"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Ambjent

Kunsill Ambjent, 5 ta' Marzu 2020

Riżultati ewlenin

Patt Ekoloġiku Ewropew

Il-Kunsill kellu skambju ta' fehmiet dwar il-Patt Ekoloġiku Ewropew. Il-ministri għall-ambjent u l-klima ħadmu fuq il-passi konkreti li jenħtieġ li jittieħdu sabiex l-UE tilħaq l-objettiv tagħha dwar in-newtralità klimatika sal-2050. Il-ministri ddiskutew oqsma ta' prijorità, ħeġġew ekonomija aktar effiċjenti fl-użu ta' riżorsi, u esprimew appoġġ għal transizzjoni ġusta għan-newtralità klimatika.

Tomislav Ćorić, Ministru għall-Ambjent u l-Enerġija tal-Kroazja
Ninsab kuntent li llum adottajna l-preżentazzjoni tal-istrateġija fit-tul tal-UE lill-UNFCCC. Huwa importanti li nirrispettaw l-impenji tagħna f'konformità mal-Ftehim ta' Pariġi. Irridu nispiraw lil ħaddieħor biex jissottometti l-istrateġiji fit-tul tiegħu fil-ħin. L-UE għandha rwol ta' mexxej dinji fl-azzjoni dwar il-klima. F'Diċembru, il-Kunsill Ewropew stabbilixxa d-direzzjoni futura tal-Unjoni: sal-2050 l-UE ser ikollha impatt newtrali fuq il-klima. Illum konna kapaċi wkoll nagħmlu progress tajjeb fir-rigward tal-Patt Ekoloġiku Ewropew.
Tomislav Ćorić, Ministru għall-Ambjent u l-Enerġija tal-Kroazja
Tomislav Ćorić, Ministru għall-Ambjent u l-Enerġija tal-Kroazja
Il-Kunsill ħadem fuq il-passi konkreti meħtieġa biex in-newtralità karbonika fl-UE ssir realtà

Preżentazzjoni tal-istrateġija fit-tul tal-UE dwar il-klima lin-NU

Il-Kunsill adotta l-preżentazzjoni tal-UE għall-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) rigward l-istrateġija fit-tul tal-UE u tal-istati membri tagħha għal żvilupp b'emissjonijiet baxxi ta' gassijiet b'effett ta' serra. L-UE u l-istati membri tagħha huma impenjati bis-sħiħ favur il-Ftehim ta' Pariġi u l-għanijiet fit-tul tiegħu.

Permezz tal-approvazzjoni u l-implimentazzjoni fir-rigward ta' trasformazzjoni soċjali u ekonomika ambizzjuża, l-UE u l-istati membri tagħha għandhom l-għan li jispiraw l-azzjoni klimatika globali u juru li l-mixja lejn in-newtralità klimatika mhix biss essenzjali iżda wkoll fattibbli u mixtieqa.

Kwalità tal-arja

Il-Kunsill adotta konklużjonijiet dwar il-kwalità tal-arja. It-tniġġis tal-arja għadu l-aktar kawża ambjentali importanti ta' problemi tas-saħħa fl-UE, u huwa stmat li kull sena jikkawża aktar minn 400,000 mewta prematura.

Il-Kunsill qies li l-istandards tal-kwalità tal-arja stabbiliti, b'mod partikolari l-valuri ta' limitu, kienu effettivi u għadhom essenzjali għall-protezzjoni tas-saħħa taċ-ċittadini. Madankollu, il-Kunsill enfasizza li hemm lok għal titjib fil-qafas leġislattiv biex tiġi żgurata kwalità tajba tal-arja madwar l-UE.

Evalwazzjoni tal-leġislazzjoni dwar l-ilma

Il-ministri kellhom skambju ta' fehmiet dwar il-kontroll tal-idoneità tal-leġislazzjoni tal-UE dwar l-ilma. Din l-evalwazzjoni ta' politika kopriet diversi atti leġislattivi: id-Direttiva qafas dwar l-ilma, id-direttiva dwar l-istandards tal-kwalità ambjentali, id-direttiva dwar l-ilma ta' taħt l-art u d-direttiva dwar l-għargħar.

Semestru Ewropew

Il-ministri tal-UE ddiskutew kif is-sostenibbiltà ambjentali tista' tiġi inkorporata aħjar fis-Semestru Ewropew.

Fridays for Future (Nhar ta' Ġimgħa għall-Ġejjieni)

Il-presidenza Kroata stiednet lill-attivista għall-klima Greta Thunberg biex tindirizza lill-Kunsill f'isem il-moviment Fridays for Future.

Tomislav Ćorić, Ministru għall-Ambjent u l-Enerġija tal-Kroazja
Nirringrazzjaw lil Greta Thunberg talli aċċettat l-istedina tagħna biex tindirizza lill-ministri llum bħala mistiedna tal-Presidenza Kroata. Għandna l-istess għan: irridu naġixxu fuq it-tibdil fil-klima. Għandi messaġġ għaż-żgħażagħ li qed jitolbu azzjoni kontra l-emerġenza klimatika. Qed nisimgħukom. Bosta żgħażagħ jaħsbu li t-transizzjoni lejn in-newtralità klimatika mhix qed isseħħ malajr biżżejjed. Inħeġġukom tieħdu pass ieħor u tikkontribwixxu b'mod attiv għall-politika dwar il-klima. Aħna, is-27 ministru għall-ambjent u l-klima, qed naħdmu kuljum biex nipproteġu liċ-ċittadini tagħna u lill-ambjent kontra t-tibdil fil-klima.
Tomislav Ćorić, Ministru għall-Ambjent u l-Enerġija tal-Kroazja
Tomislav Ćorić, Ministru għall-Ambjent u l-Enerġija tal-Kroazja

Kwistjonijiet oħra

Il-Kummissjoni ppreżentat il-proposta tagħha dwar Liġi Ewropea dwar il-Klima u dwar Mekkaniżmu ta' Transizzjoni Ġusta skont il-Patt Ekoloġiku Ewropew. Il-Kummissjoni ppreżentat ukoll il-komunikazzjoni tagħha dwar il-Pjan ta' Investiment għall-Patt Ekoloġiku Ewropew.

Waqt l-ikel, il-ministri ddiskutew id-diplomazija dwar il-klima fil-preżenza ta' Marc Vanheukelen, l-Ambaxxatur Ġenerali tas-SEAE għad-Diplomazija dwar il-Klima.

Id-delegazzjoni Pollakka għarrfet lill-ministri dwar l-implimentazzjoni tal-irkantar sħiħ għas-settur tal-avjazzjoni taħt is-Sistema tal-UE għall-Iskambju ta' Kwoti tal-Emissjonijiet (ETS). Id-delegazzjoni Portugiża għarrfet lill-ministri dwar is-Simpożju ta' Livell Għoli dwar l-Ilma (Lisbona, 2 ta' Ġunju 2020). Fl-aħħar nett, il-Kummissjoni Ewropea għarrfet lid-delegazzjonijiet dwar il-qabdiet aċċessorji ta' dniefel komuni, dniefel suwed tal-port u ta' speċijiet protetti oħrajn fl-irkaptu tas-sajd.

Dokumenti tal-laqgħat

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Ambjent

Ara laqgħat oħrajn

L-aħħar reviżjoni: 15 ta' Jannar 2025