"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Leoraithe fruilithe a úsáid – an uachtaránacht tagtha ar chomhaontú le Parlaimint na hEorpa maidir le rialacha níos soiléire agus níos solúbtha
Tháinig idirbheartaithe ón gComhairle agus ó Pharlaimint na hEorpa ar chomhaontú sealadach maidir le rialacha athbhreithnithe i ndáil le húsáid feithiclí fruilithe chun earraí a iompar.
Leis an athbhreithniú, déantar na rialacha reatha a shoiléiriú, an creat dlíthiúil a chomhchuibhiú agus na srianta ar úsáid feithiclí den sórt sin a mhaolú. Ach solúbthacht bhreise a chinntiú maidir le feithiclí a fhruiliú, beidh oibríochtaí iompair níos éifeachtúla agus cuirfear le feidhmiú rianúil an mhargaidh aonair. Ina theannta sin, is iondúil go mbíonn feithiclí fruilithe níos nuaí, níos sábháilte, agus gur lú an dochar a dhéanann siad don chomhshaol.
Ach saoirse níos leithne a chinntiú maidir le feithiclí a fhruiliú, beidh níos mó solúbthachta ag cuideachtaí tarlaithe nuair a bhíonn buaicéileamh ann nó nuair a bhíonn gá le feithicil athsholáthair. Ag an am céanna, leis an tsaoirse sin, cinnteofar go mbeidh cothrom na Féinne ann agus cuirfear níos mó deiseanna ar fáil do ghnólachtaí a fhruilíonn feithiclí a úsáidtear ar bhonn gairmiúil. Toisc gur minic gur lú an truailliú a bhaineann le feithiclí fruilithe, leis na rialacha sin tugtar tacaíocht leis an gcuspóir coiteann atá againn an geilleagar a ghlasú.
Jernej Vrtovec, Aire Bonneagair na Slóivéine, Uachtarán na Comhairle
Cad t-athrú a bheidh ann?
Faoi láthair, ráthaítear leis an Treoir nach mbeidh rochtain ag cuideachtaí tarlaithe ar fheithiclí fruilithe ach amháin má tá na cuideachtaí sin cláraithe sa Bhallstát ina bhfuil ceanncheathrú na cuideachta.
Faoin gcomhaontú, ní bheidh cead ag na Ballstáit srian a chur ar úsáid feithicle ar a gcríoch arna bhfruiliú ag cuideachta tarlaitheatá bunaithe i mBallstát eile, ar choinníoll go leantar na rialacha ábhartha sa Bhallstát bunaíochta sin.
Toisc go bhfuil éagsúlachtaí móra ann maidir le leibhéal na cánach ar iompar de bhóthar laistigh den Aontas, beidh na Ballstáit fós in ann srian a chur, laistigh de theorainneacha áirithe, ar úsáid feithiclí arna bhfruiliú ag a gcuideachtaí féin i mBallstát eile. Baineann na srianta seo go príomha le cion na bhfeithiclí fruilithe i bhflít de chuid cuideachta tarlaithe atá cláraithe i mBallstát eile, chomh maith le fad na tréimhse léasa d’fheithicil arna fruiliú ón gcoigríoch. Tá an tréimhse léasa íosta ráthaithe d’fheithicil aonair atá cláraithe i mBallstát eile socraithe ag 2 mhí. Is é 30 lá an uastréimhse a bheidh ann maidir le cúlstop féideartha, i gcás ina n-éilítear sin leis na rialacha náisiúnta a bhaineann le clárú feithiclí.
Chun feabhas a chur ar fhorfheidhmiú, beidh ar na húdaráis inniúla uimhreacha clárúcháin na bhfeithiclí arna bhfruiliú ó Bhallstát eile a thaifeadadh ina gcláir leictreonacha náisiúnta de ghnóthais iompair de bhóthar.
Cathain a thiocfaidh na rialacha nua i bhfeidhm?
Beidh ar thíortha an Aontais na forálacha nua a ionchorprú ina reachtaíocht 14 mhí tar éis theacht i bhfeidhm na treorach.
Cuirtear san áireamh leis sin an amlíne chun na bearta breise rialaithe a cheanglaítear leis an gcéad phacáiste soghluaisteachta a chur i bhfeidhm.
An nós imeachta agus na chéad chéimeanna eile
Tá an togra maidir le feithiclí fruilithe mar chuid den chéad Phacáiste Soghluaisteachta a thíolaic an Coimisiún i mí na Bealtaine 2017, chun an t-iompar a dhéanamh níos glaine, níos iomaíche agus níos cothroime go sóisialta. Chomhaontaigh an Chomhairle a seasamh caibidlíochta i Meitheamh 2021.
Tá an comhaontú sealadach ar thángthas air inniu faoi réir a fhormheasta ag an gComhairle. Cuirfear faoi bhráid Choiste Buanionadaithe na Comhairle (Coreper) anois é lena fhormhuiniú.
Ach saoirse níos leithne a chinntiú maidir le feithiclí a fhruiliú, beidh níos mó solúbthachta ag cuideachtaí tarlaithe nuair a bhíonn buaicéileamh ann nó nuair a bhíonn gá le feithicil athsholáthair. Ag an am céanna, leis an tsaoirse sin, cinnteofar go mbeidh cothrom na Féinne ann agus cuirfear níos mó deiseanna ar fáil do ghnólachtaí a fhruilíonn feithiclí a úsáidtear ar bhonn gairmiúil. Toisc gur minic gur lú an truailliú a bhaineann le feithiclí fruilithe, leis na rialacha sin tugtar tacaíocht leis an gcuspóir coiteann atá againn an geilleagar a ghlasú.