"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Kompetittività

Vidjokonferenza tal-ministri għar-riċerka, 27 ta' Novembru 2020

Ir-riżultati ewlenin

Skambju ta’ fehmiet dwar il-miri ta’ investiment ġodda għar-Riċerka u l-Iżvilupp (R&Ż;proposti mill-Kummissjoni Ewropea fil-Komunikazzjoni tagħha "ŻER ġdida għar-Riċerka u l-Innovazzjoni"

Il-ministri kellhom (permezz ta’ vidjokonferenza) skambju informali ta’ fehmiet dwar il-miri ta’ investiment għar-riċerka u l-iżvilupp (R&Ż;proposta mill-Kummissjoni fil-komunikazzjoni tagħha "ŻER ġdida għar-Riċerka u l-Innovazzjoni" tat-30 ta' Settembru 2020.

Anja Karliczek, ministru federali tal-Ġermanja għall-edukazzjoni u r-riċerka
Ir-riċerka u l-innovazzjoni huma essenzjali biex jappoġġaw il-kompetittività u r-reżiljenza tal-ekonomiji tagħna u jiffaċilitaw it-tranżizzjonijiet ekoloġiċi u diġitali tal-Ewropa. Qed naħdem biex niżgura li l-Unjoni għar-Riċerka u l-Innovazzjoni Ewropea jkollha rwol ewlieni fil-kompetizzjoni internazzjonali għal teknoloġiji futuri. Dan jeħtieġ investimenti mtejba fir-riċerka u l-iżvilupp kif ukoll riformi kontinwi fis-sistemi nazzjonali tar-riċerka u l-innovazzjoni. Għandna bżonn kemm il-kwantità kif ukoll il-kwalità fl-investimenti pubbliċi u privati fir-riċerka u l-iżvilupp biex niżguraw il-kompetittività futura tagħna bbażata fuq it-tkabbir sostenibbli u l-kwalità tal-ħajja.
Anja Karliczek, ministru federali tal-Ġermanja għall-edukazzjoni u r-riċerka
Anja Karliczek, ministru federali tal-Ġermanja għall-edukazzjoni u r-riċerka

Il-ministri ġeneralment kienu tal-fehma li r-R&Żhuwa essenzjali għall-kompetittività, ir-reżiljenza u t-tranżizzjonijiet ekoloġiċi u diġitali tal-ekonomija tal-UE. Dan huwa saħansitra aktar il-każ fi żminijiet ta’ kriżi bħall-pandemija tal-COVID-19.

Diversi ministri appellaw għall-prijoritizzazzjoni tal-investiment immirat lejn l-immodernizzar u t-titjib tas-sistema soċjoekonomika tal-Ewropa sabiex jiġi żgurat tkabbir sostenibbli u sabiex tlaħħaq mal-kompetituri internazzjonali. Sabiex jiżdied l-investiment globali fir-R&Ż,huwa essenzjali li jiġi attirat aktar investiment privat fis-settur.

Għadd ta’ ministri enfasizzaw l-importanza ta’ sħubiji u programmi Ewropej u l-ħtieġa li jissaħħu s-sinerġiji bejn ir-riċerka u l-edukazzjoni għolja.

Il-ministri affermaw mill-ġdid il-mira tal-investiment fir-riċerka u l-iżvilupp ta' 3 % tal-PDGbħala mira li għandha tintlaħaq fis-snin li ġejjin.

Imħassba bid-differenzi fost l-Istati Membri f’termini ta’ investiment fir-R&Żfil-livell nazzjonali, għadd ta’ ministri enfasizzaw il-ħtieġa li jingħalaq dak id-distakk billi ssir konverġenza lejn miri ta’ investiment maqbula b’mod komuni. Madankollu, xi ministri jqisu li huwa prematur li jimpenjaw ruħhom għal miri ġodda ta’ investiment fi żmien meta l-impatt negattiv ġenerali tal-kriżi tal-COVID-19 fuq l-ekonomiji nazzjonali għadu mhux magħruf.

Kuntest

Il-komunikazzjoni tal-Kummissjoni “ŻER ġdida għar-Riċerka u l-Innovazzjoni”, maħruġa fit-30 ta’ Settembru 2020, tipproponi sett ġdid ta’ miri ta' investimentfir-R&Ż:

  • Tafferma mill-ġdid il-mira ta’ investiment fir-riċerka u l-iżvilupp ta' 3 % tal-PDG tal-UEu taġġornaha biex tirrifletti l-prijoritajiet ġodda tal-UE.
  • Taqbel dwar mira ġdida ta’ sforz pubbliku ta’ 1.25 % tal-PDG tal-UE li għandha tintlaħaq sal-2030 b’mod ikkoordinat mill-UE.
  • Taċċetta li timpenja b'mod volontarju 5% tal-finanzjament pubbliku nazzjonaligħar-R&Ż għal programmi konġunti u sħubiji Ewropej sal-2030.
  • Iżżid l-investiment totali fir-R&Żb'50% fil-ħames snin li ġejjin f'dawk l-istati membri li għadhom lura meta mqabbla mal-medja tal-investimentfir-R&Ż tal-UE fuq il-PDG.

Qabel id-diskussjonijiet fil-vidjokonferenza tas-27 ta’ Novembru, il-korpi preparatorji tal-Kunsill iffinalizzaw sett ta’ konklużjonijiet tal-Kunsill dwar il-futur taż-Żona Ewropea tar-Riċerka. Dawn il-konklużjonijiet huma mistennija jiġu adottati mill-Kunsill permezz ta' proċedura bil-miktub dalwaqt.

Affarijiet oħra

a) Is-sitwazzjoni attwali fid-dossiers tar-riċerka u l-innovazzjoni relatati mal-qafas finanzjarju pluriennali li jmiss (b’mod partikolari Orizzont Ewropa u l-Istitut Ewropew tal-Innovazzjoni u t-Teknoloġija)

F’sessjoni pubblika, il-Presidenza infurmat lill-ministri dwar il-progress miksub s’issa fin-negozjati mal-Parlament Ewropew dwar b’mod partikolari Orizzont Ewropa u l-Istitut Ewropew tal-Innovazzjoni u t-Teknoloġija (EIT). Id-dewmien fl-adozzjoni finali tal-ftehim tal-Qafas Finanzjarju Pluriennali kkawża dewmien simili għal dawn il-fajls. Ġie nnotat li t-trilogi ser ikomplu f’Diċembru bil-għan li jintlaħaq qbil politiku mal-Parlament Ewropew sa tmiem is-sena dwar (mill-inqas) Orizzont Ewropa.

b) Progress reċenti dwar Xjenza Miftuħa: sitwazzjoni attwali rigward il-Cloud Ewropew tax-Xjenza Miftuħa u l-Pjattaforma tal-Politika tax-Xjenza Miftuħa

Il-Presidenza u l-Kummissjoni infurmaw lill-ministri dwar is-sitwazzjoni attwali rigward il-Cloud Ewropew tax-Xjenza Miftuħa (EOSC) u l-ħidma li tlestiet dan l-aħħar tal-grupp konsultattiv tal-Pjattaforma tal-Politika tax-Xjenza Miftuħa (OSPP) tal-Kummissjoni. Ġie nnutat li l-EOSC kellu rwol ewlieni fil-kriżi tal-COVID-19 billi ħaffef l-aċċess għad-data tar-riċerka u l-kondiviżjoni tagħha permezz tal-pjattaforma Ewropea ta' data dwar il-COVID-19 li għadha kif ġiet stabbilita. Is-servizzi tal-Kummissjoni, flimkien mal-governanza tal-EOSC, qed iħejju sħubija Ewropea ġdida taħt Orizzont Ewropa biex jappoġġaw l-EOSC mill-2021 ’il quddiem.

L-OSPP temmet it-tieni mandat tagħha, li jkopri l-perjodu minn Mejju 2018 sa Mejju 2020. Hija kienet qed tiffoka fuq l-oqsma ta’ sfida ta’ sistema ta’ premji u inċentivi għax-xjenza miftuħa, ix-xjenza taċ-ċittadini u l-indikaturi għall-involviment tar-riċerkaturi.

c) Sħubiji istituzzjonalizzati Ewropej: sitwazzjoni attwali

Il-Kummissjoni infurmat fil-qosor lill-ministri dwar is-sitwazzjoni attwali rigward il-pakkett li jmiss ta’ proposti leġiżlattivi għal sħubiji istituzzjonalizzati Ewropej (jiġifieri sħubiji pubbliċi-privati stabbiliti abbażi tal-Artikolu 187 TFUE u sħubiji pubbliċi-pubbliċi stabbiliti abbażi tal-Artikolu 185 TFUE).

Ġie nnutat li l-Kummissjoni waslet biex tiffinalizza ż-żewġ proposti leġiżlattivi li ġejjin:

  • proposta għal regolament tal-Kunsill li jistabbilixxi disa’ impriżi konġunti (abbażi tal-Artikolu 187 TFUE) taħt Orizzont Ewropa – att bażiku uniku (SBA);
  • proposta għal deċiżjoni tal-Parlament Ewropew u tal-Kunsill dwar is-sħubija fil-qasam tal-metroloġija (ibbażata fuq l-Artikolu 185 TFUE).

d) L-aħħar opinjoni xjentifika konġunta dwar it-titjib tat-tħejjija għall-pandemiji u l-ġestjoni tagħhom

Il-Kummissjoni rrappurtat dwar l-aħħar opinjoni xjentifika mħejjija minn grupp ta’ esperti (inkluż il-Grupp ta’ Konsulenti Xjentifiċi Ewlenin għall-Kummissjoni Ewropea, il-Grupp Ewropew dwar l-Etika fix-Xjenza u fit-Teknoloġiji l-Ġodda, u l-Professur Peter Piot fil-kapaċità tiegħu bħala konsulent speċjali għall-President tal-Kummissjoni) rigward it-tħejjija għall-pandemiji u l-ġestjoni tagħhom. Ġie nnutat li l-opinjoni kien fiha sett ta’ rakkomandazzjonijiet immirati lejn:

  • il-prevenzjoni u l-prevenzjoni ta’ pandemiji emerġenti,
  • it-tisħiħ tal-koordinazzjoni fost l-istati membri u fil-livell internazzjonali,
  • it-tisħiħ tas-sistemi għat-tħejjija u l-ġestjoni tal-kriżijiet,
  • ir-rispett tad-drittijiet fundamentali u t-tisħiħ tal-ġustizzja soċjali, u
  • is-sejba ta’ stili ta' ħajja sostenibbli u bbażati fuq is-solidarjetà.

e) Programm ta' ħidma tal-presidenza li jmiss

Il-presidenza Portugiża li jmiss tal-Kunsill ippreżentat il-prijoritajiet tagħha fil-qasam tar-riċerka u l-innovazzjoni għall-ewwel nofs tal-2021. Ġie nnutat li l-ħidma ser tiffoka fuq żewġ għanijiet ewlenin, jiġifieri t-tħejjija ta’ rkupru reżiljenti permezz ta’ Żona Ewropea tar-Riċerka mġedda u r-rwol ta' tmexxija fit-trasformazzjoni ekoloġika u diġitali abbażi tar R&Ż.I.

Dokumenti tal-laqgħat

Dokumenti ta' tħejjija

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Kompetittività

Ara laqgħat oħrajn

L-aħħar reviżjoni: 14 ta' Jannar 2025