"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza informali tal-ministri għall-ekonomija u l-finanzi, 2 ta' Marzu 2022
Riżultati ewlenin
Il-ministri tal-UE għall-ekonomija u l-finanzi ltaqgħu permezz ta' vidjokonferenza biex jiddiskutu l-konsegwenzi ekonomiċi u finanzjarji tas-sitwazzjoni fl-Ukrajna, wara l-invażjoni militari mhux provokata u mhux ġustifikata mir-Russja. Bi tweġiba għal din l-aggressjoni, l-UE imponiet sensiela ta' miżuri restrittivi. Minbarra s-sanzjonijiet fuq individwi u entitajiet Russi, l-UE qablet ukoll li timponi sanzjonijiet ekonomiċi kif ukoll restrizzjonijiet fuq il-kooperazzjoni ekonomika mar-Russja.
Il-ministri tal-UE għall-ekonomija u l-finanzi ddiskutew is-sitwazzjoni attwali tal-implimentazzjoni tas-sanzjonijiet, kif ukoll il-konsegwenzi ta' dawk is-sanzjonijiet fuq l-ekonomiji Ewropej.
Il-Kummissjoni ppreżentat l-analiżi preliminari tagħha tal-impatt tal-miżuri fuq ir-Russja f'termini tas-swieq finanzjarji, il-munita, il-bank ċentrali tagħha u s-sistema bankarja kummerċjali tagħha. Il-ministri qablu li jikkoordinaw miżuri nazzjonali, kif sar matul il-kriżi tal-covid, biex jiġu protetti l-Ewropej u l-kumpaniji Ewropej, fil-kuntest ta' prezzijiet ogħla tal-enerġija.
L-istati membri qablu li jinvestigaw ulterjorment azzjonijiet biex tiġi evitata kwalunkwe ċirkomvenzjoni tas-sanzjonijiet, speċjalment bl-użu ta' kriptoassi.
Il-ministri laqgħu l-komunikazzjoni tal-Kummissjoni Ewropea dwar il-pożizzjoni fiskali għall-2023 u l-fatt li l-Klawżola Liberatorja Ġenerali ser tkompli tapplika fl-2022, li ser tippermetti li l-politika fiskali taġġusta għas-sitwazzjoni li qed tevolvi. Id-diżattivazzjoni tal-Klawżola Liberatorja Ġenerali ser tiġi vvalutata mill-ġdid abbażi tat-tbassir ekonomiku tal-Kummissjoni għar-Rebbiegħa 2022.
Fl-aħħar nett, il-ministri qablu li jżidu l-appoġġ finanzjarju lill-Ukrajna u jikkoordinaw aktar mal-FMI, il-BERŻ, il-BEI u banek multilaterali oħra tal-iżvilupp.
Is-27 stat membru esprimew l-unità u d-determinazzjoni totali tagħhom fir-rispons ekonomiku u finanzjarju tagħhom għall-aggressjoni Russa, u fl-appoġġ finanzjarju tagħhom lill-Ukrajna. Is-sanzjonijiet ekonomiċi Ewropej diġà wrew li huma effettivi ħafna. Iddiżorganizzaw is-sistema finanzjarja Russa u pparalizzaw il-Bank Ċentrali Russu. Iddeċidejna li naħdmu fuq miżuri komplementari, sabiex nevitaw li s-sanzjonijiet tagħna jinqabżu. Fir-rigward tal-protezzjoni tal-ekonomiji tagħna, irridu koordinazzjoni mill-qrib fil-livell Ewropew, kif għamilna matul il-kriżi tal-covid.
Bruno Le Maire, Ministru għall-Ekonomija, il-Finanzi u l-Irkupru ta' Franza
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Is-27 stat membru esprimew l-unità u d-determinazzjoni totali tagħhom fir-rispons ekonomiku u finanzjarju tagħhom għall-aggressjoni Russa, u fl-appoġġ finanzjarju tagħhom lill-Ukrajna. Is-sanzjonijiet ekonomiċi Ewropej diġà wrew li huma effettivi ħafna. Iddiżorganizzaw is-sistema finanzjarja Russa u pparalizzaw il-Bank Ċentrali Russu. Iddeċidejna li naħdmu fuq miżuri komplementari, sabiex nevitaw li s-sanzjonijiet tagħna jinqabżu. Fir-rigward tal-protezzjoni tal-ekonomiji tagħna, irridu koordinazzjoni mill-qrib fil-livell Ewropew, kif għamilna matul il-kriżi tal-covid.
