"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Trasport, Telekomunikazzjoni u Enerġija (Enerġija), 28 ta' Marzu 2023
Riżultati ewlenin
Pakkett tal-gass u l-idroġenu
Il-ministri tal-enerġija tal-UE qablu dwar il-pożizzjonijiet ta' negozjar tal-Kunsill ("approċċi ġenerali") dwar żewġ proposti li jiffissaw regoli komuni għas-swieq interni għal gassijiet u idroġenu rinnovabbli u naturali.
L-għan tal-leġiżlazzjoni huwa li tfassal it-tranżizzjoni tas-settur tal-gass għal gassijiet rinnovabbli u b'livell baxx tal-karbonju, b'mod partikolari l-bijometan u l-idroġenu, bil-ħsieb li tintlaħaq il-mira tal-UE ta' newtralità klimatika fl-2050.
Kuntent li sibna qbil ibbilanċjat dwar il-pakkett tal-gass. L-Ewropa tinsab fi vjaġġ biex tibdel mill-gass naturali fossili għal gassijiet rinnovabbli u b'livell baxx tal-karbonju u rridu noħolqu l-kundizzjonijiet tajba tas-suq biex dan iseħħ, b'mod li jippromwovi l-kompetittività, jipproteġi lill-konsumaturi u javvanza l-għan tagħna ta' newtralità klimatika għall-2050.
Ebba Busch, Ministru Żvediż għall-enerġija, in-negozju u l-industrija
L-istati membri laħqu qbil politiku dwar proposta biex testendi b'sena l-mira tagħhom tat-tnaqqis volontarju ta' 15% fid-domanda għall-gass.
L-għan tat-tnaqqis fid-domanda għall-gass huwa li niffrankaw, sabiex inħejju għal xkiel possibbli fil-provvisti tal-gass.
L-UE għadha ma ħarġitx kompletament mill-kriżi tal-enerġija u r-Russja għadha tuża l-enerġija bħala arma. Jeħtieġ li l-istati membri tal-UE jieqfu flimkien u jkunu mħejjija qabel ix-xitwa li jmiss. Il-konsum ġenerali tal-UE ta' gass naturali naqas bi 19.3% bejn Awwissu 2022 u Jannar 2023. Bit-tnaqqis tad-domanda tagħna għall-gass stajna nimlew il-ħażniet tagħna, inżommu l-prezzijiet baxxi u niżguraw aktar provvisti tal-enerġija. Huwa importanti li nkomplu naħdmu u nibqgħu reżiljenti.
Ebba Busch, Ministru Żvediż għall-enerġija, in-negozju u l-industrija
Ir-regolament il-ġdid ser iżomm il-possibilità li l-Kunsill joħroġ "allert tal-Unjoni" dwar is-sigurtà tal-provvista, li fil-każ tiegħu t-tnaqqis fid-domanda għall-gass isir obbligatorju.
Il-ministri kellhom l-ewwel dibattitu ta' orjentazzjoni tagħhom dwar proposta biex jiġi rivedut id-disinn tas-suq tal-elettriku tal-UE.
Il-proposta għandha l-għan li tagħmel is-suq tal-enerġija tal-UE aktar reżiljenti u stabbli, li tipproteġi lill-konsumaturi u lill-kumpaniji mill-volatilità tal-prezzijiet tal-elettriku fuq terminu qasir, u li timmotiva l-investimenti f'enerġiji rinnovabbli.
L-għan tad-dibattitu kien li tingħata gwida għal aktar ħidma fuq il-proposta fil-Kunsill.
Il-ministri qasmu l-fehmiet tagħhom dwar liema bidliet fit-tfassil tas-suq eżistenti jsibu bilanċ bejn il-ħtieġa għal titjib u li jinżamm dak li jaħdem tajjeb, filwaqt li jiġu protetti l-konsumaturi u jiżdied l-investiment fil-kapaċità ta' produzzjoni ġdida.
Il-ministri kienu ddedikati li jimxu malajr 'il quddiem bil-proposti u l-presidenza tenniet li r-riforma tiġi trattata bħala prijorità u li ser tagħmel l-almu tagħha biex tagħmel progress fuqha malajr.
Taħt affarijiet oħra, il-Kummissjoni aġġornat lill-ministri dwar it-tħejjija għax-xitwa. Id-Danimarka tat informazzjoni dwar ir-regolament dwar ir-restawr tan-natura. Il-Greċja tat lill-ministri informazzjoni dwar il-grilja elettrika tal-UE.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Matul l-ikla ta' nofsinhar, il-ministri qasmu l-fehmiet tagħhom dwar is-sitwazzjoni tal-enerġija fl-Ukrajna ma' German Galuschchenko, il-Ministru Ukren għall-Enerġija.
Il-Kunsill adotta wkoll mingħajr diskussjoni l-atti leġiżlattivi u mhux leġiżlattivi fuq il-listi ta' punti A hawn taħt.
B'mod partikolari, il-Kunsill adotta erba' leġiżlazzjonijiet li ġejjin mill-pakkett "Lesti għall-mira ta' 55%". Dawn il-leġiżlazzjonijiet jikkonċernaw l-istandards ta' rendiment għall-emissjonijiet ta' CO2 għall-karozzi u l-vannijiet, it-tnaqqis fl-emissjonijiet fl-użu tal-art, tibdil fl-użu tal-art u l-forestrija (LULUCF) u fir-regolament dwar il-kondiviżjoni tal-isforzi (ESR), kif ukoll deċiżjoni li temenda r-riżerva tal-istabbiltà tas-suq li tappoġġa s-sistema tal-UE għall-iskambju ta' kwoti tal-emissjonijiet.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kuntent li sibna qbil ibbilanċjat dwar il-pakkett tal-gass. L-Ewropa tinsab fi vjaġġ biex tibdel mill-gass naturali fossili għal gassijiet rinnovabbli u b'livell baxx tal-karbonju u rridu noħolqu l-kundizzjonijiet tajba tas-suq biex dan iseħħ, b'mod li jippromwovi l-kompetittività, jipproteġi lill-konsumaturi u javvanza l-għan tagħna ta' newtralità klimatika għall-2050.