An Chomhairle Iompair, Teileachumarsáide agus Fuinnimh (Fuinneamh), 19/12/2018, 19 Nollaig 2018

Na príomhthorthaí

D'éist an Chomhairle le staid na himeartha i ndáil leis na comhaid ar an bpacáiste fuinnimh ghlain.

Is díol sásaimh dom é gur éirigh linn clabhsúr a chur ar an gcaibidlíocht le Parlaimint na hEorpa inné maidir leis an dá chomhad ar dhearadh an mhargaidh leictreachais. Fágann sé sin, ar choinníoll go ndearbhóidh ambasadóirí an Aontais an toradh, go bhfuil comhaontú polaitiúil againn maidir leis an bpacáiste fuinnimh ghlain ina iomláine. Cuirfidh sé sin tairbhí ar fáil do thomhaltóirí trí phraghsanna níos ísle agus tuilleadh deiseanna a bheith gníomhach sa mhargadh leictreachais. Ag an am céanna, neartaíonn sé slándáil an tsoláthair fuinnimh agus cabhraíonn sé linn ár gcion oibre a dhéanamh ar son Chomhaontú Pháras. Is céim thábhachtach é de chur i gcrích an Aontais Fuinnimh. Elisabeth Köstinger, Aire Inbhuanaitheachta agus Turasóireachta na hOstaire, agus cathaoirleach na Comhairle

Ghlac an Chomhairle go foirmiúil le trí cinn de phíosaí reachtaíochta faoin bpacáiste fuinnimh ghlain ar an 4 Nollaig:

• an rialachán maidir le rialachas an Aontais Fuinnimh
• an treoir maidir leis an éifeachtúlacht fuinnimh
• an treoir maidir leis an bhfuinneamh inathnuaite

Baineadh amach comhaontuithe polaitiúla maidir leis na ceithre chomhad atá fágtha den Phacáiste Fuinnimh Ghlain, mar atá, riosca-ullmhacht in earnáil an leictreachais, an treoir agus an rialachán maidir leis an margadh inmheánach leictreachais agus an rialachán maidir le gníomhaireacht an Aontais Eorpaigh do rialálaithe fuinnimh (ACER), le linn Uachtaránacht na hOstaire.

• An tAontas Fuinnimh don Eoraip (eolas cúlra)

Thíolaic an Coimisiún a theachtaireacht dar teideal A Clean Planet for all: A European strategic long-term vision for a prosperous, modern, competitive and climate-neutral economy [Pláinéad Glan do Chách:Fís straitéiseach fhadtéarmach Eorpach de gheilleagar rathúil nua-aimseartha iomaíoch agus é neodrach ó thaobh díobháil aeráide de], a foilsíodh ar an 28 Samhain. Nuair a bhí an cur i láthair críochnaithe, mhalartaigh na hairí a dtuairimí ar an ábhar.

• Teachtaireacht ón gCoimisiún <em>A Clean Planet for all:</em> [Pláinéad Glan do Chách]

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV
• Comhaontú Pháras (eolas cúlra)
• An Eoraip a bheidh neodrach ó thaobh díobháil aeráide de faoi 2050 (an Coimisiún Eorpach)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN

Tabharfaidh an Uachtaránacht na hairí cothrom le dáta maidir leis an tSaoráid um Chónascadh na hEorpa (CEF). Tháinig an Chomhairle Iompair ar chur chuige ginearálta páirteach maidir le tionscnamh CEF ar an 3 Nollaig.

• Ag tacú le hearnáil an iompair, earnáil an fhuinnimh, agus an earnáil dhigiteach – a seasamh comhaontaithe ag an gComhairle maidir leis an tSaoráid um Chónascadh na hEorpa (preaseisiúint, 03/12/2018)
• An tSaoráid um Chónascadh na hEorpa (An Coimisiún Eorpach)

Faoi aon ghnó eile, cuireadh an Chomhairle ar an eolas faoi staid imeartha an athbhreithnithe atá á dhéanamh ar an treoir maidir le gás. Bhain pointí breise le hobair leantach an "Tionscnaimh Hidrigine" a seoladh ag cruinniú neamhfhoirmiúil na n-airí fuinnimh in Linz i mí Mheán Fómhair 2018, agus le heolas maidir le gníomhaíochtaí an Aontais i réimse an fhuinnimh mhuirí agus le forbairtí le déanaí i réimse an chaidrimh sheachtraigh i ndáil le fuinneamh.