An Chomhairle Iompair, Teileachumarsáide agus Fuinnimh (Iompar), 03/12/2018, 3 Nollaig 2018

Na príomhthorthaí

Tháinig an Chomhairle ar chomhaontú faoina seasamh (cur chuige ginearálta) maidir le hathchóiriú ríthábhachtach ar earnáil an iompair de bhóthar, lena n-áirítear dálaí oibre tiománaithe, rialacha speisialta do thiománaithe in iompar idirnáisiúnta maidir le postú, rochtain ar an margadh tarlaithe de bhóthar, agus forfheidhmiú feabhsaithe.

Leis an athchóiriú sin, tabharfar soiléireacht a bhfuil géarghá léi don earnáil tarlaithe de bhóthar. Tá toradh cothrom bainte amach againn, lena n-áirithítear dálaí córa oibre do thiománaithe, margadh aonair dea-fheidhmiúil do chuideachtaí iompair agus modhanna rialaithe éifeachtacha agus comhar d'údaráis forfheidhmiúcháin. Norbert Hofer, Aire Iompair, Nuálaíochta agus Teicneolaíochta na hOstaire, Uachtarán na Comhairle

• Rialacha níos soiléire, níos cothroime agus níos in-fhorfheidhmithe maidir le tiománaithe leoraithe – a seasamh comhaontaithe ag an gComhairle (preaseisiúint, 4 Nollaig 2018)

Ina theannta sin, tháinig an Chomhairle ar chur chuige ginearálta maidir le togra chun an t-iompar traschórais a dhéanamh níos iomaíche i gcomparáid le hiompar lasta de bhóthar amháin.

• Iompar traschórais a chur chun cinn – a seasamh caibidlíochta comhaontaithe ag an gComhairle (preaseisiúint, 4 Nollaig 2018)

Ghlac an Chomhairle a seasamh (cur chuige páirteach ginearálta) maidir le togra chun a áirithiú go leanfaidh clár suaitheanta an Aontais dar theideal an tSaoráid um Chónascadh na hEorpa (SCE) de thionscadail ríthábhachtacha in earnáil an iompair, earnáil an fhuinnimh agus san earnáil dhigiteach a chistiú tar éis 2020.

Tá an tsaoráid ann chun cabhrú leis na Ballstáit an dícharbónú a bhaint amach, an t-aistriú digiteach a dhéanamh agus soghluaisteacht níos fearr a fhorbairt. Norbert Hofer, Aire Iompair, Nuálaíochta agus Teicneolaíochta na hOstaire, Uachtarán na Comhairle

• Ag tacú le hearnáil an iompair, earnáil an fhuinnimh, agus an earnáil dhigiteach – a seasamh comhaontaithe ag an gComhairle maidir leis an tSaoráid um Chónascadh na hEorpa (preaseisiúint, 3 Nollaig 2018)

Ina theannta sin, tháinig an Chomhairle ar chur chuige ginearálta maidir le tograí chun bainistiú sábháilteachta bonneagair bóithre a neartú, ionad ilfhreastail mhuirí Eorpach a bhunú le haghaidh foirmiúlachtaí tuairiscithe long, agus rialacha maidir le hoiliúint a chur ar mharaithe a chuíchóiriú.

• Bóithre a dhéanamh níos sábháilte – a seasamh comhaontaithe ag an gComhairle maidir le hathchóiriú chun bainistiú an bhonneagair bóithre a neartú (preaseisiúint, 3 Nollaig 2018)
• Córais um thuairisciú long a nuachóiriú – a seasamh comhaontaithe ag an gComhairle maidir le hionad ilfhreastail mhuirí (preaseisiúint, 3 Nollaig 2018)
• Oiliúint ar mharaithe: Glacann an Chomhairle a seasamh maidir le creat cuíchóirithe (preaseisiúint, 3 Nollaig 2018)

Rinne na hairí measúnú ar an dul chun cinn atá déanta maidir le roinnt tograí, lena n-áirítear deireadh a chur le hathruithe ama séasúracha agus cearta paisinéirí iarnróid a thabhairt cothrom le dáta.

Ina theannta sin, ghlac an Chomhairle conclúidí maidir le hiompar ar uiscebhealaí intíre.

• Iompar ar uiscebhealaí intíre – leas a bhaint as a acmhainneacht iomlán (preaseisiúint, 3 Nollaig 2018)