jindirizzaw l-effetti tat-tibdil fil-klima
Dan il-ftehim jeħtieġ li l-partijiet jippreżentaw pjanijiet nazzjonali biex inaqqsu l-emissjonijiet u biex jirrevedu dawn l-impenji kull 5 snin.
- 2015: Firma u pjanijiet nazzjonali inizjali
- 2020: Strateġija u pjanijiet aġġornati
- 2023: Rieżami tal-progress globali
- 2025 Pjanijiet aġġornati
- 2028: Rieżami tal-progress globali
X'wiegħdet l-UE
Bit-tnedija tal-Patt Ekoloġiku Ewropew fl-2019, l-UE intrabtet li tnaqqas l-emissjonijiet netti ta' gassijiet serra tagħha b'mill-inqas 55% sal-2030, meta mqabbla mal-livelli tal-1990, ċifra ogħla mill-impenn tagħha ta' 40% fl-2014.
L-għan aħħari tal-UE hu li tilħaq in-newtralità klimatika sal-2050. Dan jeħtieġ tranżizzjoni li:
- tkun teħtieġ azzjoni mis-setturi kollha tal-ekonomija
- tkun soċjalment ibbilanċjata u ġusta
- tippreserva l-kompetittività tal-UE
Mill-kliem għall-azzjoni
Il-liġi Ewropea dwar il-klima, li l-UE adottat fl-2021, stabbiliet l-għanijiet klimatiċi, kemm dawk għall-2030 kif ukoll dawk għall-2050, f'leġiżlazzjoni.
Dan ifisser li l-UE u l-istati membri tagħha huma legalment obbligati li jieħdu azzjoni biex inaqqsu l-emissjonijiet biex jiksbu n-newtralità klimatika.
Bil-liġijiet tal-pakkett "Lesti għall-mira ta' 55%", l-UE stabbiliet l-miżuri meħtieġa biex jinqatgħu l-emissjonijiet b'mill-inqas 55% sal-2030 u timxi lejn ekonomija u soċjetà favorevoli għall-klima. Dawn il-miżuri jinkludu:
- spinta lill-enerġija rinnovabbli
- titjib fl-effiċjenza fl-enerġija
- riforma u aktar skambju ta' kwoti tal-emissjonijiet
- żieda fl-assorbiment tal-karbonju
- trasport aktar ekoloġiku
- appoġġ lin-nies fil-bidla lejn ekonomija aktar ekoloġika
L-UE diġà qiegħda tnaqqas l-emissjonijiet ta' gassijiet serra tagħha. Fl-2021, l-emissjonijiet ta' gassijiet serra tal-UE kienu 28.5% inqas meta mqabbla mal-livelli tal-1990.
- Dak li l-UE trid tikseb fis-summit dwar il-klima COP28 (informazzjoni ġenerali)
- Il-Ftehim ta' Pariġi dwar it-tibdil fil-klima (informazzjoni ġenerali)
- Tibdil fil-klima: x'qed tagħmel l-UE (informazzjoni ġenerali)
- 8 modi kif il-ħajja fl-UE qed issir aktar ekoloġika (ħarsa mill-qrib)
- "Lesti għall-mira ta' 55%" (informazzjoni ġenerali)
- Patt Ekoloġiku Ewropew (informazzjoni ġenerali)