An Chomhairle Gnóthaí Eacnamaíocha agus Airgeadais, 02/10/2018, 2 Deireadh Fómhair 2018

Na príomhthorthaí

Thíolaic an Coimisiún a thogra maidir le ról an Údaráis Baincéireachta Eorpaigh (ÚBE) i ndáil le maoirseacht institiúidí airgeadais an Aontais a neartú, ionas gur fearrde dul i ngleic le sciúradh airgid agus bagairtí maoinithe sceimhlitheoireachta.

Is dlúthchuid dár n-iarrachtaí an comhrac i gcoinne sciúradh airgid agus rioscaí san earnáil airgeadais a laghdú agus an mhuinín a chur an athuair sa chóras airgeadais atá againn. Tá athchóirithe uaillmhianacha curtha i gcrích ag an Aontas Eorpach ach ní mór dúinn anois a chinntiú go ndéanfar iad a fhorfheidhmiú agus a fhaireachán go héifeachtúil ar fud an Aontais Eorpaigh. Hartwig Löger, Aire Cónaidhme Airgeadais na hOstaire, an tír ag a bhfuil Uachtaránacht na Comhairle faoi láthair

Ba dhíol béime ag na hairí a thábhachtaí atá sé rialacha AE maidir le frithsciúradh airgid a chur chun feidhme go cuí agus an comhar idir frithsciúradh airgid agus maoirseoirí stuamachta a fheabhsú d'fhonn creat faireacháin éifeachtúil a chruthú.

Ina theannta sin, ghlac an Chomhairle rialachán maidir le rialuithe níos déine ar airgead tirim a thagann isteach san Aontas nó a imíonn as, rud a fhágann go bhfuil reachtaíocht AE ag teacht leis na caighdeáin idirnáisiúnta is airde dá bhfuil ann d'fhonn sciúradh airgid agus maoiniú sceimhlitheoireachta a chomhrac.

• An comhrac i gcoinne sciúradh airgid agus maoiniú sceimhlitheoireachta (eolas cúlra)

Cánachas indíreach

Tháinig an Chomhairle ar chomhaontú polaitiúil maidir le trí thogra i ndáil le CBL:

• an rialachán maidir le r-fhoilseacháin: tig leis na Ballstáit rátaí CBL neamhchaighdeánacha a chur i bhfeidhm ar fhoilseacháin leictreonacha agus lena bhféadfaidís rialacha CBL a ailíniú idir foirmeacha fisiceacha agus leictreonacha d'fhoilseacháin. Tá an comhad seo ina chuid de na hiarrachtaí móra atá á ndéanamh ag an Aontas cáin bhreisluacha a nuachóiriú don gheilleagar digiteach i gcomhthéacs straitéis an Aontais maidir leis an margadh aonair digiteach.

• Foilseacháin leictreonacha: Comhaontaithe ag an gComhairle rátaí laghdaithe CBL a cheadú (preaseisiúint, 02/10/2018)

• Maidir leis an "sásra aistrithe táillí ginearálaithe": tabharfar cead do na Ballstáit is mó atá buailte leis an gcalaois CBL aistriú ginearálaithe dliteanais CBL a chur chun feidhme ar bhonn sealadach; rud a fhágann go mbeidh sé ina réiteach do na Ballstáit sin a bhfuil an chalaois rothlach ina gnás gréasach iontu. Is do sholáthairtí earraí agus seirbhísí os cionn tairseach €17 500 ar a laghad in aghaidh an idirbhirt a bheidh cead ag na Ballstáit an sásra aistrithe táille ginearálaithe a úsáid, go dtí 30 Meitheamh 2022 agus faoi choinníollacha teicniúla dochta.

• Calaois CBL: Comhaontaithe ag an gComhairle aistriú ginearálaithe, sealadach dliteanais a cheadú (preaseisiúint, 02/10/2018)

• réiteach tapa i dtaca le CBL, darb aidhm coigeartú a thabhairt isteach ar rialacha CBL an Aontais d'fhonn saincheisteanna sonracha a leigheas (stoc ar glao, uimhir aitheantais CBL, idirbhearta slabhra, cruthúnas ar an soláthar laistigh den Aontas) go dtí go dtabharfar isteach córas nua CBL.

• CBL: An Chomhairle tagtha ar chomhaontú maidir le réitigh ghearrthéarmacha go dtí go ndéanfar an córas a ollchóiriú (preaseisiúint, 20/10/2018)

Anuas air sin, ghlac an Chomhairle bearta an comhar riaracháin a neartú chun dul i ngleic ar bhealach níos éifeachtaí leis na cineálacha is forleithne de chalaois trasteorann.

• Rialuithe ar airgead tirim a thagann isteach san Aontas nó a imíonn as: Rialachán glactha ag an gComhairle (preaseisiúint, 02/10/2018)

Ina theannta sin, chuir na hairí bailchríoch ar an obair ullmhúcháin do na cruinnithe idirnáisiúnta (cruinniú airgeadais G20 ar an 11-12 Deireadh Fómhair agus cruinnithe bliantúla CAI ar an 12-14 Deireadh Fómhair a bheidh ar siúl in Bali). Anuas air sin, phléigh na hairí próiseas faireacháin beartas 'an tSeimeastair Eorpaigh' 2018 i bhfianaise chiall cheannaithe 2018.

• An Seimeastar Eorpach in 2018 (eolas cúlra)
• Cruinnithe G20