"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-ambjent, 23 ta' Ġunju 2020
Riżultati ewlenin
Il-ministri għall-ambjent u l-klima tal-UE kellhom dibattitu ta' orjentazzjoni dwar il-kontribut tal-politiki ambjentali u klimatiċi għall-irkupru mill-pandemija tal-COVID-19.
Il-ministri laqgħu din id-diskussjoni importanti u qablu li l-Patt Ekoloġiku Ewropew għandu jiggwida l-irkupru lejn tkabbir ekoloġiku u UE aktar reżiljenti.
Fid-diskussjoni, il-ministri ġew mistiedna jwieġbu l-mistoqsijiet li ġejjin:
Kif jistgħu l-miżuri minn inizjattivi ppreżentati reċentement tal-Patt Ekoloġiku Ewropew, bħall-pjan ta' azzjoni għal ekonomija ċirkolari u l-istrateġija dwar il-bijodiversità, jikkontribwixxu bl-aktar mod effettiv għall-irkupru mill-kriżi tal-COVID-19 u jgħinu biex tinbena r-reżiljenza u biex tinħoloq Ewropa aktar sostenibbli u li tibqa' valida fil-futur?
Kif tista' l-implimentazzjoni tal-pjan ta' rkupru tiżgura ambjent ta' investiment stabbli u li jħares 'il quddiem u li jiġġenera tkabbir u impjiegi kompatibbli mal-ambjent, biex b'hekk l-UE tibqa' fit-triq it-tajba lejn l-objettiv li tinkiseb Ewropa newtrali għall-klima sal-2050?
Irridu nibnu ekonomija moderna, nadifa u b'saħħitha, li tgħinna niżguraw l-għajxien tal-ġenerazzjonijiet li jmiss. Il-pjan ta' rkupru jista' jgħin biex l-ekonomija tal-Ewropa tingħata spinta wara l-kriżi tal-Covid-19, u fl-istess ħin jista' jixpruna lis-sostenibbiltà u l-azzjoni klimatika tal-Ewropa. Din hija r-raġuni għaliex id-diskussjoni tal-lum kienet daqshekk importanti. L-investimenti pubbliċi fl-irkupru wara l-kriżi tal-COVID-19 għandhom jirrispettaw il-ġurament ekoloġiku biex “ma ssir l-ebda ħsara” u għandna nistinkaw biex nagħmlu l-appoġġ finanzjarju konsistenti mal-objettivi tal-UE dwar il-klima u l-ambjent.
Tomislav Ćorić, Ministru għall-Ambjent u l-Enerġija tal-Kroazja
Il-ministri enfasizzaw diversi punti, bħal:
Ir-rabtiet bejn l-inizjattivi fil-Patt Ekoloġiku Ewropew u l-ħtieġa li dawn jiġu indirizzati b'mod koerenti.
Il-ħtieġa ta' riżorsi adegwati għat-transizzjoni ekoloġika taħt il-pjan ta' rkupru u l-QFP.
L-importanza tal-objettiv tal-UE għall-2050 ta' newtralità klimatika biex jiġi pprovdut ambjent ta' investiment stabbli li jappoġġa l-għanijiet tal-Patt Ekoloġiku, bħall-enerġija nadifa, ir-rinnovazzjoni tal-bini, l-innovazzjoni u l-adattament; f'dan il-kuntest diversi ministri enfasizzaw il-ħtieġa li jiġi applikat il-prinċipju ta' “la tagħmilx ħsara” filwaqt li xi wħud enfasizzaw il-ħtieġa li jittieħed kont tal-ispeċifiċitajiet nazzjonali jew lokali.
L-importanza ta' strateġija għall-bijodiversità għall-irkupru sostenibbli u r-rwol tal-konservazzjoni tan-natura u r-restawr tal-ekosistemi fit-tisħiħ tar-reżiljenza u l-prevenzjoni ta' pandemiji fil-ġejjieni.
Il-ħtieġa li l-bijodiversità tiġi integrata b'mod sħiħ f'setturi oħra bħall-agrikoltura, is-sajd u l-forestrija u li tiġi żgurata implimentazzjoni koerenti tal-miżuri tal-UE f'dawn l-oqsma.
L-ekonomija ċirkolari, b'enfasi fuq ir-riċiklaġġ, politika ta' prodotti sostenibbli u aktar azzjoni fir-rigward tal-plastik kif ukoll rabta mal-istrateġija li jmiss għas-sustanzi kimiċi. Bosta ministri saħqu dwar il-fatt li l-ekonomija ċirkolari b'mod partikolari tista' tagħti spinta lill-ħolqien ta' impjiegi lokali u żżid ir-reżiljenza billi tagħmel lill-Ewropa inqas dipendenti fuq l-importazzjonijiet. Issemmiet ukoll l-importanza li jinħoloq suq li jiffunzjona tajjeb għall-materja prima sekondarja.
L-istrateġija "mill-għalqa sal-platt" u l-biedja organika.
Taħt "affarijiet oħra", il-presidenza Ġermaniża li jmiss ippreżentat il-programm ta' ħidma tagħha fil-qasam tal-ambjent u l-klima għat-tieni nofs tal-2020.
Il-laqgħa kienet ippreseduta minn Tomislav Ćorić, Ministru għall-Ambjent u l-Enerġija tal-Kroazja. Il-Kummissjoni kienet irrappreżentata mill-Viċi President tal-Kummissjoni Frans Timmermans u l-Kummissarju Virginijus Sinkevičius.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Irridu nibnu ekonomija moderna, nadifa u b'saħħitha, li tgħinna niżguraw l-għajxien tal-ġenerazzjonijiet li jmiss. Il-pjan ta' rkupru jista' jgħin biex l-ekonomija tal-Ewropa tingħata spinta wara l-kriżi tal-Covid-19, u fl-istess ħin jista' jixpruna lis-sostenibbiltà u l-azzjoni klimatika tal-Ewropa. Din hija r-raġuni għaliex id-diskussjoni tal-lum kienet daqshekk importanti. L-investimenti pubbliċi fl-irkupru wara l-kriżi tal-COVID-19 għandhom jirrispettaw il-ġurament ekoloġiku biex “ma ssir l-ebda ħsara” u għandna nistinkaw biex nagħmlu l-appoġġ finanzjarju konsistenti mal-objettivi tal-UE dwar il-klima u l-ambjent.
