"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Ministru Sloven għall-Agrikoltura, il-Forestrija u l-Ikel, Jože Podgoršek, ippreżenta l-prijoritajiet fil-qasam tal-agrikoltura u s-sajd. Dawn il-prijoritajiet jinkludu l-istrateġija tal-forestrija tal-UE, l-agrikoltura sostenibbli u l-iżvilupp rurali (id-diġitalizzazzjoni, l-isfidi demografiċi u r-rwol tan-nisa), it-titjib tal-pożizzjoni tal-bdiewa fil-katina tal-provvista tal-ikel, il-bijodiversità, u t-tikkettar tal-ikel (inklużi taħlitiet tal-għasel). Il-presidenza ser ikollha l-għan ukoll li tikkonkludi fajls leġiżlattivi ewlenin li għadhom għaddejjin, fosthom ir-regolament dwar il-kontroll tas-sajd u r-riforma tal-politika agrikola komuni.
Għandna bosta xhur bieżla quddiemna iżda qed nistennew bil-ħerqa l-isfidi u l-opportunitajiet li ser iġġib il-presidenza tal-Kunsill. Aħna impenjati li nimxu 'l quddiem bl-istrateġija Mill-Għalqa sal-Platt, niżguraw sistemi sostenibbli tal-ikel u noħolqu viżjoni dejjiema għaż-żoni rurali. Barra minn hekk, determinati li nipprovdu ċertezza għall-bdiewa tal-UE billi nikkonkludu r-riforma tal-Politika Agrikola Komuni qabel tmiem il-mandat tagħna.
Jože Podgoršek, il-Ministru għall-Agrikoltura, il-Forestrija u l-Ikel tas-Slovenja
Pjan ta' azzjoni favur biedja organika
Il-ministri wrew l-appoġġ tagħhom kemm għall-pjan ta' azzjoni tal-Kummissjoni għall-iżvilupp tal-produzzjoni organika kif ukoll għall-konklużjonijiet tal-Kunsill dwar dan il-pjan. Ħafna delegazzjonijiet tkellmu biex jenfasizzaw għadd ta' aspetti tal-pjan, inkluż il-ħtieġa li tingħata spinta lid-domanda għal prodotti organiċi billi titqajjem kuxjenza fost il-konsumaturi u l-istituzzjonijiet pubbliċi bħall-iskejjel jiġu mħeġġa biex jipprovdu ikel organiku fil-canteens tagħhom. Għadd ta' stati membri enfasizzaw ukoll il-punti ta' tluq differenti tal-istati membri u l-ħtieġa li jittieħed kont ta' dawn id-differenzi.
Skont l-istrateġija tal-Patt Ekoloġiku Ewropew mill-għalqa sal-platt, il-Kummissjoni Ewropea stabbiliet għan t'’ "mill-inqas 25% tal-art agrikola tal-UE taħt biedja organika u żieda sinifikanti fl-akkwakultura organika sal-2030". Biex tilħaq dan il-għan u biex tgħin lis-settur organiku jilħaq il-potenzjal sħiħ tiegħu, il-Kummissjoni ressqet pjan ta' azzjoni għall-produzzjoni organika fl-UE.
Il-ministri rċevew informazzjoni mill-Kummissjoni dwar kwistjonijiet agrikoli relatati mal-kummerċ, inkluż l-effetti tal-kriżi tal-COVID-19 u l-Brexit, l-aħħar żviluppi fir-relazzjonijiet kummerċjali tal-UE mal-Istati Uniti, u n-negozjati li għaddejjin għal ftehimiet ġodda ta' kummerċ ħieles mal-Awstralja, iċ-Ċilì u New Zealand. L-aħħar żviluppi fin-negozjati agrikoli tad-WTO ġew diskussi wkoll, fid-dawl tal-konferenza ministerjali tad-WTO li jmiss. Għadd ta' delegazzjonijiet tkellmu biex jiddiskutu kwistjonijiet bħall-ħtieġa li jiġi żgurat li l-importazzjonijiet agrikoli minn pajjiżi mhux tal-UE jirrispettaw l-istess standards bħall-prodotti tal-UE f'termini tal-ġid tal-annimali u miżuri ambjentali, l-importanza li tingħata spinta lit-trasparenza fil-kummerċ agrikolu, u l-ħtieġa li l-UE tistabbilixxi l-istandard fuq livell dinji f'termini ta' biedja li hija ambjentalment, soċjalment u ekonomikament sostenibbli.
Affarijiet oħra
Tmiem "Żmien il-Gaġeġ"
Il-ministri ddiskutew ir-rispons tal-UE għall-Inizjattiva taċ-Ċittadini Ewropej biex "Intemmu Żmien il-Ġaġeġ". L-għan ta' din il-kampanja, li rċeviet 1.4 miljun firma minn madwar l-UE, huwa li tipprojbixxi t-tqegħid fil-gaġeġ ta' annimali tar-razzett bħat-tiġieġ, il-fniek, il-wiżż, il-papri, il-ħnieżer nisa u l-għoġġiela. Filwaqt li ħafna delegazzjonijiet tkellmu biex jesprimu l-appoġġ tagħhom għal din l-inizjattiva, huma indikaw ukoll li tali mossa jista' potenzjalment ikollha impatt negattiv fuq il-bdiewa, kemm f'termini tal-ispejjeż tat-tranżizzjoni kif ukoll ta' telf ta' kompetittività ma' pajjiżi li mhumiex fl-UE. Għalhekk huma appellaw lill-Kummissjoni biex twettaq evalwazzjoni sħiħa tal-impatt tal-inizjattiva, kif ukoll biex tipprovdi finanzjament għall-bdiewa li qed jagħmlu tranżizzjoni lil hinn mis-sistemi tal-gaġġa. Fl-aħħar nett, huma indikaw il-ħtieġa li jiġu applikati l-istess standards tal-ġid tal-annimali għall-prodotti agrikoli importati minn pajjiżi mhux tal-UE.
Matul l-istess sessjoni, il-ministri ddiskutew ukoll żewġ punti oħra taħt Affarijiet Oħra relatati mal-ġid tal-annimali: il-qtil ta' flieles irġiel fl-industrija tal-bajd u pass biex jiġu standardizzati r-regoli għall-ġid tad-dundjani fl-istati membri kollha. Ħafna delegazzjonijiet esprimew l-appoġġ tagħhom għal dawn l-inizjattivi, filwaqt li enfasizzaw ukoll il-ħtieġa li l-miżuri kollha jkunu bbażati fuq l-aħħar data xjentifika u jiżguraw li l-importazzjonijiet minn pajjiżi mhux tal-UE jirrispettaw l-istess standards.
Illum il-ministri wieġbu għax-xewqat taċ-ċittadini tal-UE billi esprimew appoġġ għal projbizzjoni fuq it-tqegħid fil-gaġeġ ta' għadd kbir ta' speċijiet ta' annimali tar-razzett. "Nappoġġaw id-deċiżjoni tal-Kummissjoni li tħejji evalwazzjoni tal-impatt ta' din l-inizjattiva, ibbażata fuq studju tal-konsegwenzi ambjentali u soċjoekonomiċi tat-tneħħija gradwali tal-gaġeġ, li ser tqis il-benefiċċji tal-ġid tal-annimali, il-ħtiġijiet soċjali u ekonomiċi tas-settur tal-biedja tal-UE (inkluż dawk ta' azjendi agrikoli żgħar), id-dimensjoni kummerċjali internazzjonali, u l-aspetti ambjentali.
Jože Podgoršek, il-Ministru għall-Agrikoltura, il-Forestrija u l-Ikel tas-Slovenja
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-ministri rċevew informazzjoni minn għadd ta' delegazzjonijiet dwar kwistjonijiet relatati ma' kundizzjonijiet estremi tat-temp u kwistjonijiet oħra li jolqtu l-agrikoltura Ewropea. Dawn kienu jinkludu l-effetti tal-ġlata severa fuq is-siġar taż-żebbuġ fil-Greċja, in-nar selvaġġ reċenti f'Ċipru, l-impatt tal-għargħar reċenti f'diversi stati membri, il-prezz għoli tal-għalf u l-konsegwenzi tiegħu għall-industrija tal-bhejjem, l-importanza tal-investiment fl-apikultura, u l-okkorrenza reċenti tad-deni Afrikan tal-ħnieżer fil-ħnieżer domestiċi fil-Ġermanja.
Id-delegazzjonijiet ingħaqdu wkoll waqt l-ikla ta' nofsinhar permezz ta' vidjokonferenza minn Tom Vilsack, is-Segretarju għall-Agrikoltura tal-Istati Uniti. Fost is-suġġetti diskussi kien hemm l-azzjoni għall-klima, is-sistemi tal-ikel sostenibbli u s-Summit dwar is-Sistemi tal-Ikel tan-Nazzjonijiet Uniti li jmiss fi New York.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Għandna bosta xhur bieżla quddiemna iżda qed nistennew bil-ħerqa l-isfidi u l-opportunitajiet li ser iġġib il-presidenza tal-Kunsill. Aħna impenjati li nimxu 'l quddiem bl-istrateġija Mill-Għalqa sal-Platt, niżguraw sistemi sostenibbli tal-ikel u noħolqu viżjoni dejjiema għaż-żoni rurali. Barra minn hekk, determinati li nipprovdu ċertezza għall-bdiewa tal-UE billi nikkonkludu r-riforma tal-Politika Agrikola Komuni qabel tmiem il-mandat tagħna.
