Grupp tal-Euro, 07/12/2015, 7 ta' Diċembru 2015

Riżultati ewlenin

Unjoni bankarja: mekkaniżmu superviżorju uniku

Il-President tal-Mekkaniżmu Superviżorju Uniku (MSU), Danièle Nouy, irrapportat dwar l-attivitajiet tal-MSU matul l-aħħar sitt xhur, inkluża l-aħħar valutazzjoni komprensiva ta’ disa’ banek u l-implimentazzjoni tal-qafas legali u metodoloġiku tal-MSU.

Hija infurmat lill-Grupp tal-Euro dwar il-konsultazzjoni pubblika mill-MSU dwar abbozz ta’ Regolament tal-BĊE u abbozz ta’ gwida tal-BĊE, li għandhom l-għan li jkomplu jarmonizzaw is-superviżjoni tal-banek sinifikanti fiż-żona tal-euro. Il-konsultazzjoni ser tibqa’ għaddejja sas-16 ta’ Diċembru u hija waħda mill-passi ewlenin lejn il-ħolqien ta’ kundizzjonijiet ugwali fis-settur bankarju taż-żona tal-euro.

• Mekkaniżmu superviżorju uniku (informazzjoni ġenerali)
• Superviżjoni bankarja: valutazzjoni komprensiva

Greċja: is-sitwazzjoni attwali

L-istituzzjonijiet u l-Ministru Grieg għall-Finanzi, Euclid Tsakalotos, għarraf lill-Grupp tal-Euro dwar it-triq 'il quddiem għall-implimentazzjoni tal-programm tal-Mekkaniżmu Ewropew ta' Stabbiltà (MES) tal-Greċja, li ntlaħaq qbil dwaru Awwissu li għadda.

Il-Grupp tal-Euro jistenna lill-awtoritajiet Griegi jimplimentaw malajr il-leġislazzjoni miftiehma taħt it-tieni sett ta’ miri. Dan għandu jillibera l-għoti ta’ EUR 1 biljun mill-MES.

Il-ministri ġew infurmati li r-rikapitalizzazzjoni tas-settur bankarju Grieg mhux ser teħtieġ iktar minn l-ammont ta' mhux aktar minn EUR 10 biljuni bħalissa disponibbli fil-programm għal dan l-għan. Dan huwa ferm anqas mill-pakkett ta’ mhux aktar minn EUR 25 biljun allokat għar-rikapitalizzazzjoni tal-banek fil-bidu ta’ programm tal-Greċja. Il-fondi għar-rikapitalizzazzjoni jingħataw mill-MES lill-Faċilità għall-Istabbiltà Finanzjarja Ellenika.

• Dikjarazzjoni tal-Grupp tal-Euro dwar il-Greċja, 23 ta' Novembru 2015
• Il-bord tad-diretturi tal-MES japprova żborż ta' €2.72 biljun biex jiġi rikapitalizzat il-Piraeus Bank of Greece
• Assistenza finanzjarja lill-Greċja (is-sit elettroniku tal-Kummissjoni Ewropea)

L-Irlanda turi li implimentazzjoni ddeterminata ta’ programm ta’ aġġustament tista’ ddawwar l-ekonomija għall-benefiċċju taċ-ċittadini Il-President tal-Grupp tal-Euro Jeroen Dijsselbloem

Irlanda: is-sorveljanza ta' wara l-programm

Il-Grupp tal-Euro laqa' r-riżultati tar-raba' missjoni ta' sorveljanza ta' wara l-programm fl-Irlanda, mwettqa f'Novembru mill-Kummissjoni Ewropea, flimkien mal-Bank Ċentrali Ewropew u f'koordinazzjoni mal-Fond Monetarju Internazzjonali.

Il-missjoni kkonkludiet li l-isforzi kurrenti ta’ aġġustament tal-pajjiż kienu qed ikomplu jħallu riżultati pożittivi, kif wera t-tkabbir qawwi tal-PDG u l-progress li sar fit-tnaqqis tad-dejn pubbliku u jindirizza l-kwistjoni ta’ self mhux produttiv fis-settur finanzjarju. Il-missjoni ta' sorveljanza ta' wara l-programm li jmiss ser issir fir-rebbiegħa tal-2016.

• Statement following the 4th post-programme surveillance mission to Ireland (November 2015)
• Post-programme surveillance for Ireland

Diskussjonijiet tematiċi dwar it-tkabbir u l-impjiegi: pensjonijiet

Il-ministri qasmu l-fehmiet u l-esperjenzi tagħhom dwar l-isfidi politiċi domestiċi fl-implimentazzjoni tar-riformi tal-pensjoni. Huma ddiskutew ukoll l-isfida li jiġu indirizzati l-ispejjeż assoċjati ma’ popolazzjoni li qed tixjieħ b’mod fiskalment sostenibbli.

Bank Ażjatiku tal-Investiment fl-Infrastruttura

Il-Grupp tal-Euro ħa nota tal-progress li sar lbiex jintlaħaq qbil fil-prinċipju dwar il-ħolqieb ta’ kostitwenza tal-istati membri taż-żona tal-euro li jipparteċipaw f’bank ta’ investiment fl-infrastruttura Ażjatiku.

Il-Grupp tal-Euro adotta wkoll il-programm ta’ ħidma tiegħu għall-ewwel nofs tal-2016.

Streaming dirett, filmati u ritratti

• Konferenzi stampa u avvenimenti pubbliċi permezz tal-video-streaming
• Filmati u ritratti tal-laqgħa, Grupp tal-Euro, 7 ta' Diċembru 2015