Ugwaljanza
Kif l-UE tindirizza d-diskriminazzjoni, tiżgura opportunitajiet indaqs, u trawwem id-diversità.
L-UE tippromwovi l-ugwaljanza fil-postijiet tax-xogħol, l-edukazzjoni, il-kura tas-saħħa, u l-ħajja pubblika.
L-inizjattivi tagħha jiffukaw fuq il-ġeneru, l-inklużjoni razzjali u etnika, id-drittijiet tal-persuni b'diżabilità, ir-reliġjon jew twemmin, u l-protezzjoni tal-LGBTQ+.
Ugwaljanza bejn il-ġeneri
Għalkemm l-inugwaljanzi għadhom jippersistu, f'dawn l-aħħar għexieren ta' snin sar progress sostanzjali lejn il-kisba tal-ugwaljanza bejn il-ġeneri.
Fl-UE, dan il-progress huwa dovut għal-leġiżlazzjoni, l-integrazzjoni ta' perspettiva tal-ġeneru fil-politiki kollha, u miżuri mmirati għat-tisħiħ tal-pożizzjoni tan-nisa.
Regoli ġodda dwar it-trasparenza fil-pagi għandhom l-għan li jiżguraw paga ugwali għal xogħol ugwali.
Regoli ġodda tal-UE għandhom l-għan li jtejbu l-protezzjoni madwar l-UE, online u offline.
L-UE timmira li jkun hemm mill-inqas 40% nisa fuq il-bordijiet tal-kumpaniji sal-2026.
In-nisa jkomplu jġorru sehem akbar ta' responsabbiltajiet tal-kura u dawk domestiċi meta mqabbla mal-irġiel.
Il-ġlieda kontra d-diskriminazzjoni
It-Trattat dwar il-Funzjonament tal-Unjoni Ewropea jipproteġi kontra kwalunkwe diskriminazzjoni bbażata fuq raġunijiet bħal:
- sess
- razza jew oriġini etnika
- reliġjon jew twemmin
- diżabilità
- età
- orjentazzjoni sesswali
Korpi tal-ugwaljanza
L-UE stabbiliet korpi tal-ugwaljanza biex jippromwovu t-trattament ugwali u n-nondiskriminazzjoni fl-istati membri.
Il-korpi joffru appoġġ indipendenti lill-vittmi ta' diskriminazzjoni, iwettqu stħarriġ, jippubblikaw rapporti, u jagħmlu rakkomandazzjonijiet dwar kwistjonijiet ta' diskriminazzjoni.
Diskriminazzjoni razzjali
Ir-regoli tal-UE jagħmluha illegali li ssir diskriminazzjoni kontra persuni abbażi tar-razza jew l-etniċità tagħhom.
Fl-2021, il-Kunsill adotta rakkomandazzjoni dwar l-ugwaljanza, l-inklużjoni u l-parteċipazzjoni tar-Rom.
Il-pjan tal-UE kontra r-razziżmu 2020-2025, li jirrikonoxxi li d-diskriminazzjoni tippersisti fis-soċjetà tagħna, stabbilixxa miżuri biex jiġu indirizzati dawn il-kwistjonijiet.
Aċċessibbiltà u inklużjoni
L-UE għandha l-għan li tagħmel diversi prodotti u servizzi aktar aċċessibbli għall-anzjani u għall-persuni b'diżabilità.
Ħafna persuni b'diżabilità għadhom jiffaċċaw ostakli biex jaċċessaw il-kura tas-saħħa, l-edukazzjoni, l-impjiegi, attivitajiet rikreattivi, u l-parteċipazzjoni politika.
Kard tad-diżabilità u kard għall-parkeġġ
Il-moviment liberu fl-UE ser isir aktar faċli għall-persuni b'diżabilità. Il-kard Ewropea tad-diżabilità u l-kard għall-parkeġġ jiffaċilitaw l-aċċess għad-drittijiet tagħhom u għall-kundizzjonijiet preferenzjali fil-pajjiżi kollha tal-UE.
Il-kards iservu bħala prova tal-istatus tad-diżabilità kullimkien fl-UE.
L-aħħar aħbarijiet
- Post li ssejjaħlu darek: il-Kunsill jadotta rakkomandazzjoni biex jiġu indirizzati l-esklużjoni mill-akkomodazzjoni u l-għajxien bla dar
- Il-Kunsill jappella għal aktar ugwaljanza biex tingħata spinta lill-kompetittività tal-UE
- Spazji online aktar sikuri għall-bniet: il-Kunsill jappella għal azzjoni aktar b'saħħitha kontra l-vjolenza online
Laqgħat relatati
- Kunsill Impjiegi, Politika Soċjali, Saħħa u Affarijiet tal-Konsumatur (Impjiegi u politika soċjali)
19 ta' Ottubru 2026
- Kunsill Impjiegi, Politika Soċjali, Saħħa u Affarijiet tal-Konsumatur (Politika soċjali)
29 ta' Ġunju 2026
- Kunsill Impjiegi, Politika Soċjali, Saħħa u Affarijiet tal-Konsumatur (Impjiegi u politika soċjali)
1 ta' Diċembru 2025
L-aħħar spjegazzjonijiet
L-aħħar reviżjoni: 20 ta' Lulju 2026