Cogadh na Rúise ar an Úcráin

Tá an tAontas Eorpach ag seasamh leis an Úcráin ón gcéad lá, agus a ceart bunúsach féinchosanta á fheidhmiú ag an tír ar mhórchogadh foghach na Rúise.

Tá smachtbhannaí nach bhfacthas a leithéid riamh cheana glactha ag an Aontas i gcoinne na Rúise, agus é ag tacú le geilleagar, fórsaí armtha agus sochaí na hÚcráine ag an am céanna.

Lus gréine i lámh agus léarscáil den Úcráin sa chúlra.

Síocháin chuimsitheach chóir bhuan

Dhearbhaigh an tAontas go dtacaíonn sé, go leanúnach buanseasmhach, le neamhspleáchas, ceannasacht agus iomláine chríochach na hÚcráine laistigh dá cuid teorainneacha, atá lán-aitheanta go hidirnáisiúnta.

Tacaíonn an tAontas Eorpach le síocháin chuimsitheach chóir mharthanach san Úcráin bunaithe ar phrionsabail Chairt na Náisiún Aontaithe agus an dlí idirnáisiúnta agus ráthaíochtaí láidre inchreidte slándála don Úcráin mar bhonn taca léi. Níor cheart teorainneacha a athrú le forneart.

Tacaíonn an tAontas leis na hiarrachtaí taidhleoireachta chun deireadh a chur leis an gcogadh agus tá sé réidh chun dlús a chur lena rannpháirtíocht sa chomhthéacs sin. D’iarr sé freisin ar an Rúis aontú do shos cogaidh iomlán neamhchoinníollach láithreach agus dul i mbun caibidlíocht fhóinteach.

An Chomhairle Eorpach, an 18-19 Meitheamh 2026

An dlúthpháirtíocht leis an Úcráin

Is é an tAontas, in éineacht lena Bhallstáit, an soláthraí is mó tacaíochta airgeadais, eacnamaíche, míleata agus daonnúla atá ag an Úcráin. Cuireadh €220.3 billiún ar fáil go dtí seo, lena n-áirítear:

€107 mbilliún curtha ar fáil ó bhuiséad an Aontais nó ráthaithe aige
€77 mbilliún de bhearta cúnaimh mhíleata
€17 mbilliún de thacaíocht do dhídeanaithe laistigh den Aontas
€15.5 billiún de thacaíocht ó Bhallstáit an Aontais
€3.8billiún d'fháltais ó shócmhainní blocáilte na Rúise

Bearta an Aontais chun tacú leis an Úcráin

Cúnamh airgeadais

Tacaíocht mhíleata

Trádáil

Cabhair a thabhairt do dhídeanaithe

Cabhair dhaonnúil

Fuinneamh agus bonneagar

Smachtbhannaí i gcoinne na Rúise

Tá smachtbhannaí aonair agus eacnamaíocha forchurtha ag an Aontas ar an Rúis, chomh maith le bearta taidhleoireachta agus srianta ar víosaí.

Tá na bearta ceaptha chun bonn eacnamaíoch na Rúise a lagú, teicneolaíochtaí agus margaí criticiúla a bhaint di, agus srian suntasach a chur lena cumas cogadh a fhearadh.

Na smachtbhannaí is déanaí a glacadh

2026

23 Iúil
An 21ú pacáiste

Toirmeasc ar rochtain ar chalafoirt do 41 shoitheach eile i scáthchabhlach na Rúise, toirmeasc ar idirbhearta le 33 institiúid chreidmheasa agus airgeadais bhreise de chuid na Rúise agus 4 bhanc i dtíortha nach Ballstáit den Aontas iad. Smachtbhannaí curtha ar 218 nduine aonair agus eintiteas.
2026

23 Aibreán
An 20ú pacáiste

Toirmeasc ar rochtain ar chalafoirt ag níos mó soithí i scáthchabhlach na Rúise, toirmeasc ar idirbhearta le 20 banc de chuid na Rúise agus ar idirbhearta i gcriptea-airgeadra RUBx. Smachtbhannaí curtha ar 120 duine aonair agus eintiteas.
2025

23 Deireadh Fómhair
An 19ú pacáiste

Toirmeasc ar allmhairiú gáis nádúrtha leachtaithe (GNL) ón Rúis, toirmeasc rochtana calafort ar a thuilleadh soithí i scáthchabhlach Putin agus toirmeasc ar idirbhearta le bainc bhreise. Toirmeasc ar 69 nduine aonair.

Féach an amlíne iomlán

Tíortha atá ag tacú le cogadh na Rúise

Tá smachtbhannaí glactha ag an Aontas freisin i gcoinne na Bealarúise, na hIaráine agus na Cóiré Thuaidh mar fhreagairt ar a dtacaíocht mhíleata don Rúis.

Colláis lena n-áirítear réada a léiríonn smachtbhannaí, mar shampla, ladrainn, airgead agus bairille peitril.

Tionchar chogadh na Rúise ar mhargaí domhanda

Bhí éifeacht shuaiteach ag cogadh na Rúise ar mhargaí domhanda. Tháinig ardú as cuimse ar phraghsanna fuinnimh agus bia in 2022 rud a chruthaigh éiginnteacht do ghnólachtaí agus do thomhaltóirí.

Bhí tíortha an Aontais tapa agus aontaithe maidir le tionchar an chogaidh a mhaolú, agus saoránaigh agus an geilleagar á gcosaint acu.