"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill beda t-tħejjijiet għal-laqgħa tal-Kunsill Ewropew tat-23 u l-24 ta' Marzu 2023 billi ddiskuta abbozz ta' aġenda annotata.
Fil-laqgħa tiegħu f'Marzu, il-Kunsill Ewropew ser jindirizza l-gwerra ta' aggressjoni tar-Russja kontra l-Ukrajna fid-dimensjonijiet kollha tagħha u l-appoġġ li l-UE ser tibqa' tagħti lill-Ukrajna u lill-poplu tagħha.
Il-mexxejja tal-UE ser jindirizzaw ukoll il-kompetittività, is-suq uniku u l-ekonomija. Huma ser jiddiskutu l-istrateġija fit-tul tal-Ewropa biex tingħata spinta lill-kompetittività u l-produttività, u kif il-bażi ekonomika, industrijali u teknoloġika tal-UE tista' ssir adatta għat-tranżizzjoni doppja ekoloġika u diġitali. Huma ser ikollhom ukoll diskussjoni strateġika dwar il-politika kummerċjali tal-UE u ser jindirizzaw ir-riforma tal-qafas ta' governanza ekonomika tal-UE, kif ukoll is-Semestru Ewropew 2023.
Il-Kunsill Ewropew ser ikun qed jevalwa l-progress li sar fl-implimentazzjoni tal-konklużjonijiet tiegħu dwar l-enerġija. Il-Presidenza u l-Kummissjoni ser jinfurmaw lill-mexxejja tal-UE dwar il-progress li jkun sar fl-implimentazzjoni tal-konklużjonijiet reċenti dwar il-migrazzjoni.
Fid-dawl tal-avvenimenti, il-Kunsill Ewropew jista' jindirizza kwistjonijiet speċifiċi oħra ta' politika barranija.
Il-Presidenza infurmat lill-ministri dwar is-segwitu għat-terremoti fit-Turkija u s-Sirja.
Hija enfasizzat il-ħtiġijiet umanitarji massivi fuq il-post u tat ħarsa ġenerali lejn l-isforzi ta' koordinazzjoni fi ħdan il-mekkaniżmu integrat tal-UE għal rispons politiku f'sitwazzjonijiet ta' kriżi (IPCR).
Indikat ukoll li f'Marzu l-Presidenza flimkien mal-Kummissjoni, ser torganizza Konferenza tad-Donaturi sabiex timmobilizza fondi mill-komunità internazzjonali b'appoġġ għall-poplu tat-Turkija u tas-Sirja.
It-terremoti fit-Turkija u s-Sirja ħallew warajhom qerda orribbli. Jeħtieġ li nużaw l-għodod kollha għad-dispożizzjoni tagħna biex niżguraw li l-għajnuna tasal għand in-nies fil-bżonn. Il-Konferenza tad-Donaturi ser tgħin biex jinġabru riżorsi b'appoġġ għall-irkupru u sokkors bikrin fiż-żoni affettwati.
Jessika Roswall, Ministru għall-Affarijiet tal-UE tal-Iżvezja
Il-Kummissjoni preżentat ukoll il-komunikazzjoni u r-rakkomandazzjoni tagħha dwar l-"Għanijiet tal-UE ta' reżiljenza għad-diżastri", ippubblikati fit-8 ta' Frar 2023.
L-għan ta' dawn l-inizjattivi huwa li jtejbu l-kapaċità tal-UE, tal-istati membri tagħha u tal-istati parteċipanti għall-Mekkaniżmu tal-UE għall-Protezzjoni Ċivili biex jantiċipaw u jilqgħu l-effetti ta' diżastri u emerġenzi kbar futuri, inkluż diżastri naturali, bħal terremoti, għargħar u nirien fil-foresti.
Bħala punt mingħajr diskussjoni, il-Kunsill talab l-approvazzjoni tal-Parlament Ewropew biex jadotta d-deċiżjonijiet dwar il-konklużjoni mill-UE tal-konvenzjoni dwar il-prevenzjoni u l-ġlieda kontra l-vjolenza fuq in-nisa u l-vjolenza domestika (il-konvenzjoni ta' Istanbul).
Il-konklużjoni tal-konvenzjoni ser issaħħaħ il-qafas legali eżistenti fil-qasam tal-proċedura kriminali u tikkontribwixxi għall-kisba tal-ugwaljanza bejn in-nisa u l-irġiel fl-oqsma kollha.
Il-Kunsill adotta formalment regolament li ser jippermetti lill-istati membri jżidu kapitolu ġdid tar-REPowerEU mal-pjanijiet nazzjonali għall-irkupru u r-reżiljenza tagħhom fil-qafas tan-NextGenerationEU. L-għan huwa li jiġu ffinanzjati investimenti u riformi ewlenin li ser jgħinu lill-UE tiddiversifika l-provvisti tal-enerġija tagħha u ttemm id-dipendenza tagħha fuq l-importazzjonijiet tal-fjuwils fossili Russi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-terremoti fit-Turkija u s-Sirja ħallew warajhom qerda orribbli. Jeħtieġ li nużaw l-għodod kollha għad-dispożizzjoni tagħna biex niżguraw li l-għajnuna tasal għand in-nies fil-bżonn. Il-Konferenza tad-Donaturi ser tgħin biex jinġabru riżorsi b'appoġġ għall-irkupru u sokkors bikrin fiż-żoni affettwati.