"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-politika ta' koeżjoni u l-kompetittività tal-UE
Il-ministri bdew b'ikla informali, li matulha ddiskutew ir-rwol tal-politika ta' koeżjoni fit-tisħiħ tal-kompetittività tal-UE.
Il-presidenza Ungeriża tagħti prijorità lit-tiswir tal-politika ta' koeżjoni biex jinħoloq ambjent ekonomiku li jappoġġa r-reżiljenza u t-tkabbir fl-istati membri kollha. Il-politika ta' koeżjoni tibqa' għodda kruċjali għall-bini tal-kompetittività fl-UE, li tippermetti lir-reġjuni jnaqqsu d-diskrepanza fl-innovazzjoni, jappoġġaw l-ekosistemi tal-innovazzjoni reġjonali, u javvanzaw strateġiji ta' speċjalizzazzjoni intelliġenti li jixprunaw l-iżvilupp ekonomiku sostenibbli.
János Bóka, Ministru għall-Affarijiet tal-Unjoni Ewropea tal-Ungerija
Kunsill Ewropew ta' Diċembru
Il-Kunsill ħejja għal-laqgħa tal-Kunsill Ewropew tad-19 u l-20 ta' Diċembru 2024 billi ddiskuta abbozz ta' aġenda annotata.
Fil-laqgħa tagħhom ta' Diċembru, il-mexxejja tal-UE ser jindirizzaw:
l-Ukrajna
il-Lvant Nofsani
ir-rwol tal-UE fid-dinja
ir-reżiljenza, it-tħejjija, il-prevenzjoni tal-kriżijiet u r-rispons għalihom
Bħala parti mid-djalogu annwali dwar l-istat tad-dritt, il-ministri ddiskutew ukoll is-sitwazzjoni tal-istat tad-dritt f'Malta, in-Netherlands, l-Awstrija u l-Polonja.
Id-djalogu annwali tal-Kunsill dwar l-istat tad-dritt inbeda fl-2014. Dan jippermetti skambju miftuħ ta' kummenti u l-aħjar prattiki dwar l-iżviluppi tal-istat tad-dritt madwar l-UE u fl-istati membri individwali, filwaqt li jiżgura l-oġġettività, in-nondiskriminazzjoni u t-trattament ugwali tal-istati membri kollha.
Bħala parti mill-proċedura tal-Artikolu 7(1) TUE, il-ministri ddiskutew wkoll is-sitwazzjoni attwali rigward ir-rispett għall-valuri tal-UE fl-Ungerija.
Il-Kummissjoni pprovdiet lill-ministri aġġornament dwar l-aħħar żviluppi fl-Ungerija u l-ministri kellhom l-opportunità li jagħtu l-kummenti tagħhom. L-Ungerija ppreżentat il-kummenti tagħha.
Il-Presidenza kkonkludiet li l-Kunsill Affarijiet Ġenerali jibqa' jsegwi l-kwistjoni.
Il-proċedura tal-Artikolu 7 dwar l-Ungerija tnediet mill-Parlament Ewropew fl-2018. Din dehret l-aħħar darba fuq l-aġenda tal-Kunsill f'Ġunju 2024, meta saret seduta ta' smigħ tal-Ungerija.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
