"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ġenerali (Koeżjoni), 28 ta' Novembru 2024
Riżultati ewlenin
Il-politika ta' koeżjoni u l-isfidi demografiċi
Bħala parti mid-diskussjonijiet li għaddejjin dwar il-futur tal-politika ta' koeżjoni, il-Kunsill approva konklużjonijiet dwar ir-rwol tal-politika ta' koeżjoni fl-indirizzar tal-isfidi demografiċi fl-UE.
Il-konklużjonijiet jikkomplementaw il-konklużjonijiet preċedenti tal-Kunsill dwar il-futur tal-politika ta' koeżjoni u huma maħsuba biex jinfurmaw il-ħidma tal-Kummissjoni dwar il-qafas leġiżlattiv ta' koeżjoni li jmiss.
Fil-konklużjonijiet tiegħu, il-Kunsill jirrikonoxxi li l-isfidi demografiċi jistgħu jaffettwaw b'mod sinifikanti l-koeżjoni ekonomika, soċjali u territorjali, kif ukoll ir-reżiljenza u l-kompetittività tal-UE kollha kemm hi.
Il-Kunsill jenfasizza li r-reazzjonijiet ta' politika għall-isfidi demografiċi għandhom ikunu allinjati mal-prijoritajiet strateġiċi tal-UE, filwaqt li jqisu wkoll realtajiet lokali u reġjonali, u jitfasslu u jiġu implimentati bl-involviment attiv tal-awtoritajiet nazzjonali, reġjonali u lokali. Għalhekk iqis li l-politika ta' koeżjoni għandu jkollha rwol essenzjali fl-indirizzar tat-tibdil demografiku fil-futur.
Il-Kummissjoni hija mistiedna tesplora oqsma differenti ta' appoġġ u ssaħħaħ is-sinerġiji fost il-fondi tal-politika ta' koeżjoni wara l-2027 biex tindirizza l-kwistjoni, inkluż billi ssaħħaħ l-approċċi territorjali integrati.
Il-politika ta' koeżjoni hija prijorità ewlenija tal-presidenza Ungeriża. Issaħħaħ il-kompetittività tal-UE u tgħin biex jiġu indirizzati l-isfidi demografiċi, bħad-depopolazzjoni u l-eżodu ta' mħuħ, li qed jiffaċċjaw ħafna reġjuni fl-Ewropa. Bil-konklużjonijiet tal-lum, inħeġġu lill-Kummissjoni tiżgura li l-politika ta' koeżjoni taqdi r-rwol sħiħ tagħha fl-indirizzar tal-isfidi demografiċi fil-futur.
Tibor Navracsics, Ministru Ungeriż għall-Amministrazzjoni Pubblika u l-Iżvilupp Reġjonali
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-ministri ddiskutew ukoll kif ser jissaħħu l-assi ewlenin tal-politika ta' koeżjoni u kif tista' tittejjeb il-ġestjoni kondiviża tal-fondi ta' koeżjoni f'konformità mal-prinċipju tas-sussidjarjetà fil-futur. L-iskambju ta' fehmiet kien ibbażat fuq dokument ta' informazzjoni tal-presidenza.
Matul id-diskussjoni, il-ministri ssottolinjaw l-importanza li jagħtu lill-ġestjoni kondiviża, il-governanza f'diversi livelli, u l-prinċipju tas-sħubija fil-politika ta' koeżjoni. Enfasizzaw il-ħtieġa li jiġu involuti l-partijiet ikkonċernati lokali u reġjonali kemm fit-tfassil kif ukoll fl-implimentazzjoni tal-politika biex jiġu żgurati s-sjieda u l-effettività tal-politika. F'dan il-kuntest, ħafna kelliema argumentaw kontra ċentralizzazzjoni possibbli.
Ġiet enfasizzata wkoll l-importanza li jiġi ppreservat approċċ ibbażat fuq il-post u n-natura fit-tul tal-politika ta' koeżjoni, kif ukoll il-ħtieġa li jinstab il-bilanċ it-tajjeb bejn il-prijoritajiet strateġiċi tal-UE u l-ħtiġijiet ta' żvilupp tar-reġjuni kollha, speċjalment ir-reġjuni inqas żviluppati.
Xi ministri kienu lesti wkoll li jipprovdu inċentivi b'saħħithom għall-implimentazzjoni ta' riformi strutturali fl-istati membri u li jsaħħu approċċ ibbażat fuq il-prestazzjoni għall-politika ta' koeżjoni, iżda mingħajr ma tiġi kompromessa d-dimensjoni reġjonali tagħha.
Taħt "affarijiet oħra", id-delegazzjoni Ġermaniża informat lill-ministri dwar dokument informali appoġġat minn ħames stati membri dwar id-disinn territorjali u l-implimentazzjoni tal-Programmi tal-Fondi Strutturali.
Id-delegazzjoni Litwana informat lill-ministri dwar dikjarazzjoni konġunta minn erba' stati membri dwar ir-reġjuni tal-UE li jmissu mar-Russja u l-Belarussja.
Dokumenti tal-laqgħat
Dokumenti ta' tħejjija
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
