An Chomhairle Fostaíochta, Beartais Shóisialta, Sláinte agus Gnóthaí Tomhaltóirí (Sláinte), 3 Nollaig 2024

Na príomhthorthaí

Timpeallachtaí atá saor ó thobac agus ó aerasóil

Ghlac an Chomhairle moladh a chuideoidh le nochtadh do dheatach athláimhe agus d’aerasóil a laghdú agus chun go mbeidh glúin atá saor ó thobac san Eoraip faoi 2040, mar a leagtar amach i bPlean Sáraithe Ailse na hEorpa.

Leis an moladh sin, moltar do thíortha an Aontais raon feidhme na cosanta atá acu cheana i gcoinne nochtadh do dheatach athláimhe a leathnú chun príomhlimistéir lasmuigh, mar shampla, clóis súgartha agus léibhinn bhialainne a chur san áireamh. Beidh feidhm ag na bearta nua freisin maidir le táirgí tobac atá ag teacht chun cinn agus táirgí gaolmhara ar nós toitíní leictreonacha agus táirgí tobac téite.

Is tosaíocht d’Uachtaránacht na hUngáire é galair neamhtheagmhálacha, mar shampla ailse agus galar cardashoithíoch, a chomhrac. Cuideoidh an moladh galair den chineál sin a chosc tríd an gcosaint ar dheatach athláimhe agus ar aerasóil a fheabhsú, go háirithe i measc leanaí agus daoine óga.

Péter Takács, Aire Stáit na hUngáire don tSláinte

• Cosaint mhéadaithe ar dheatach athláimhe agus ar aerasóil molta ag an gComhairle (preaseisiúint, an 3 Nollaig)
• Moladh ón gComhairle maidir le timpeallachtaí atá saor ó thobac agus ó aerasóil
• Plean Sáraithe Ailse na hEorpa

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV
• Rioscaí sláinte a bhaineann le deatach athláimhe agus le haerasóil (eolas cúlra)
• Seisiún poiblí

An tAontas Sláinte Eorpach i bhfianaise thuarascáil Draghi

Bhí seisiún tuairimíochta ag na hairí maidir leis an Aontas Sláinte Eorpach i bhfianaise na tuarascála faoina bhfuil i ndán d’iomaíochas na hEorpa, a d’fhoilsigh Mario Draghi i mí Mheán Fómhair 2024.

Phléigh na hairí sláinte na conclúidí agus na moltaí i dtuarascáil Draghi toisc go mbaineann siad le dúshláin sláinte, ag díriú ar na sineirgí agus na bearnaí idir an tuarascáil agus tosaíochtaí na Comhairle, lena n-áirítear iad siúd a leagtar amach ina conclúidí maidir le Todhchaí an Aontais Sláinte Eorpaigh. Rinne siad measúnú ar an tionchar a d’fhéadfadh a bheith ag na moltaí ar chórais náisiúnta cúraim sláinte agus ar an Aontas Sláinte Eorpach. D’fhéach siad freisin ar bhealaí ina bhféadfadh na Ballstáit agus an Coimisiún cur chun feidhme na moltaí a chomhordú.

• An tAontas Sláinte Eorpach i bhfianaise na tuarascála maidir le ‘Todhchaí iomaíochas na hEorpa’

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN HU
• Aontas Sláinte Eorpach: muintir na hEorpa á cosaint ar bhagairtí trasteorann ar an tsláinte (eolas cúlra)
• Aontas Sláinte Eorpach: iarrann an Chomhairle ar an gCoimisiún tús áite a thabhairt don tsláinte (preaseisiúint, an 21 Meitheamh 2024)
• Seisiún poiblí

Sláinte chardashoithíoch san Aontas Eorpach

D’fhormheas an Chomhairle conclúidí maidir le feabhas a chur ar shláinte chardashoithíoch san Aontas Eorpach. Is é is aidhm do na conclúidí feabhas a chur ar chosc, luathbhrath, cóireáil agus athshlánú, chomh maith leis an ualach sóisialta agus eacnamaíoch a bhaineann le galair chardashoithíocha a laghdú.

Iarrann an Chomhairle ar na Ballstáit agus ar an gCoimisiún bearta a dhéanamh, mar shampla, cur chun cinn na sláinte agus beartais maidir le galarchosc príomhúil a neartú, litearthacht sláinte a fheabhsú, agus dea-chleachtas a roinnt.

Bíonn tionchar tubaisteach ag galair chardashoithíocha ar dhaoine aonair agus ar a dteaghlaigh, ach i bhformhór na gcásanna is féidir iad a chosc trí aghaidh a thabhairt ar fhachtóirí riosca ceilte trí stíl mhaireachtála níos sláintiúla a roghnú. Is gnéithe riachtanacha iad scagthástáil agus rochtain níos fearr ar chóireáil chun tionchar na ngalar cardashoithíoch a laghdú. Is léiriú iad na conclúidí ar ár dtiomantas sláinte chardashoithíoch a fheabhsú ar fud an Aontais.

Péter Takács, Státrúnaí Sláinte na hUngáire

• An tSláinte chardashoithíoch: iarrachtaí níos láidre iarrtha ag an gComhairle chun galair chardashoithíocha a chosc (preaseisiúint, an 3 Nollaig 2024)
• An tsláinte chardashoithíoch a fheabhsú san Aontas Eorpach (conclúidí ón gComhairle)
• Ceartúchán 1

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES ET FR LT MT PL PT FI SV
• Ceartúchán 2
• Beartas sláinte an Aontais (eolas cúlra)
• Seisiún poiblí

Deonú agus trasphlandú orgán

D’fhormheas an Chomhairle conclúidí maidir le feabhas a chur ar dheonú agus trasphlandú orgán. Is é is aidhm do na conclúidí an móiminteam polaitiúil a athnuachan chun tuilleadh feabhais a chur ar chleachtais deonaithe agus trasphlandaithe orgán ar fud na hEorpa. Iarrtar ar an gCoimisiún, go háirithe, plean gníomhaíochta an Aontais maidir le Deonú agus Trasphlandú Orgán a thabhairt cothrom le dáta.

• Deonú agus trasphlandú orgán a fheabhsú (conclúidí ón gComhairle)
• Plean gníomhaíochta an Choimisiúin maidir le deonú agus trasphlandú orgán (2009-2015)
• Seisiún poiblí

Pacáiste cógaisíochta

Thug na hairí dá n-aire tuarascáil ar dhul chun cinn maidir leis an bpacáiste cógaisíochta. Foilsíodh an pacáiste sin, ina bhfuil rialachán agus treoir, i mí Aibreáin 2023 agus é mar aidhm leis an tírdhreach rialála atá ann faoi láthair a oiriúnú agus a shimpliú.

• Tuarascáil ar dhul chun cinn maidir leis an bpacáiste cógaisíochta
• Beartas sláinte an Aontais
• Seisiún poiblí

Gnó eile

Ardaíodh na hábhair seo a leanas faoi ‘Gnó eile’:

• Comhdhálacha na huachtaránachta (eolas ón uachtaránacht)
• Caibidlíocht le haghaidh comhaontú idirnáisiúnta maidir le cosc, ullmhacht agus freagairt i ndáil le paindéimí agus le haghaidh leasuithe comhlántacha ar na Rialacháin Sláinte Idirnáisiúnta (2005) (eolas ón uachtaránacht agus ón gCoimisiún)
• Clár oibre na hUachtaránachta inteachta (eolas ón bPolainn)
• An earnáil sláinte mar chuid lárnach de straitéis ullmhachta an Aontais amach anseo (eolas ón bhFionlainn thar ceann na Cróite, na Cipire, na hEastóine, na Fionlainne, na Gearmáine, na Laitvia, Lucsamburg, Mhálta agus na Spáinne)
• Díol cógas neamhúdaraithe le saoránaigh an Aontais a ghleic (eolas ón mBeilg, ón gCipir, ó Éirinn agus ón Spáinn)
• Athchóirithe is gá sa Rialachán maidir le Feistí Leighis agus sa Rialachán maidir le feistí leighis diagnóiseacha in vitro (eolas ón gCróit, ón bhFionlainn, ón bhFrainc, ón nGearmáin, ó Éirinn, ó Lucsamburg, ó Mhálta, ón Rómáin agus ón tSlóivéin)
• Comhar deonach le haghaidh soláthar comhpháirteach táirgí íocshláinte (eolas ón gCipir, ón gCróit, ón Danmhairg, ón nGréig, ón Laitvia, ó Mhálta agus ón tSlóivéin)

Díospóireacht neamhfhoirmiúil ag am lóin

Le linn an lóin, bhí díospóireacht neamhfhoirmiúil ann maidir le gníomhaíochtaí gearrthéarmacha agus fadtéarmacha i ndáil le slándáil an tsoláthair cógas.