"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Kompetittività

Vidjokonferenza tal-ministri għall-ispazju, 20 ta' Novembru 2020

Riżultati ewlenin

Ir-rwol tal-Ewropa fl-ekonomija spazjali globali

Il-ministri kellhom skambju informali ta' fehmiet dwar ir-rwol tal-Ewropa fl-ekonomija spazjali globali permezz ta' vidjokonferenza. Huma ddiskutew kif l-UE tista' ttejjeb il-kompetittività tal-industrija spazjali tagħha u taqdi rwol akbar fit-tiswir ta' reġimi regolatorji internazzjonali.

Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija
L-ekonomija spazjali globali tipprovdi opportunitajiet kbar għall-industrija spazjali kompetittiva ħafna tal-Ewropa u l-fornituri tas-servizzi. L-Unjoni Ewropea, l-Aġenzija Spazjali Ewropea u l-istati membri qed jingħaqdu flimkien biex irawmu kompetittività teknoloġika, joħolqu kundizzjonijiet ekwi globali u jsawru regoli internazzjonali għal oqsma regolatorji deċiżivi bħall-ġestjoni tat-traffiku spazjali u ċ-ċibersigurtà.
Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija
Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija

Il-ministri enfasizzaw il-ħtieġa li l-linji gwida tal-Kunsill Ewropew dwar l-iżgurar u l-iżvilupp tal-awtonomija strateġika tal-UE jiġu implimentati wkoll fil-qasam tal-ispazju.

Huma enfasizzaw ir-rwol importanti li għandu s-settur spazjali kemm b'mod ġenerali kif ukoll b'mod aktar speċifiku fil-kuntest tat-tranżizzjoni ekoloġika u diġitali.

Ħafna delegazzjonijiet indikaw li d-data minn applikazzjonijiet spazjali tintuża f'firxa wiesgħa ta' oqsma bħall-intelliġenza artifiċjali, it-telekomunikazzjoni, l-enerġija, it-trasport, l-agrikoltura, il-prevenzjoni tad-diżastri u l-ġlieda kontra t-tibdil fil-klima.

Il-ministri enfasizzaw is-sinifikat tal-programmi ewlenin Ewropej Copernicus u Galileo u l-ħtieġa li dawn jinżammu operattivi u jiġu żviluppati aktar.

Huma indikaw li ċ-ċibersigurtà teħtieġ attenzjoni speċjali fil-qasam tal-ispazju.

Ħafna ministri tkellmu favur kooperazzjoni u koordinazzjoni aktar b'saħħithom sabiex ikun hemm impatt fuq livell internazzjonali. Diversi ministri semmew il-ġestjoni tat-traffiku spazjali bħala qasam fejn kienu meħtieġa regolamentazzjoni u standards. Il-protezzjoni tad-drittijiet intellettwali tqajmet ukoll bħala kwistjoni importanti.

Diversi ministri enfasizzaw l-importanza li tissaħħaħ il-kompetittività tal-industrija spazjali Ewropea fis-swieq globali, f'kuntest ta' kummerċjalizzazzjoni akbar tal-ispazju. F'dan ir-rigward, ġie indikat li l-industrija spazjali teħtieġ ambjent favorevoli li fih jinstabu soluzzjonijiet innovattivi, kif ukoll soluzzjonijiet innovattivi ta' finanzjament. Sabiex jinkiseb suq globali ġust fl-ispazju, il-ministri qiesu li jkun essenzjali li jinħolqu kundizzjonijiet ekwi bejn l-atturi kollha.

Politika Ewropea dwar l-ispazju - Tħejjija għall-Kunsill tal-Ispazju

Il-ministri ħejjew il-laqgħa tal-għaxar Kunsill tal-Ispazju[1], li ser issir permezz ta' vidjokonferenza fl-istess jum. Bħala parti minn din it-tħejjija, il-Kunsill reċentement adotta sett ta' konklużjonijiet (ara l-link hawn taħt). Ġie nnutat li l-Kunsill tal-Ispazju ser ikollu dibattitu ta' orjentazzjoni dwar il-kontribut Ewropew fl-istabbiliment tal-prinċipji ewlenin għall-ekonomija spazjali globali.

[1] Il-Kunsill tal-Ispazju huwa laqgħa konġunta u konkomitanti tal-Kunsill tal-UE (Kompetittività - Konfigurazzjoni spazjali) u tal-Kunsill tal-Aġenzija Spazjali Ewropea (ESA) fil-livell ministerjali. Huwa forum li jippermetti lill-UE u lill-ESA jikkoordinaw attivitajiet ta' kooperazzjoni dwar il-politika spazjali Ewropea. L-ESA hija magħmula minn 22 stat membru: l-Awstrija, il-Belġju, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Irlanda, l-Italja, il-Lussemburgu, in-Netherlands, il-Polonja, il-Portugall, ir-Rumanija, Spanja u l-Iżvezja (li huma wkoll stati membri tal-UE) + ir-Renju Unit, in-Norveġja u l-Iżvizzera. Il-Kanada wkoll għandha siġġu fil-Kunsill u tieħu sehem f'xi proġetti taħt Ftehim ta' Kooperazzjoni. Is-Slovenja hija Membru Assoċjat. Seba' stati membri oħra tal-UE għandhom Ftehimiet ta' Kooperazzjoni mal-ESA: il-Bulgarija, il-Kroazja, Ċipru, il-Latvja, il-Litwanja, Malta u s-Slovakkja.

Affarijiet oħra

Programm ta' ħidma tal-presidenza li jmiss

Id-delegazzjoni Portugiża ppreżentat l-prijoritajiet tal-presidenza tagħha li jmiss fil-qasam tal-ispazju. Ġie nnutat li l-intenzjoni tagħha hija li tikkonċentra fuq:

  • il-bini ta' pedamenti għal strateġija Ewropea għal Spazju Ġdid, sabiex jinfetaħ l-aċċess għall-ispazju u l-użu ta' data satellitari,
  • it-tisħiħ tal-ekosistemi spazjali Ewropej u s-setturi tal-attivitajiet downstream madwar l-Ewropa, li jwassal għal 'Pjaneta Diġitali' permezz tal-integrazzjoni tas-sistemi ma' IT avvanzata,
  • it-titjib tar-reżiljenza tal-ktajjen tal-valur u l-inklużjoni tal-RTOs, l-SMEs u n-negozji ġodda,
  • il-mobilizzazzjoni tat-teknoloġiji u tad-data spazjali għall-iżvilupp sostenibbli taż-żoni kostali u l-ekonomija blu,
  • il-kooperazzjoni bejn is-setturi spazjali u mhux spazjali u l-applikazzjonijiet tad-data għal tranżizzjoni sostenibbli, ekoloġika u diġitali, li tippromwovi mogħdijiet ġodda ta' attivitajiet ekonomiċi fl-'Anthropocene',
  • it-tisħiħ tal-kollaborazzjoni bejn l-UE u l-Afrika.

Dokumenti tal-laqgħat

Dokumenti ta' tħejjija

Dokumenti ta' eżitu

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Kompetittività

Ara laqgħat oħrajn

L-aħħar reviżjoni: 14 ta' Jannar 2025