"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Affarijiet Barranin

Vidjokonferenza tal-ministri għall-kummerċ, 9 ta' Novembru 2020

Ir-riżultati ewlenin

Ir-relazzjonijiet dwar il-kummerċ mal-Istati Uniti

Il-ministri evalwaw l-elezzjonijiet tal-Istati Uniti u ssottolinjaw l-importanza tar-relazzjonijiet trans-Atlantiċi biex jiġu indirizzati l-isfidi ta' żminijietna, speċjalment fil-kuntest tal-kriżi attwali tal-COVID-19. Minkejja xi tensjonijiet li għaddejjin fir-relazzjonijiet kummerċjali bilaterali, il-kooperazzjoni transatlantika hija u ser tkompli tkun kruċjali.

Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija
Aħna nibqgħu impenjati bis-sħiħ biex navvanzaw aġenda kummerċjali pożittiva mal-Istati Uniti, li ser tkompli tkun sieħeb indispensabbli biex niffaċċaw sfidi bħall-COVID-19, il-kriżi tas-sistema kummerċjali multilaterali, it-tibdil fil-klima u l-kummerċ internazzjonali u kwistjonijiet teknoloġiċi. Jeħtieġ li naħdmu flimkien biex insolvu t-tilwim bilaterali pendenti.
Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija
Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija

Waqt il-konferenza l-Kummissjoni rrappurtat dwar is-sitwazzjoni attwali tal-miżuri ta' salvagwardja tal-azzar tal-UE.

Reviżjoni tal-Politika Kummerċjali u prospettiva għad-WTO

Il-ministri kellhom diskussjoni dwar ir-Reviżjoni tal-Politika Kummerċjali fil-kuntest tal-proċess ta' konsultazzjoni mniedi mill-Kummissjoni Ewropea f'Ġunju dwar il-politika futura tal-UE dwar il-kummerċ u l-investiment. L-objettiv ta' din il-konsultazzjoni, li ser tibqa' għaddejja sal-15 ta' Novembru, huwa li tara kif il-politika kummerċjali tista' tgħin fl-irkupru mill-kriżi tal-COVID-19 u tappoġġa t-tranżizzjonijiet ekoloġiċi u diġitali lejn UE aktar b'saħħitha u reżiljenti. L-eżitu tal-konsultazzjoni li għaddejja ser jikkontribwixxi għal Komunikazzjoni tal-Kummissjoni li x'aktarx tistabbilixxi d-direzzjoni għall-politika tal-UE dwar il-kummerċ u l-investiment għall-ħames snin li ġejjin, li x'aktarx ma tinħariġx qabel Jannar 2021. Il-Kummissjoni offriet aġġornament dwar is-sitwazzjoni attwali tal-proċess.

Il-ministri taw attenzjoni speċjali lir-riforma tal-Organizzazzjoni Dinjija tal-Kummerċ. Bl-elezzjoni tad-Direttur Ġenerali l-ġdid li għadha miftuħa, il-Kummissjoni stabbiliet il-viżjoni u l-pjan direzzjonali tagħha għar-riforma tad-WTO. Skont il-Kummissjoni, jista' jintlaħaq progress sostantiv fit-12-il Konferenza Ministerjali tad-WTO (MC12) madwar xi kwistjonijiet bħas-sussidji tas-sajd, l-Inizjattivi tad-Dikjarazzjoni Konġunta u l-inizjattivi l-aktar reċenti inkluż dwar il-kummerċ u s-saħħa u l-kummerċ u l-ambjent. Diversi ministri appellaw lill-Kummissjoni Ewropea biex tinkludi l-ugwaljanza bejn il-ġeneri u t-tisħiħ tal-pożizzjoni ekonomika tan-nisa fir-Reviżjoni tal-Politika Kummerċjali li ser iwassal għal strateġija riveduta tal-UE.

Irridu nkomplu naħdmu għal riforma komprensiva tas-sistema tad-WTO, li qed tiffaċċa sfidi serji li jikkompromettu l-kapaċità tagħha li tiffunzjona b'mod effettiv, inkluż il-Korp tal-Appell tagħha. Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija

Relazzjonijiet kummerċjali maċ-Ċina

Il-ministri kellhom diskussjoni dwar ir-relazzjonijiet kummerċjali tal-UE maċ-Ċina b'enfasi partikolari fuq il-Ftehim Komprensiv dwar l-Investiment (CAI) li jindirizza l-assimetriji attwali fl-aċċess għas-suq. Il-Kummissjoni rrappurtat dwar l-istat attwali tan-negozjati u tal-kuntatti dwar l-aċċess għas-suq u l-iżvilupp sostenibbli.

Il-ministri ssottolinjaw il-ħtieġa li jkomplu javvanzaw id-diskussjonijiet rigward il-Ftehim Komprensiv dwar l-Investiment bil-għan li jiġu konklużi n-negozjati fl-2020 u li jinkiseb ambjent tan-negozju miftuħ, ġust u trasparenti għall-investituri tal-UE fiċ-Ċina.

Din id-diskussjoni segwiet il-Kunsill Ewropew tal-1 u t-2 ta' Ottubru 2020, fejn il-mexxejja tal-UE fil-konklużjonijiet tagħhom enfasizzaw il-ħtieġa li r-relazzjoni ekonomika tiġi bbilanċjata mill-ġdid u li tinkiseb ir-reċiproċità. Huma fakkru wkoll li l-għan huwa li jiġu ffinalizzati n-negozjati dwar is-CAI sal-aħħar tas-sena. Dan il-ftehim ser jikkontribwixxi għal kondizzjonijiet ekwivalenti ta' kompetizzjoni u jistabbilixxi impenji sinifikanti dwar l-iżvilupp sostenibbli. Il-Kunsill Ewropew appella wkoll liċ-Ċina biex tindirizza l-ostakli għall-aċċess għas-suq, biex tittratta l-kapaċità żejda u biex tidħol f'negozjati dwar sussidji industrijali fl-Organizzazzjoni Dinjija tal-Kummerċ.

Dokumenti tal-laqgħat

Dokumenti ta' tħejjija

Dokumenti ta' eżitu

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Affarijiet Barranin

Ara laqgħat oħrajn

L-aħħar reviżjoni: 5 ta' Frar 2025