Kunsill Trasport, Telekomunikazzjoni u Enerġija (Enerġija), 19/12/2018, 19 ta' Diċembru 2018

Riżultati ewlenin

Il-Kunsill ingħata tagħrif dwar is-sitwazzjoni attwali tal-fajls tal-Pakkett dwar l-enerġija nadifa.

Ninsab kuntenta ferm li lbieraħ temmejna b'suċċess in-negozjati mal-Parlament Ewropew għaż-żewġ fajls dwar id-disinn tas-suq tal-elettriku. Dan ifisser li - dment li l-ambaxxaturi għall-UE jikkonfermaw dan ir-riżultat - issa għandna qbil politiku għall-pakkett kollu dwar l-enerġija nadifa. Dan ser iġib benefiċċji għall-konsumaturi fil-forma ta' prezzijiet irħas tal-enerġija u aktar possibbiltajiet biex isiru attivi fis-suq tal-elettriku. Fl-istess ħin, isaħħaħ is-sigurtà tal-provvista tal-enerġija u jgħinna nwettqu l-kontribut tagħna għall-Ftehim ta' Pariġi. Huwa pass importanti lejn it-tlestija tal-Unjoni tal-Enerġija. Elisabeth Köstinger, Ministru għas-Sostenibbiltà u t-Turiżmu tal-Awstrija u president tal-Kunsill

Fl-4 ta' Diċembru l-Kunsill adotta formalment tliet atti leġislattivi tal-Pakkett dwar l-enerġija nadifa:

• ir-regolament dwar il-governanza tal-Unjoni tal-Enerġija
• id-direttiva dwar l-effiċjenza fl-enerġija
• id-direttiva dwar l-enerġija rinnovabbli

Matul il-presidenza Awstrijaka ntlaħaq qbil politiku għal kull wieħed mill-erba' fajls li fadal tal-Pakkett dwar l-Enerġija Nadifa - it-tħejjija għar-riskju fis-settur tal-elettriku, id-direttiva u r-regolament dwar is-suq intern għall-elettriku u r-regolament dwar l-aġenzija tal-UE għar-regolaturi tal-enerġija (ACER).

• Unjoni tal-Enerġija għall-Ewropa (informazzjoni ġenerali)

Il-Kummissjoni ppreżentat il-komunikazzjoni tagħha bit-titlu "Pjaneta Nadifa għal kulħadd: Viżjoni strateġika Ewropea fit-tul għal ekonomija għanja, moderna, kompetittiva u newtrali għall-klima", li ġiet ippubblikata fit-28 ta' Novembru. Wara l-preżentazzjoni sar l-ewwel skambju ta' fehmiet fuq is-suġġett bejn il-ministri.

• Komunikazzjoni tal-Kummissjoni "Pjaneta Nadifa għal kulħadd"
• Il-Ftehim ta' Pariġi (informazzjoni ġenerali)
• Ewropa newtrali għall-klima sal-2050 (Kummissjoni Ewropea)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN

Il-ministri ġew aġġornati wkoll mill-presidenza dwar il-Faċilità Nikkollegaw l-Ewropa (FNE). Il-Kunsill Trasport laħaq approċċ ġenerali parzjali dwar l-inizjattiva għal FNE fit-3 ta' Diċembru.

• Appoġġ għas-setturi tat-trasport, diġitali u tal-enerġija - il-Kunsill jaqbel fuq il-pożizzjoni tiegħu dwar il-Faċilità Nikkollegaw l-Ewropa (stqarrija għall-istampa, 03/12/2018)
• Faċilità Nikkollegaw l-Ewropa (Kummissjoni Ewropea)

Taħt il-punt "affarijiet oħra", il-Kunsill ingħata tagħrif dwar is-sitwazzjoni attwali fir-rieżami tad-direttiva dwar il-gass. Punti oħra kienu jikkonċernaw is-segwitu għall-"Inizjattiva dwar l-Idroġenu" varata f'Settembru 2018 fil-laqgħa informali tal-ministri għall-enerġija f'Linz, kif ukoll tagħrif dwar l-attivitajiet tal-UE fil-qasam tal-enerġija mill-baħar u l-iżviluppi reċenti fil-qasam tar-relazzjonijiet esterni dwar l-enerġija.