"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Trasport, Telekomunikazzjoni u Enerġija (Enerġija), 19 ta' Ġunju 2023
Riżultati ewlenin
It-tfassil tas-suq tal-elettriku
Il-Kunsill laħaq approċċ ġenerali dwar proposta għal regolament dwar l-integrità u t-trasparenza tas-swieq tal-enerġija bl-ingrossa (REMIT).
Il-proposta għandha l-għan li tappoġġa l-kompetizzjoni miftuħa u ġusta fis-swieq Ewropej tal-enerġija bl-ingrossa, billi tipprojbixxi l-kummerċ ibbażat fuq informazzjoni privileġġata u tiskoraġġixxi l-manipulazzjoni tas-suq.
Ninsab kuntenta li sibna ftehim dwar ir-regolament tar-REMIT. Huwa parti importanti mir-riforma tas-suq tal-elettriku li ser tiżgura t-trasparenza u l-integrità fis-suq tal-enerġija tal-UE.
Ebba Busch, Ministru għall-enerġija, in-negozju u l-industrija tal-Iżvezja
Il-proposta tar-REMIT hija parti minn riforma usa' tat-tfassil tas-suq tal-elettriku tal-UE. Il-partijiet li fadal tar-riforma, li għandhom l-għan li jagħmlu l-prezzijiet tal-elettriku inqas dipendenti fuq prezzijiet volatili tal-fjuwils fossili, iħarsu lill-konsumaturi minn żidiet qawwija fil-prezzijiet, idaħħlu l-użu tal-enerġiji rinnovabbli aktar malajr u jtejbu l-protezzjoni tal-konsumatur, ser jiġu miftiehma fi stadju aktar tard.
Taħt affarijiet oħra, il-Kummissjoni pprovdiet ħarsa ġenerali lejn l-iżviluppi ewlenin fil-qasam tar-relazzjonijiet esterni fil-qasam l-enerġija matul dan is-semestru u infurmat lill-ministri dwar l-inizjattivi li jmiss b'rabta mar-relazzjonijiet internazzjonali fil-qasam tal-enerġija.
Il-Kummissjoni aġġornat lill-ministri wkoll dwar it-tħejjija għax-xitwa 2023/2024.
Il-Litwanja tat informazzjoni lill-ministri dwar is-sikurezza nukleari u kwistjonijiet persistenti ta' trasparenza marbuta mat-tnedija tat-tieni unità tal-enerġija tal-impjant tal-enerġija nukleari ta' Ostravets fil-Belarussja.
Ċipru informa lill-ministri dwar l-iżgurar tas-sikurezza nukleari fid-dawl tal-kostruzzjoni u l-operat tal-impjant tal-enerġija nukleari ta' Akkuyu fuq il-kosta tan-Nofsinhar tat-Turkija.
Il-presidenza Spanjola li jmiss ippreżentat il-programm ta' ħidma tagħha.
Il-Kunsill approva wkoll il-lista ta' punti "A" elenkati hawn taħt.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ninsab kuntenta li sibna ftehim dwar ir-regolament tar-REMIT. Huwa parti importanti mir-riforma tas-suq tal-elettriku li ser tiżgura t-trasparenza u l-integrità fis-suq tal-enerġija tal-UE.