Kunsill Affarijiet Barranin, 28/11/2016, 28 ta' Novembru 2016

Riżultati ewlenin

Rieżami tal-kunsens Ewropew għall-iżvilupp

Il-Kunsill iddiskuta r-rieżami tal-kunsens Ewropew għall-iżvilupp, abbażi ta' proposta mill-Kummissjoni Ewropea. Dan ir-rieżami ser jimplimenta l-Aġenda 2030 għall-iżvilupp sostenibbli.

Matul id-dibattitu, il-ministri insistew fuq l-integrazzjoni ta' aspetti il-kawżi ewlenin tal-migrazzjoni jew l-ugwaljanza bejn is-sessi fil-kunsens il-ġdid. Huma ssottolinjaw ukoll l-importanza li jissaħħu r-rabtiet bejn l-iżvilupp u l-għajnuna umanitarja. Il-ministru saħqu wkoll fuq il-ħtieġa ta' kooperazzjoni b'saħħitha mas-soċjetà ċivili u l-atturi privati.

"L-Unjoni Ewropea ilha fuq quddiem nett fit-tiswir tal-kunsens internazzjonali għall-Aġenda 2030 u se nibqgħu punt ta' riferiment qawwi għad-dinja kollha fl-implimentazzjoni tal-għanijiet ta’ żvilupp sostenibbli."

Federica Mogherini, Rappreżentant Għoli għall-Affarijiet Barranin u l-Politika ta' Sigurtà.

Ir-relazzjonijiet bejn l-UE u l-AKP wara l-2020

Il-ministri kellhom skambju ta' fehmiet dwar ir-relazzjonijiet futuri bejn l-UE u l-pajjiżi Afrikani, tal-Karibew u tal-Paċifiku (AKP), fid-dawl tal-iskadenza tal-Ftehim ta' Cotonou fl-2020. Id-diskussjoni seħħet abbażi ta' komunikazzjoni konġunta mill-Kummissjoni Ewropea u r-Rappreżentant Għoli, u ffokat fuq in-natura, l-istruttura u l-estensjoni possibbli tar-relazzjonijiet futuri.

Migrazzjoni u żvilupp

Il-ministri ddiskutew is-segwitu għas-summit tal-Belt Valletta sena wara li sar, bil-ħsieb tal-laqgħa tal-uffiċjali għolja li jmiss fil-Belt Valletta, prevista fit-8 u d-9 ta' Frar 2017. Ir-Rappreżentant Għoli aġġornat lill-ministri dwar il-progress li sar fl-istabbiliment tal-approċċ dwar il-qafas għas-sħubija u l-ftehimiet speċifiċi għall-pajjiżi.

• It-tiftix ta’ soluzzjonijiet għal pressjonijiet migratorji (informazzjoni ġenerali)