"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill adotta żewġ deċiżjonijiet relatati mal-Qafas ta' Windsor, triq konġunta ġdida 'l quddiem għall-Protokoll dwar l-Irlanda/l-Irlanda ta' Fuq li dwaru l-Kummissjoni u l-gvern tar-Renju Unit laħqu ftehim politiku fil-prinċipju fis-27 ta' Frar 2023.
Id-deċiżjonijiet, li jistabbilixxu l-pożizzjoni tal-UE fil-Kumitat Konġunt u fil-Grupp ta' Ħidma Konsultattiv Konġunt stabbilit skont il-Ftehim dwar il-Ħruġ bejn l-UE u r-Renju Unit, jippermettu lill-UE taqbel mal-elementi ewlenin tal-Qafas ta' Windsor fi ħdan dawn iż-żewġ korpi, u ssarrafhom f'impenji legalment vinkolanti.
L-adozzjoni tal-atti turi l-impenn tal-UE li timplimenta s-soluzzjonijiet konġunti li nstabu biex jiġu indirizzati d-diffikultajiet prattiċi fl-implimentazzjoni tal-Protokoll dwar l-Irlanda/l-Irlanda ta' Fuq fil-post.
Il-ftehim dwar il-Qafas ta' Windsor huwa kisba verament pożittiva qabel il-25 anniversarju tal-Ftehim tal-Ġimgħa l-Kbira. Dan ser ikun ta' benefiċċju għan-nies u għan-negozji fl-Irlanda ta' Fuq u għandu jippermetti lill-UE u lir-Renju Unit jiftħu kapitlu ġdid fir-relazzjonijiet tagħna. L-istati membri jinsabu magħqudin wara l-Kummissjoni Ewropea fl-appoġġ tagħhom għas-soluzzjonijiet maqbula u jistennew b'interess l-implimentazzjoni rapida tagħhom in bona fide.
Jessika Roswall, Ministru għall-Affarijiet tal-UE tal-Iżvezja
Il-Kunsill iddiskuta l-abbozz ta' konklużjonijiet tal-laqgħa tal-Kunsill Ewropew tat-23 u l-24 Marzu 2023.
Fil-laqgħa tiegħu li jmiss, il-Kunsill Ewropew ser jindirizza l-gwerra ta' aggressjoni mir-Russja kontra l-Ukrajna fid-dimensjonijiet kollha tagħha u l-appoġġ kontinwu tal-Unjoni għall-Ukrajna u l-poplu tagħha.
Il-mexxejja tal-UE ser jindirizzaw ukoll il-kompetittività, is-suq uniku u l-ekonomija. Huma ser jiddiskutu l-istrateġija fit-tul tal-Ewropa biex tingħata spinta lill-kompetittività u l-produttività, u kif il-bażi ekonomika, industrijali u teknoloġika tal-UE tista' ssir adatta għat-tranżizzjoni doppja ekoloġika u diġitali. Ser ikollhom ukoll diskussjoni strateġika dwar il-politika kummerċjali tal-UE u jindirizzaw ir-riforma tal-qafas tal-governanza ekonomika tal-UE, kif ukoll is-Semestru Ewropew 2023.
Il-Kunsill Ewropew ser jevalwa wkoll il-progress li sar fl-implimentazzjoni tal-konklużjonijiet tiegħu dwar l-enerġija. Il-presidenza u l-Kummissjoni ser jinfurmaw lill-mexxejja tal-UE dwar il-progress fl-implimentazzjoni tal-konklużjonijiet tal-Kunsill Ewropew ta' Frar dwar il-migrazzjoni.
Il-ministri eżaminaw rapport ta' sinteżi tal-presidenza li jippreżenta fil-qosor il-kontributi tal-konfigurazzjonijiet differenti tal-Kunsill dwar is-Semestru Ewropew 2023.
Il-presidenza ppreżentat pjan direzzjonali aġġornat għas-Semestru Ewropew 2023, li jiddeskrivi l-passi ewlenin taċ-ċiklu tas-Semestru Ewropew 2023.
Il-Kunsill qabel ukoll li jibgħat abbozz ta' rakkomandazzjoni dwar il-politika ekonomika taż-żona tal-euro lill-Kunsill Ewropew għall-approvazzjoni.
Bħala parti mid-djalogu annwali dwar l-istat tad-dritt, il-ministri kellhom diskussjoni speċifika għall-pajjiżi. L-iskambju ta' fehmiet iffoka fuq l-iżviluppi ewlenin fis-Slovakkja, il-Finlandja, il-Belġju, il-Bulgarija u r-Repubblika Ċeka.
Id-diskussjonijiet speċifiċi għall-pajjiżi huma parti mill-impenn li d-djalogu annwali dwar l-istat tad-dritt jissaħħaħ u jsir aktar strutturat, b'rispett sħiħ tal-prinċipji tal-oġġettività, in-nondiskriminazzjoni u t-trattament ugwali tal-istati membri kollha. L-objettiv huwa li jkun hemm skambju kostruttiv u miftuħ ta' kummenti u tal-aħjar prattiki.
Waqt l-ikla ta' nofsinhar, il-ministri kellhom skambju informali mal-Viċi Prim Ministru għall-Integrazzjoni Ewropea u Ewro-Atlantika tal-Ukrajna, Olha Stefanishyna, dwar l-integrazzjoni tal-Ukrajna fl-UE u r-riformi lejn is-sħubija fl-UE.
Il-Kunsill approva wkoll il-punti li jidhru fil-lista ta' punti A mhux leġiżlattivi mingħajr diskussjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-ftehim dwar il-Qafas ta' Windsor huwa kisba verament pożittiva qabel il-25 anniversarju tal-Ftehim tal-Ġimgħa l-Kbira. Dan ser ikun ta' benefiċċju għan-nies u għan-negozji fl-Irlanda ta' Fuq u għandu jippermetti lill-UE u lir-Renju Unit jiftħu kapitlu ġdid fir-relazzjonijiet tagħna. L-istati membri jinsabu magħqudin wara l-Kummissjoni Ewropea fl-appoġġ tagħhom għas-soluzzjonijiet maqbula u jistennew b'interess l-implimentazzjoni rapida tagħhom in bona fide.
