- Kunsill Affarijiet Ġenerali
Kunsill Affarijiet Ġenerali, 20/03/2018, 20 ta' Marzu 2018
Riżultati prinċipali
Kunsill Ewropew tar-rebbiegħa
Il-Kunsill iffinalizza t-tħejjijiet għall-Kunsill Ewropew ta' Marzu billi ddiskuta l-abbozz tal-konklużjonijiet.
Il-Kunsill Ewropew ser jiffoka fuq:
- impjiegi, tkabbir u kompetittività: Il-mexxejja tal-UE ser jadottaw konklużjonijiet dwar is-suq uniku, is-Semestru Ewropew 2018 u kwistjonijiet soċjali, b'mod partikolari l-implimentazzjoni tal-Pilastru Ewropew tad-Drittijiet Soċjali u l-inizjattivi ppreżentati mill-Kummissjoni taħt il-pakkett dwar il-ġustizzja soċjali
- kummerċ: il-Kunsill Ewropew ser jindirizza s-sitwazzjoni attwali fi kwistjonijiet kummerċjali
- relazzjonijiet esterni: fl-isfond tal-Istrateġija tal-Kummissjoni dwar il-Balkani tal-Punent, il-Kunsill Ewropew ser jadotta konklużjonijiet dwar il-Balkani tal-Punent bi tħejjija għas-summit ta' Mejju f'Sofija; il-mexxejja huma mistennija wkoll jiddiskutu l-iżviluppi reċenti fir-relazzjonijiet mat-Turkija, kif ukoll l-attakk reċenti fir-Renju Unit fuq Sergei u Yulia Skripal
- tassazzjoni: bħala parti mill-Aġenda tal-Mexxejja, il-mexxejja tal-UE ser ikollhom dibattitu dwar it-tassazzjoni, b'mod partikolari fl-ekonomija diġitali
Semestru Ewropew
Il-Kunsill eżamina rapport tal-presidenza li jippreżenta fil-qasir il-kontributi tal-konfigurazzjonijiet tal-Kunsill dwar il-pakkett tas-semestru Ewropew 2018. L-ekonomija Ewropea qed tkompli tissaħħaħ hekk kif tkompli t-transizzjoni minn irkupru ekonomiku għal espansjoni ekonomika. Minkejja dan xorta għadu essenzjali li tittieħed azzjoni ulterjuri biex jinħolqu l-impjiegi u jinkiseb tkabbir sostenibbli fit-tul.
Il-Kunsill qabel ukoll li jippreżenta abbozz ta' rakkomandazzjoni lill-Kunsill Ewropew fejn l-istati membri taż-żona tal-euro jiġu mistiedna jimplimentaw politiki li jkollhom l-għan li jagħtu spinta lit-tkabbir ekonomiku fl-2018-2019.
Stat tad-dritt
Taħt affarijiet oħra, il-Kummissjoni aġġornat lill-Kunsill dwar id-djalogu tagħha mal-awtoritajiet Pollakki dwar l-istat tad-dritt fil-Polonja.
Qorti multilaterali tal-investiment
Il-Kunsill adotta mingħajr diskussjoni d-direttivi ta’ negozjati li jawtorizzaw lill-Kummissjoni tinnegozja, f’isem l-UE, konvenzjoni li tistabbilixxi qorti multilaterali għas-soluzzjoni ta’ tilwim dwar l-investiment. Il-Kunsill iddeċieda wkoll li jagħmel pubbliċi d-direttivi ta' negozjati.
Data għall-elezzjonijiet tal-PE fl-2019
Il-Kunsill iddeċieda mingħajr diskussjoni li jikkonsulta lill-Parlament Ewropew dwar l-istipular tat-23-26 ta' Mejju bħala d-dati għall-elezzjonijiet tal-Parlament Ewropew fl-2019.
Dokumenti tal-laqgħat
Dokumenti ta' tħejjija
- Programm indikattiv, Kunsill Affarijiet Ġenerali, 20 ta' Marzu 2018
- Aġenda proviżorja, Kunsill Affarijiet Ġenerali, 20 ta’ Marzu 2018
- Lista ta’ punti A, attivitajiet leġislattivi, Kunsill Affarijiet Ġenerali, 20 ta’ Marzu 2018
- Lista ta' punti A, attivitajiet mhux leġislattivi, Kunsill Affarijiet Ġenerali, 20 ta' Marzu 2018
- Nota ta' informazzjoni
Dokumenti ta' eżitu
Stqarrijiet għall-istampa
Tagħrif għall-istampa
Kuntatti għall-istampa
-
Dimosthenis Mammonas Press officer
- +32 477 61 20 77
- +32 2 281 2504
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #GAC
Ritratti u filmati
Laqgħat oħra: Kunsill Affarijiet Ġenerali
Laqgħat li seħħew
L-aħħar reviżjoni: 8 ta' Jannar 2025