- Kunsill Affarijiet Barranin
Kunsill Affarijiet Barranin, 19/05/2017, 19 ta' Mejju 2017
Riżultati ewlenin
"Aħna nemmnu li l-investiment fl-iżvilupp, fiż-żamma tal-paċi, fl-għajnuna umanitarja, fit-tibdil tal-klima huwa parti essenzjali tal-politika barranija u ta' sigurtà tagħna"
Federica Mogherini, Rappreżentant Għoli għall-affarijiet barranin u l-politika ta' sigurtà.
Il-kunsens Ewropew għall-iżvilupp
Il-Kunsill adotta kunsens Ewropew ġdid għall-iżvilupp, fil-forma ta’ dikjarazzjoni konġunta mill-Parlament, il-Kunsill u l-Kummissjoni, li tistabbilixxi qafas ġdid għall-kooperazzjoni għall-iżvilupp għall-UE u l-istati membri tagħha.
Il-kunsens Ewropew ġdid għall-iżvilupp huwa t-tweġiba tal-UE għall-aġenda 2030 tan-NU għall-iżvilupp sostenibbli u objettiv ewlieni tal-UE fil-livell tan-NU. Huwa jistabbilixxi l-prinċipji ewlenin li ser jiggwidaw l-approċċ tal-UE u l-istati membri għall-kooperazzjoni mal-pajjiżi fil-fażi tal-iżvilupp kollha tul il-15-il sena li ġejjin, kif ukoll strateġija biex jintlaħqu l-għanijiet ta’ żvilupp sostenibbli (SDGs).
Kriżijiet umanitarji
Il-ministri iddiskutew kif għandha tiġi indirizzata s-sitwazzjoni umanitarja li qed tiddeterjora fl-Afrika, fil-Jemen u fis-Sirja. Dawk ir-reġjuni attwalment qegħdin jiffaċċjaw kriżijiet kbar ikkawżati minn konflitti fil-Grigal tan-Niġerja, is-Sudan t’Isfel, il-Jemen u s-Sirja, u min-nixfa fis-Somalja u sa ċertu punt f’partijiet tal-Kenja u l-Etjopja. Il-kriżijiet taw lok għal devastazzjoni mifruxa u spostament tal-popolazzjoni, nuqqas serju ta' sigurtà tal-ikel u n-nutriment u nuqqas ta’ kura tas-saħħa essenzjali.
Fid-dawl tar-riskji ppreżentati minn din is-sitwazzjoni, il-ministri ddiskutew l-għażliet possibbli sabiex jiġu indirizzati l-ħtiġijiet umanitarji l-aktar urġenti u biex jiġi evitat li l-kriżijiet jikbru aktar. Huma enfasizzaw l-importanza ta’ soluzzjonijiet diplomatiċi u politiċi biex jappoġġaw il-paċi u s-sigurtà.
Eżaminaw ukoll modi biex tittejjeb il-koordinazzjoni bejn strumenti tal-għajnuna umanitarja u l-għajnuna għall-iżvilupp u inizjattivi konġunti effettivi taż-żewġ oqsma. Huma adottaw konklużjonijiet li jindirizzaw din il-kwistjoni.
Ir-relazzjonijiet bejn l-UE u l-AKP wara l-2020
Il-ministri kellhom skambju ta' fehmiet dwar ir-relazzjonijiet futuri bejn l-UE u l-pajjiżi Afrikani, tal-Karibew u tal-Paċifiku (AKP), fid-dawl tal-iskadenza tal-Ftehim ta' Cotonou fl-2020.
Id-diskussjoni saret abbażi ta' komunikazzjoni konġunta mill-Kummissjoni Ewropea u r-Rappreżentant Għoli Federica Mogherini, adottata fit-22 ta' Novembru 2016, b'mod partikolari dwar l-għażliet proposti fuq it-tliet aspetti ewlenin: l-istruttura tar-relazzjoni futura, in-natura tal-qbil possibbli, u l-kopertura ġeografika.
Dokumenti tal-laqgħat
Dokumenti ta' tħejjija
Dokumenti ta' eżitu
Stqarrijiet għall-istampa
Konklużjonijiet tal-Kunsill dwar il-katini ta' valur tal-ilbies sostenibbli - 19/05/2017
Konklużjonijiet tal-Kunsill dwar ir-rapport annwali tal-2017 dwar il-miri tal-UE ta' għajnuna għall-iżvilupp - 19/05/2017
Konklużjonijiet tal-Kunsill dwar l-operazzjonalizzazzjoni tar-rabta bejn l-aspett umanitarju u l-iżvilupp - 19/05/2017
Il-Kunsill jadotta kunsens Ewropew ġdid għall-iżvilupp - 19/05/2017
Tagħrif għall-istampa
Kuntatti għall-istampa
-
Maria Daniela Lenzu Press officer
- +32 470 88 04 02
- +32 2 281 21 46
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #FAC
Ritratti u filmati
Laqgħat oħra: Kunsill Affarijiet Barranin
Laqgħat li seħħew
L-aħħar reviżjoni: 16 ta' Jannar 2025