Kunsill Affarijiet Ekonomiċi u Finanzjarji, 13/07/2018, 13 ta' Lulju 2018

Riżultati ewlenin

Tassazzjoni indiretta

Il-Kunsill iddiskuta żewġ proposti relatati mal-VAT.

L-ewwel, il-ministri kellhom skambju ta’ fehmiet dwar il-"mekkaniżmu tar-reverse charge ġeneralizzat" bil-għan li l-istati membri jkunu jistgħu japplikaw temporarjament mekkaniżmu ta' awtolikwidazzjoni ġeneralizzat għall-ħlas tal-VAT. F’Ġunju, il-Kunsill Ewropew enfasizza li għandha tkompli l-ħidma dwar kif jiġi żgurat ġbir effettiv tal-VAT u appella għal progress rapidu dwar il-proposti tal-Kummissjoni dwar miżuri fuq perijodu qasir.

• Mekkaniżmu tar-reverse charge tal-VAT (informazzjoni ġenerali)

Il-Ministri ddiskutew ukoll il-proposta tal-"pubblikazzjonijiet elettroniċi" li tippermetti lill-istati membri japplikaw rati tal-VAT mhux standard għal pubblikazzjonijiet elettroniċi u potenzjalment jiġu allinjati r-regoli tal-VAT bejn il-forom fiżiċi u elettroniċi għall-pubblikazzjonijiet. Dan il-fajl huwa parti mill-isforzi aktar wiesa’ tal-UE biex tiġi modernizzata t-taxxa fuq il-valur miżjud għall-ekonomija diġitali fil-kuntest tal-istrateġija tal-UE għal suq uniku diġitali.

• VAT imnaqqsa għall-pubblikazzjonijiet elettroniċi - paġna web tal-Kunsill

Rakkomandazzjonijiet speċifiċi għall-pajjiż

Il-Kunsill ħareġ ir-rakkomandazzjonijiet u l-opinjonijiet tiegħu tal-2018 lill-istati membri dwar il-politika ekonomika, tal-impjiegi u fiskali tagħhom, biex b’hekk ikkonkluda l-eżerċizzju tas-Semestru Ewropew għal din is-sena. Ir-rakkomandazzjonijiet kienu ġew approvati mill-Kunsill Ewropew f'Ġunju.

L-objettiv ġenerali tar-rakkomandazzjonijiet ta' din is-sena huwa li l-istati membri jiġu mħeġġa jużaw il-momentum ekonomiku favorevoli attwali biex isaħħu iktar ir-reżiljenza tal-ekonomiji tagħhom.

Programm tal-presidenza

Il-Kunsill iddiskuta l-prijoritajiet tal-presidenza Awstrijaka fil-qasam tal-affarijiet ekonomiċi u finanzjarji.

Il-punt ta' attenzjoni tal-attivitajiet sa tmiem l-2018 ser ikun dwar:

• it-tlestija tal-unjoni bankarja u l-iżvilupp ta’ unjoni tas-swieq kapitali.
• il-approfondar u t-tisħiħ tal-koordinazzjani tal-politika ekonomika, permezz tat-tisħiħ tal-istabbiltà, ir-reżiljenza u l-konkormità fil-qafas tal-patt ta' stabbiltà u tkabbir.
• it-titjib tal-effiċjenzja u l-ġustizzja fit-taxxa.
• l-iżgurar li l-implimentazzjoni tal-bġit tal-UE tal-2019 ser tkun issegwi l-prinċipji ta’ ġestjoni finanzjarja soda u effiċjenti.

• Il-programm ta' ħidma għall-2018 tal-presidenza Awstrijaka

Il-Minsitri ddiskutew ukoll il-konklużjonijiet rilevanti dwar kwistjonijiet ekonomiċi u finanzjarji tal-Kunsill Ewropew tat-28-29 ta’ Ġunju 2018 u ffinalizzaw il-preparazzjonijiet qabel il-laqgħa tal-G20 Finanzi tal-21-22 ta’ Lulju fi Buenos Aires.