Kunsill Affarijiet Barranin, 13 ta' Lulju 2026

Punti Ewlenin fuq l-Aġenda

Il-Kunsill Affarijiet Barranin li jmiss ser isir fi Brussell u ser ikun ippresedut mir-Rappreżentant Għoli tal-UE għall-Affarijiet Barranin u l-Politika ta' Sigurtà, Kaja Kallas.

Il-gwerra ta' aggressjoni tar-Russja kontra l-Ukrajna

Il-ministri għall-affarijiet barranin tal-UE ser jiddiskutu l-gwerra ta' aggressjoni tar-Russja kontra l-Ukrajna, wara skambju ta' fehmiet informali fil-preżenza tal-Ministru għall-Affarijiet Barranin tal-Ukrajna Andrii Sybiha.

• Il-gwerra tar-Russja kontra l-Ukrajna (informazzjoni ġenerali)
• Appoġġ militari tal-UE għall-Ukrajna (informazzjoni ġenerali)
• Solidarjetà tal-UE mal-Ukrajna (informazzjoni ġenerali)

Is-sitwazzjoni fil-Lvant Nofsani

Il-Kunsill ser jiddiskuti wkoll is-sitwazzjoni fil-Lvant Nofsani fid-dawl tal-aħħar żviluppi fl-Iran, b'mod partikolari l-memorandum ta' qbil bejn l-Istati Uniti u l-Iran bl-għan li jintemmu l-ostilitajiet. Il-ministri ser ikollhom aktar skambju ta' fehmiet dwar Gaża u x-Xatt tal-Punent, inkluż dwar għażliet għal aktar miżuri relatati mal-kummerċ, kif ukoll dwar is-sitwazzjoni kritika fil-Libanu.

• Konklużjonijiet tal-Kunsill Ewropew (19 ta' Ġunju 2026)
• Il-pożizzjoni tal-UE dwar is-sitwazzjoni fil-Lvant Nofsani (informazzjoni ġenerali)
• Kronoloġija - l-Iran u l-Lvant Nofsani (informazzjoni ġenerali)
• Sanzjonijiet tal-UE kontra l-Iran (informazzjoni ġenerali)

Il-Baħar l-Iswed

Sena wara t-tnedija tal-approċċ strateġiku tal-Baħar l-Iswed, il-Kunsill ser jirrevedi l-implimentazzjoni tiegħu u jiddiskuti proposti għat-triq 'il quddiem.

• Approċċ strateġiku tal-UE għar-reġjun tal-Baħar l-Iswed
• Konklużjonijiet tal-Kopresidenti dwar it-Tisħiħ tas-Sigurtà u l-Konnettività Transreġjonali (stqarrija għall-istampa, 20 ta' Ottubru 2025)

Fil-marġini tal-laqgħa

Qabel il-bidu tal-Kunsill, il-ministri tal-UE ser jiġu mistiedna għal kolazzjon informali dwar id-detenuti ċivili tal-Ukrajna.

Il-Forum ta' Livell Għoli bejn l-UE u l-Kunsill ta' Kooperazzjoni tal-Golf (GCC) dwar is-sigurtà u l-kooperazzjoni reġjonali ser isir matul il-waqfa għall-ikla ta' nofsinhar.