"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill ħejja għall-Kunsill Ewropew straordinarju tad-9 u l-10 ta' Frar 2023 billi ddiskuta l-abbozz ta' konklużjonijiet.
Fil-laqgħa tiegħu, il-Kunsill Ewropew ser jindirizza l-gwerra ta' aggressjoni tar-Russja kontra l-Ukrajna. Id-diskussjoni ser issir wara s-summit UE-Ukrajna fit-3 ta' Frar u kważi sena mill-bidu tal-gwerra fl-24 ta' Frar 2022. Il-mexxejja ser jevalwaw is-sitwazzjoni fuq il-post kif ukoll l-appoġġ multidimensjonali tal-UE u tal-istati membri għall-Ukrajna.
Il-mexxejja ser jindirizzaw ukoll l-aġenda ekonomika. Huma ser jiffukaw fuq il-kapaċità tal-Ewropa li żżomm il-kompetittività globali tagħha u r-rispons immedjat għall-isfidi attwali li qed tiffaċċa l-industrija Ewropea.
Il-Kunsill Ewropew ser jiddiskuti wkoll kwistjonijiet relatati mal-migrazzjoni.
Ir-relazzjonijiet bejn l-UE u r-Renju Unit
Il-ministri vvalutaw is-sitwazzjoni attwali tar-relazzjonijiet bejn l-UE u r-Renju Unit, b'enfasi fuq l-implimentazzjoni tal-Ftehim dwar il-Ħruġ, b'mod partikolari l-Protokoll dwar l-Irlanda/l-Irlanda ta' Fuq.
Il-Viċi President tal-Kummissjoni Ewropea Maroš Šefčovič aġġorna lill-ministri dwar il-ħidma esploratorja li għaddejja bejn l-UE u r-Renju Unit biex jippruvaw isibu soluzzjonijiet komuni għat-tħassib tal-ħajja reali tal-komunitajiet kollha fl-Irlanda ta' Fuq u jipproteġu kemm il-post tal-Irlanda ta' Fuq fis-suq intern tar-Renju Unit kif ukoll l-integrità tas-Suq Uniku tal-UE.
Il-ministri laqgħu l-impenn kontinwu bejn ir-Renju Unit u l-UE bil-għan li jinstabu soluzzjonijiet konġunti u esprimew l-appoġġ sħiħ tagħhom lill-Kummissjoni. Huma tennew ir-rieda tal-UE li tiddiskuti b'mod kostruttiv soluzzjoni negozjata fi ħdan il-Protokoll għad-diffikultajiet prattiċi fl-implimentazzjoni tiegħu fuq il-post.
Il-Presidenza Żvediża ppreżentat il-prijoritajiet tagħha għall-ewwel nofs tal-2023.
Il-prijoritajiet ewlenin tal-Presidenza huma s-sigurtà, il-kompetittività, it-tranżizzjoni ekoloġika u dik tal-enerġija, il-valuri demokratiċi u l-istat tad-dritt.
Fir-rigward tal-Kunsill Affarijiet Ġenerali, il-Presidenza ser tmexxi 'l quddiem il-ħidma fid-diversi oqsma taħt ir-responsabbiltà tagħha, bħall-istat tad-dritt, it-tkabbir u t-tisħiħ tad-demokrazija. Il-Presidenza ser taħdem ukoll biex issaħħaħ it-tħejjija għall-kriżijiet u l-kapaċitajiet ta' ġestjoni tal-kriżijiet tal-UE, tkompli b'segwitu għall-Konferenza dwar il-Futur tal-Ewropa u tappoġġa l-isforzi tal-Kummissjoni fl-implimentazzjoni ta' kuljum tal-ftehimiet bejn l-UE u r-Renju Unit.
Punt ta' tluq ovvju għall-programm tagħna kien l-aggressjoni illegali tar-Russja kontra l-Ukrajna u r-rispons komuni tal-UE għall-konsegwenzi tagħha. Fil-kuntest ġeopolitiku attwali, nixtieq nissottolinja l-importanza li l-Presidenza tagħti lis-salvagwardja tal-valuri fundamentali tal-UE, li huma l-pedament tal-kooperazzjoni profonda tagħna fl-UE.
Jessika Roswall, Ministru għall-Affarijiet tal-UE tal-Iżvezja
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Punt ta' tluq ovvju għall-programm tagħna kien l-aggressjoni illegali tar-Russja kontra l-Ukrajna u r-rispons komuni tal-UE għall-konsegwenzi tagħha. Fil-kuntest ġeopolitiku attwali, nixtieq nissottolinja l-importanza li l-Presidenza tagħti lis-salvagwardja tal-valuri fundamentali tal-UE, li huma l-pedament tal-kooperazzjoni profonda tagħna fl-UE.
