"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri għall-affarijiet barranin tal-UE qasmu l-fehmiet tagħhom waqt il-kolazzjon mal-Ministru għall-Affarijiet Barranin tal-Armenja, Ararat Mirzoyan. Id-diskussjoni informali saret fuq l-isfond tal-elezzjonijiet parlamentari tas-7 ta' Ġunju u ffukat fuq l-eżitu tagħhom fost interferenza Russa bla preċedent u attakki ibridi persistenti.
L-elezzjonijiet wasslu messaġġ ċar: il-poplu tal-Armenja vvota għall-paċi, is-sovranità, u rabtiet aktar mill-qrib mal-Ewropa. Il-pressjoni qawwija u l-koerċizzjoni ekonomika tar-Russja naqsu milli jinfluwenzaw il-vot.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Il-ministri ddiskutew aktar modi kif jiġu appoġġati r-reżiljenza tal-Armenja, il-perkors demokratiku tagħha u d-diversifikazzjoni ekonomika. Ir-Rappreżentant Għoli tal-UE saħqet li l-UE diġà qed taħdem fuq pakkett kbir ta' appoġġ ekonomiku biex tgħin lill-Armenja tirreżisti r-restrizzjonijiet kummerċjali inġusti tar-Russja, u li l-missjoni l-ġdida ta' sħubija tal-UE fl-Armenja dalwaqt ser titnieda.
Il-gwerra ta' aggressjoni tar-Russja kontra l-Ukrajna
Il-Kunsill iddiskuta l-gwerra ta' aggressjoni tar-Russja kontra l-Ukrajna, wara skambju ta' fehmiet informali mal-Ministru għall-Affarijiet Barranin tal-Ukrajna Andrii Sybiha. Il-ministru Ukren - li kien konness permezz ta' vidjokonferenza -offra ħarsa ġenerali lejn is-sitwazzjoni fuq il-post, il-ħtiġijiet l-aktar urġenti tal-Ukrajna, u aġġornament dwar l-attakk Russu matul il-lejl, inkluż fuq il-katidral ta' Kyiv-Pechersk Lavra, wieħed mill-aktar siti reliġjużi sinifikanti tal-pajjiż u Wirt Dinji tal-UNESCO.
Id-diskussjoni ministerjali li segwiet uriet li l-ministri tal-UE kienu magħqudin fir-rieda tagħhom li jkomplu jappoġġaw lill-Ukrajna u jżidu l-pressjoni fuq ir-Russja.
Is-sanzjonijiet tal-Punent diġà swew lir-Russja madwar €1.3 triljun. Dawn l-euro ma jintefqux fuq il-gwerra li għaddejja kontra l-Ukrajna. Żieda fil-pressjoni tfisser ukoll l-iżolament tar-Russja internazzjonalment. Waqt li r-Russja titfa' bombi fuq il-katedrali, l-Ewropa ma għandhiex tifrex it-tapit l-aħmar għall-artisti u l-atleti Russi li jappoġġaw il-gwerra tal-Kremlin. Il-kultura u l-isport ma għandhomx ikunu għodda li tinnormalizza l-aggressjoni.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Fid-dawl tal-azzjonijiet Russi mmirati biex jiddestabbilizzaw, idgħajfu jew jheddu s-sovranità u l-indipendenza tar-Repubblika tal-Moldova, inkluż azzjonijiet immirati biex jimminaw il-proċessi demokratiċi tagħha, illum il-Kunsill iddeċieda li jimponi miżuri restrittivi kontra sitt individwi.Il-Kunsill adotta 81 elenkar tematiku addizzjonali - 34 individwu u 47 entità - immirati lejn il-kumpless militari industrijali tar-Russja, id-dħul mill-enerġija, l-isforzi ta' propaganda u l-ksur tad-drittijiet tal-bniedem.
Il-ministri ttrattaw ukoll il-21 pakkett ta' sanzjonijiet li għadu kif ġie propost kontra r-Russja, u qablu li l-ħidma fuqu trid tavvanza malajr.
Il-punt li jmiss fuq l-aġenda ffoka fuq is-sitwazzjoni fil-Lvant Nofsani fid-dawl tal-aħħar żviluppi fir-reġjun.
Iran
Il-Kunsill ħa nota tal-ftehim qafas imħabbar reċentement bejn l-Istati Uniti u l-Iranbiex il-waqfien mill-ġlied attwali jiġi estiż b'60 jum u tiġi restawrata l-libertà tan-navigazzjoni fl-Istrett ta' Hormuz, li għandu jibqa' miftuħ u mingħajr ħlas. Enfasizza wkoll il-ħtieġa ta' aktar ħidma fuq it-trażżin tal-programmi nukleari u tal-missili ballistiċi tal-Iran.
It-tħabbira mill-Istati Uniti u l-Iran ta' ftehim biex tintemm il-gwerra u jerġa' jinfetaħ l-Istrett ta' Hormuz timmarka progress importanti potenzjali. Dan jista' jagħti spazju tant meħtieġ għal negozjati aktar profondi dwar il-programm nukleari tal-Iran u kwistjonijiet kritiċi oħra. L-aktar fażi iebsa tat-taħditiet għadha ġejja.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Il-ministri għall-affarijiet barranin tal-UE evalwaw ukoll il-kuntatt u l-koordinazzjoni ma' pajjiżi sħab, inkluż iż-żjara reċenti tar-Rappreżentant Għoli fil-Pakistan u l-kuntatti mal-pajjiżi tal-Golf. F'dan il-kuntest ir-Rappreżentant Għoli enfasizzat li, minn ingranaġġ ekonomiku għal għarfien espert nukleari, l-UE tinsab lesta li tikkontribwixxi għal riżoluzzjoni sostenibbli.
Il-Kunsill iddiskuta s-sitwazzjoni umanitarja mwiegħra fil-Libanu, fost l-ostilitajiet li għadhom għaddejjin bejn Iżrael u l-Hezbollah, u kellu skambju ta' fehmiet dwar l-appoġġ tal-UE għal-Libanu u l-poplu tiegħu, inkluż permezz tal-miżura ta' assistenza bilaterali adottata reċentement għall-Forzi Armati Libaniżi taħt il-Faċilità Ewropea għall-Paċi (EPF) b'valur ta' € 100 miljun.
Il-ministri enfasizzaw ukoll l-importanza li jiġu ggarantiti s-sovranità u l-integrità territorjali tal-Libanu u ddiskutew il-possibbiltà ta' involviment imsaħħaħ tal-UE fil-pajjiż, inkluż permezz ta' missjoni tal-PSDK iddedikatafil-futur.
Il-Kunsill kellu skambju ta' fehmiet dwar Iżrael u l-Palestina. Il-ministri esprimew it-tħassib serju tagħhom dwar is-sitwazzjoni umanitarja kritika f'Gaża, filwaqt li enfasizzaw il-ħtieġa li jiġi żgurat aċċess għall-għajnuna umanitarja, u ttrattaw l-appoġġ tal-UE għall-proċess ta' riforma tal-Awtorità Palestinjana qabel il-Grupp ta' Donaturi għall-Palestina f'Lulju.
Il-ministri ddiskutew ukoll is-sitwazzjoni li qed tiddeterjora fix-Xatt tal-Punent, b'mod partikolari l-vjolenza li qed tikber u l-espansjoni tal-insedjamenti illegali Iżraeljani. Wara l-adozzjoni ta' miżuri restrittivi addizzjonali kontra l-abitanti estremisti Iżraeljani tal-insedjamenti u l-figuri ewlenin tal-Ħamas fit-28 ta' Mejju 2026, il-Kunsill kellu wkoll skambju dwar aktar għażliet ta' politika, inkluż elenkar ġdid u miżuri relatati mal-kummerċ.
Waqt l-ikla ta' nofsinhar, il-ministri għall-affarijiet barranin tal-UE ddiskutew is-sitwazzjoni attwali tar-relazzjonijiet bejn l-Unjoni Ewropea u ċ-Ċina fl-isfond tal-iżviluppi ġeopolitiċi attwali. L-iskambju fil-KAB iffoka fuq aspetti barranin u ta' sigurtà, qabel il-Kunsill Ewropew tat-18 u d-19 ta' Ġunju 2026.
Minn sussidji distorsivi, żbilanċi kummerċjali dejjem akbar, u kważi monopolju ta' materja prima kritika, il-lista ta' kwistjonijiet għadha twila. It-tnaqqis tad-dipendenzi maċ-Ċina mhux ser ikun faċli jew irħis, iżda huwa meħtieġ u urġenti.
Kaja Kallas, Rappreżentant Għoli għall-Affarijiet Barranin u l-Politika ta' Sigurtà u President tal-Kunsill Affarijiet Barranin
Fir-rigward tal-aspetti barranin, ir-Rappreżentant Għoli enfasizzat li Beijing tibqa' faċilitatur deċiżiv tal-gwerra tar-Russja kontra l-Ukrajna u li l-UE qed tivvaluta bir-reqqa rapporti ġodda u vverifikati li skonthom il-militar Ċiniż kien qed iħarreġ lill-persunal militari Russu biex jiġġieled fl-Ukrajna.
Il-Kunsill iddiskuta wkoll kif għandhom jiġu miġġielda l-attivitajiet ta' diżinformazzjoni taċ-Ċina u jissaħħu l-ktajjen tal-provvista tad-difiża Ewropej.
Dwar ir-reġjun Indo-Paċifiku, il-ministri tal-UE affermaw mill-ġdid li l-Konvenzjoni tan-Nazzjonijiet Uniti dwar il-Liġi tal-Baħar tiddefinixxi b'mod ċar l-imġiba legali u sservi bħala pedament għas-sigurtà fir-reġjun.
Taħt ġrajjiet kurrenti, il-Kunsill indirizza l-proċess tal-ħatra ta' Rappreżentant Għoli ġdid għall-Bożnija-Ħerzegovina.
Il-ministri ġew aġġornati wkoll dwar iż-żieda mill-ġdid tal-marda tal-virus tal-Ebola fir-reġjun ta' Kivu tar-Repubblika Demokratika tal-Kongo.
Affarijiet oħra u deċiżjonijiet oħra
Taħt affarijiet oħra:
il-Polonja infurmat lill-ministri dwar il-White Paper reċenti dwar Atti Russi ta' Sabotaġġ u Sovverżjoni kontra Membri tal-Kunsill tal-Istati tal-Baħar Baltiku
ir-Rumanija infurmat lill-istati membri dwar il-prijoritajiet tal-Presidenza Rumena li jmiss tal-Proċess ta' Kooperazzjoni fix-Xlokk tal-Ewropa (SEECP)
ir-Rumanija u l-Bulgarija infurmaw lill-kontropartijiet tagħhom dwar il-Hub għas-Sigurtà Marittima tal-Baħar l-Iswed
Fid-dawl tal-operazzjonijiet iffinanzjati mir-Russja bl-għan li jfixklu l-elezzjonijiet parlamentari ta' Settembru 2025 fir-Repubblika tal-Moldova, illum il-Kunsill iddeċieda li jimponi miżuri restrittivi kontrasitt individwi.
Il-Kunsill ikkonkluda formalment il-ftehim bejn l-UE u l-Kanada, u b'hekk il-Kanada saret l-ewwel pajjiż mhux Ewropewli jipparteċipa fl-istrumentta' akkwist SAFE.
Illum il-Kunsill adotta wkoll konklużjonijiet dwar il-Global Gateway, li affermawha mill-ġdid bħala l-istrateġija tal-Unjoni Ewropea għal investiment mad-dinja kollha għall-bini ta' sħubijiet ta' benefiċċju reċiproku u għall-mobilizzazzjoni tar-riżorsi pubbliċi u privati biex jitneħħa d-distakk globali fl-investiment.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
