Kunsill Kompetittività (Suq intern u industrija), 24 ta' Mejju 2024

Riżultati ewlenin

Suq intern u industrija

Punti ''A''

Il-ministri adottaw żewġ fajls leġiżlattivi: 

• id-direttiva dwar id-diliġenza dovuta tas-sostenibbiltà korporattiva

• Diliġenza dovuta tas-sostenibbiltà korporattiva: il-Kunsill jagħti l-approvazzjoni finali tiegħu (stqarrija għall-istampa, 24 ta' Mejju 2024)
• Sostenibbiltà korporattiva (informazzjoni ġenerali)
• Ara s-seduta pubblika

• emenda għar-regolament dwar il-Kodiċi tal-Fruntieri ta' Schengen

• Żona Schengen: il-Kunsill jadotta aġġornament tal-Kodiċi tal-Fruntieri ta' Schengen (stqarrija għall-istampa, 24 ta' Mejju 2024)
• Spjegazzjoni taż-żona Schengen (informazzjoni ġenerali)
• Ara s-seduta pubblika

Il-Kunsill adotta wkoll, mingħajr diskussjoni, il-punti fuq il-lista ta' punti A mhux leġiżlattivi.

Il-futur tal-politika industrijali tal-UE

Il-ministri approvaw il-konklużjonijiet tal-Kunsill dwar "Industrija Ewropea kompetittiva li tixpruna l-futur ekoloġiku, diġitali u reżiljenti tagħna". Il-konklużjonijiet janalizzaw is-sitwazzjoni tas-settur industrijali tal-UE, jesploraw modi biex itejbu l-innovazzjoni, l-aċċess għall-finanzi u l-ambjent kummerċjali għall-kumpaniji, u jipproponu l-prinċipji ewlenin li fuqhom hija bbażata politika industrijali futura tal-UE. 

L-għanijiet ambizzjużi tal-Unjoni għat-tmexxija diġitali u n-newtralità klimatika joffru opportunitajiet importanti għall-bini ta' tmexxija industrijali u l-ħolqien ta' impjiegi ta' kwalità għolja. Bil-bidu tal-mandat li jmiss tal-Kummissjoni Ewropea li għandna quddiemna, issa huwa ż-żmien li nirriflettu fuq il-futur, li jiġu stabbiliti l-elementi kostitwenti għal politika industrijali Ewropea u li tiġi pprovduta gwida dwar it-triq 'il quddiem lejn patt ġdid dwar il-kompetittività Ewropea.

Jo Brouns, Ministru Fjamming għall-Ekonomija, l-Innovazzjoni, ix-Xogħol, l-Ekonomija Soċjali u l-Agrikoltura

• Il-Kunsill jadotta konklużjonijiet dwar il-futur tal-politika industrijali (stqarrija għall-istampa, 24 ta' Mejju 2024)
• Konklużjonijiet tal-Kunsill dwar "Industrija Ewropea kompetittiva li tixpruna l-futur ekoloġiku, diġitali u reżiljenti tagħna"
• Politika industrijali tal-UE (informazzjoni ġenerali)

Il-futur tas-suq intern

Il-Kunsill approva konklużjonijiet dwar il-futur tas-suq intern, abbażi tal-momentum li nkiseb bir-rapport ta' livell għoli ppreżentat minn Enrico Letta, President tal-Istitut Jacques Delors u eks Prim Ministru tal-Italja fil-Kunsill Ewropew straordinarju fit-18 ta' April. Il-konklużjonijiet jappellaw għal strateġija ġdida olistika għas-suq uniku b'enfasi fuq il-qafas regolatorju, li ssaħħaħ il-benefiċċji potenzjali tiegħu, b'mod partikolari lejn il-kisba ta' tranżizzjoni doppja ekoloġika u diġitali ġusta, servizzi aktar integrati, impjiegi kwalitattivi u ktajjen tal-provvista reżiljenti. 

Is-suq uniku huwa waħda mill-akbar kisbiet tal-Unjoni Ewropea. Dan ipprovda benefiċċji għall-benesseri soċjali tagħna u saħħaħ il-pożizzjoni ekonomika globali tagħna. Iżda ma nistgħux inkunu kompjaċenti: is-suq uniku għadu fframmentat, mhux kulħadd jibbenifika minnu b'mod ugwali, u l-atturi l-kbar qed jimponu r-regoli tagħhom stess. Il-konklużjonijiet adottati llum ifasslu pjan direzzjonali biex insaħħu s-suq uniku tagħna u nħejjuh għall-isfidi globali li ġejjin.

Pierre-Yves Dermagne, Viċi Prim Ministru u Ministru għall-Ekonomija u l-Impjiegi tal-Belġju

• Il-Kunsill jadotta konklużjonijiet dwar il-futur tas-suq uniku (stqarrija għall-istampa, 24 ta' Mejju 2024)
• "Much more than a market", rapport ta' Enrico Letta
• Kunsill Ewropew Straordinarju, 17-18 ta' April 2024
• Is-suq uniku tal-UE (informazzjoni ġenerali)

Kuntratti ta' akkwist pubbliku tal-UE

Il-ministri approvaw ukoll il-konklużjonijiet tal-Kunsill dwar ir-rapport speċjali tal-Qorti Ewropea tal-Awdituri: "L-akkwist pubbliku fl-UE: Inqas kompetizzjoni għal kuntratti aġġudikati għal xogħlijiet, oġġetti u servizzi fl‑10 snin li jippreċedu l‑2021." Il-konklużjonijiet, bl-isem "Titjib fil-kompetizzjoni ġusta u effettiva għal kuntratti aġġudikati għal xogħlijiet, oġġetti u servizzi", jirriflettu r-reazzjoni tal-ministri għall-kompetittività għal dak ir-rapport u jipproponu t-tnedija ta' pjan ta' azzjoni strateġika fl-UE kollha biex l-akkwist pubbliku jkun waħda mill-prijoritajiet għall-mandat tal-Kummissjoni li jmiss.

L-akkwist pubbliku huwa wieħed mix-xprunaturi ewlenin tat-tkabbir ekonomiku u l-impjiegi u jista' jkun għodda b'saħħitha biex jintlaħqu l-objettivi strateġiċi tagħna. Madankollu, jeħtieġ li nkunu ċerti li niksbu l-ogħla valur għal kull euro li jintefaq fuq ix-xiri pubbliku, filwaqt li niżguraw li r-regoli jkunu ċari, li l-informazzjoni tkun faċilment disponibbli, u li jkun hemm kompetizzjoni reali fost il-parteċipanti kollha.

Pierre-Yves Dermagne, Viċi Prim Ministru u Ministru għall-Ekonomija u l-Impjiegi tal-Belġju

• Il-Kunsill jadotta konklużjonijiet dwar ir-rapport tal-Qorti Ewropea tal-Awdituri dwar l-akkwist pubbliku (stqarrija għall-istampa, 24 ta' Mejju 2024)
• Rapport tal-Qorti tal-Awdituri dwar l-akkwist pubbliku tal-UE

Affarijiet oħra

Il-presidenza Belġjana infurmat lill-ministri dwar is-sitwazzjoni attwali tal-fajls leġiżlattivi li qed taħdem fuqhom. Dawn jinkludu r-regolament dwar is-sikurezza tal-ġugarelli, ir-regolament dwar il-pagamenti tard, ir-regolament dwar il-liċenzjar obbligatorju u l-pakkett ta' miżuri biex il-piż amministrattiv jitnaqqas b'25%.

• Proposta tal-Kummissjoni għal regolament dwar is-sikurezza tal-ġugarelli
• Proposta tal-Kummissjoni għal regolament dwar il-ġlieda kontra l-ħlas tard fi tranżazzjonijiet kummerċjali
• Proposta tal-Kummissjoni dwar il-liċenzjar obbligatorju għall-immaniġġar ta' kriżijiet
• Komunikazzjoni tal-Kummissjoni dwar il-kompetittività fit-tul

Il-ministri ġew infurmati wkoll dwar il-kwistjonijiet li ġejjin:

• il-komunikazzjoni tal-Kummissjoni dwar il-bijoteknoloġija

• id-dikjarazzjoni ministerjali tal-laqgħa ministerjali D9+

• pakkett Ewropew għal politika sostenibbli dwar il-karbonju għall-industrija tal-kimika

• il-ħtieġa li ssir riflessjoni dwar l-opzjonijiet għall-finanzjament tal-politika industrijali fil-livell tal-UE: "It-tisħiħ tal-industrija Ewropea biex tingħata spinta lill-kompetittività" 

• id-dikjarazzjoni tal-istazzjonar tal-ħaddiema

• ir-regolamentazzjoni u l-armonizzazzjoni ta' oġġetti pirotekniċi

• Miżuri doganali tal-Istati Uniti
• Jum tal-Kompetizzjoni tal-UE

• il-presidenza Ungeriża li jmiss ippreżentat il-programm ta' ħidma tagħha fil-qasam tas-suq intern u l-industrija