"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri kellhom diskussjoni inizjali dwar is-sustanza tal-proposti tar-rapport finali tal-Konferenza dwar il-Futur tal-Ewropa, ibbażata b'mod partikolari fuq l-analiżi mwettqa mis-Segretarjat Ġenerali tal-Kunsill. Il-Kummissjoni ppreżentat ukoll il-komunikazzjoni tagħha f'dan ir-rigward.
Dan ir-rapport finali, li ġie ppreżentat lit-tliet kopresidenti tal-Konferenza dwar il-Futur tal-Ewropa fiċ-ċerimonja tal-għeluq tal-Konferenza fid-9 ta' Mejju, jinkludi 49 proposta maqsuma fi 326 miżura. Il-ħidma ser tkompli tistabbilixxi l-arranġamenti prattiċi għall-implimentazzjoni ta' dawn il-proposti.
Matul perjodu ta' sena, il-Konferenza dwar il-Futur tal-Ewropa mmobilizzat lil ċittadini Ewropej għal eżerċizzju bla preċedent ta' konsultazzjonijiet u riflessjonijiet. Il-proposti li rriżultaw minn dan l-eżerċizzju jistħoqqilhom rispons. Illum għamilna l-ewwel pass f'din id-direzzjoni.
Clément Beaune, ministru delegat għall-Ewropa
Fiċ-ċerimonja tal-għeluq fid-9 ta' Mejju 2022, il-kopresidenti affermaw mill-ġdid, f'isem kull waħda mill-istituzzjonijiet tagħhom, l-impenn kollettiv li sar fiż-żmien tal-adozzjoni tad-Dikjarazzjoni Konġunta fl-2021 biex jingħata segwitu għall-proposti tal-Konferenza, fil-limiti tal-isfera ta' kompetenza tagħhom stess u f'konformità mat-Trattat.
Il-ministri ħejjew il-laqgħa li jmiss tal-Kunsill Ewropew tat-23 u l-24 ta' Ġunju. F'din il-laqgħa tal-Kunsill Ewropew, il-mexxejja tal-UE ser jiddiskutu d-dimensjonijiet differenti tas-sitwazzjoni kkawżata mill-aggressjoni militari Russa kontra l-Ukrajna. Huma ser jeżaminaw ukoll l-applikazzjonijiet tal-Ukrajna, il-Georgia u l-Moldova biex jissieħbu mal-Unjoni Ewropea u jorganizzaw dibattitu strateġiku dwar ir-relazzjonijiet tal-Unjoni Ewropea mas-sħab tagħha fl-Ewropa. Huma ser jiddiskutu wkoll is-sitwazzjoni ekonomika u s-segwitu għall-proposti li saru mill-Konferenza dwar il-Futur tal-Ewropa.
Il-ministri approvaw ir-rakkomandazzjonijiet speċifiċi għall-pajjiżi tal-2022, li fihom gwida politika speċifika għall-pajjiżi dwar ir-riformi makroekonomiċi, fiskali u baġitarji, u għaddewhom lill-Kunsill Ewropew għall-approvazzjoni.
Is-Semestru Ewropew huwa ċiklu ta' koordinazzjoni tal-politika ekonomika, fiskali, soċjali u tax-xogħol fl-UE. Huwa parti mill-qafas tal-governanza ekonomika tal-Unjoni Ewropea.
Matul is-Semestru Ewropew l-istati membri jallinjaw il-politika baġitarja u ekonomika tagħhom mar-regoli miftiehma fil-livell tal-UE.
F'sessjoni pubblika, il-presidenza tat aġġornament dwar il-ħidma mwettqa mill-bidu tas-semestru dwar il-proposta għal regolament dwar it-trasparenza u l-immirar tar-reklamar politiku u ppreżentat ir-riflessjonijiet tagħha għal aktar ħidma.
Il-proposta għal regolament ġiet ippreżentata mill-Kummissjoni fil-25 ta' Novembru 2021. Dan huwa wieħed miż-żewġ elementi ewlenin tal-pakkett "Demokrazija u integrità tal-elezzjonijiet Ewropej", bir-reviżjoni tar-regolament dwar l-istatut u l-finanzjament tal-partiti politiċi, li għalih il-Kunsill adotta l-mandat tiegħu f'Marzu 2022 fid-dawl tad-diskussjonijiet li jmiss mal-Parlament.
Il-Kunsill approva l-konklużjonijiet dwar ir-reġjuni ultraperiferiċi tal-Unjoni, li jibnu fuq il-komunikazzjoni tal-Kummissjoni "Inpoġġu lin-nies l-ewwel, niżguraw tkabbir sostenibbli u inklużiv, nilliberaw il-potenzjal taż-żoni ultraperiferiċi tal-UE". Din l-istrateġija mġedda għandha l-għan mhux biss li twieġeb għall-isfidi li jiffaċċjaw ir-reġjuni ultraperiferiċi, iżda wkoll li tenfasizza l-assi tagħhom, sabiex tippromwovi l-iżvilupp armonjuż tagħhom.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Matul perjodu ta' sena, il-Konferenza dwar il-Futur tal-Ewropa mmobilizzat lil ċittadini Ewropej għal eżerċizzju bla preċedent ta' konsultazzjonijiet u riflessjonijiet. Il-proposti li rriżultaw minn dan l-eżerċizzju jistħoqqilhom rispons. Illum għamilna l-ewwel pass f'din id-direzzjoni.
