"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin (Żvilupp), 19 ta' Novembru 2021
Riżultati ewlenin
Il-ministri tal-UE għall-iżvilupp ġew aġġornati dwar ir-rispons tal-UE għall-aħħar żviluppi fl-Afganistan, l-Etjopja u s-Sudan u ddiskutew l-implikazzjonijiet li s-sitwazzjoni politika għandha fuq l-għajnuna tal-UE għall-iżvilupp.
Imbagħad il-ministri kellhom skambju informali ta' fehmiet mal-Amministratur tal-Aġenzija tal-Istati Uniti għall-Iżvilupp Internazzjonali (USAID), Samantha Power.
It-tmexxija globali magħquda tagħna hija ċertament meħtieġa ħafna, illum aktar minn qatt qabel, biex niffaċċjaw l-isfidi tal-iżvilupp fid-dinja. Qbilna li naħdmu flimkien biex intemmu l-pandemija tal-COVID-19 kullimkien u għal kulħadd. Huwa ċar li jeħtieġ li nibnu fuq is-Summit Globali dwar il-COVID-19 biex niżguraw li nilħqu l-objettiv konġunt tagħna ta' rata 70% fit-tilqim globali sal-Assemblea Ġenerali tan-Nazzjonijiet Uniti tas-sena d-dieħla.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Matul l-iskambju informali mal-Amministratur tal-USAID Samantha Power, il-ministri tal-UE indirizzaw id-distakk dejjem jikber ta' tilqim bejn il-pajjiżi żviluppati u dawk li qed jiżviluppaw.
L-istati membri appoġġaw l-idea li Dr. Chrysoula Zacharopoulou, rappreżentanta tal-UE fil-COVAX u kopresident tal-Kunsill tal-Azzjonisti tal-Faċilità COVAX, tkun il-persuna ċentrali biex tissaħħaħ il-koordinazzjoni fost l-istati membri tal-UE u jiġu aċċellerati l-isforzi, speċjalment fl-Afrika.
Filwaqt li jibnu fuq l-impenn konġunt biex tiġi indirizzata l-kriżi klimatika permezz tal-iżvilupp tal-infrastruttura li l-UE u l-Istati Uniti kkonfermaw fis-summit tal-15 ta' Ġunju, il-ministri tal-UE għall-iżvilupp u l-Amministratur tal-USAID Samantha Power iddiskutew il-ħtieġa li jiġu identifikati proġetti konkreti għal kooperazzjoni aktar mill-qrib.
Il-Kunsill imbagħad iddiskuta l-isfidi u l-opportunitajiet relatati mal-ġestjoni tal-ilma. Il-fokus tad-diskussjoni kien fuq l-Asja Ċentrali, fejn l-iskarsezza tal-ilma hija sfida ġeopolitika, u s-sors ta' instabilità u pressjonijiet migratorji.
Bħala multiplikatur tat-theddid, l-ilma għandu jkun parti mill-politika barranija tal-UE. L-UE ser taġixxi flimkien u fi sħubija mar-reġjuni milquta ħafna mit-tibdil fil-klima, bħall-Asja Ċentrali, biex tindirizza l-interkonnessjoni bejn il-ġestjoni tal-ilma, l-enerġija u t-tibdil fil-klima.
Il-Kunsill iddiskuta wkoll l-Inizjattiva proposta tat-Tim Ewropa dwar l-ilma, l-enerġija u l-klima fl-Asja Ċentrali, qabel is-17-il laqgħa ministerjali UE-Asja Ċentrali skedata li ssir f'Dushanbe (it-Taġikistan) f'Ġunju 2022.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-tmexxija globali magħquda tagħna hija ċertament meħtieġa ħafna, illum aktar minn qatt qabel, biex niffaċċjaw l-isfidi tal-iżvilupp fid-dinja. Qbilna li naħdmu flimkien biex intemmu l-pandemija tal-COVID-19 kullimkien u għal kulħadd. Huwa ċar li jeħtieġ li nibnu fuq is-Summit Globali dwar il-COVID-19 biex niżguraw li nilħqu l-objettiv konġunt tagħna ta' rata 70% fit-tilqim globali sal-Assemblea Ġenerali tan-Nazzjonijiet Uniti tas-sena d-dieħla.